ဒပ်ပၠန်ဂတးတံ လုပ်ဗတိုက် ဗ္ဒိုပ်ဗၠာဲသၟိၚ်မံၚ်မကာန်

လံၚ်လုၚ်၊ ဂျာန်နဝါရဳ ၂၅

ရးတနၚ်သဳ ပွိုၚ်ဍုၚ်လံၚ်လုၚ် ဒပ်ပၠန်ဂတးတံ လုပ်ဗတိုက်လဝ် ဗ္ဒိုပ်ဗၠာဲသၟိၚ်မံၚ်မကာန်ဂှ် ကောန်ဒပ်ဗၠာဲသၟိၚ်မွဲတၠ ချိုတ်အာလဝ်နွံ ဒပ်ပၠန်ဂတးလုပ်ဗတိုက်လဝ်တံ ဟီုကဵုဌာန်ပရိုၚ် သြၚ်လောန်တိုၚ်မ်ရ။

ပ္ဍဲဂျာန်နဝါရဳ ၂၃ ၜိုတ်အခိၚ်နူဂယး ၁၁ နာဍဳဂှ် ဒပ်ပံၚ်တောဲ မဟာမိတ်ပၠန်ဂတးတံ မွဲခရိပ်မတ် လုပ်ဗတိုက်လဝ် ဗဒိုပ်ဗၠာဲသၟိၚ် မံၚ်မကာန် မဒှ်ရ။

အကြာၜါလပါ် ပေါဲဗတိုက်ဒှ်အာၜိုတ်ပွိုၚ် ၁၅ မိနေတ်တုဲ နူလပါ်ကဝ်မယှေန်ပၞာန်ဂှ် ဒပ်ဗၠာဲသၟိၚ်မွဲတၠ ချိုတ်အာလဝ် သ္ဂးရ။

ပေါဲဗတိုက်ဒှ်တုဲ ဒၞာဲဒပ်ပၠန်ဂတးတံ ဆုတ်အာ လပါ်ကွာန်ပါန်တေၚ်အေၚ်ဂှ် ကရောၚ်ပၞာန် ဒပ်ကဝ်မယှေန်ပၞာန် ထပက်အာကီုလေဝ် ၜိုတ်အခိၚ်နာဍဳမွဲဍောတ်ဂှ် ကရောၚ်ပၞာန်ဂတး ကလေၚ်အာပၠန်သ္ဂးရ။

သၞာံအာ ပ္ဍဲဂိတုနိုဝင်ပါဂှ် ဒပ်ပၠန်ဂတးတံ သီဂွံလဝ်ဗ္ဒိုပ်ဗၠာဲသၟိၚ် မံၚ်မကာန်ဂှ်လေဝ် နူကဵုဒပ်ကဝ်မယှေန်ပၞာန် ထပေၚ်စွံလဝ်ဇြဟတ် ၅၀ ပြၚ်ၚ်တုဲ လုပ်ဖျေံဂဇအ်လဝ်ဒပ်ရောၚ် ဂွံတီ နူဂကောံပၠန်ဂတးတံရ။

ဗ္ဒိုပ်ဗၠာဲသၟိၚ်မံၚ်မကာန် နွံမံၚ်ကရပ်ဇိုၚ်ပြၚ်ၜဳမံၚ်မကာန်ဂှ်တှ်ေ ပ္ဍဲအခိၚ်ပၞာန်သီအဝဵုဏံ ဒပ်ပၠန်ဂတးတံလုပ်ဗတိုက်လဝ် မွဲဏှမွဲဏှ မဒှ်ရ။ 

ပ္ဍဲဂျာန်နဝါရဳ ၂၅ သွက်ဂွံကၠောန်လဝ်ပေါဲရုဲမာဲသ္ကုတ် ၃ ပ္ဍဲပွိုၚ်ဍုၚ် လံၚ်လုၚ်တံဂှ် ဒပ်ကဝ်မယှေန်ပၞာန်တံ ပတေၚ်လဝ်ပရေၚ်ဂီုကၠီု ဗွဲတၟေၚ် ပ္ဍဲကဵုပၞော်လုပ်တိတ်ဍုၚ်တံဂှ် ဂွံတီနူကဵုညးဒေသတံရ။

ပရိုၚ်-သြၚ်လောန်တိုၚ်မ်

Photo – Social Media

Leave a Reply

Your email address will not be published. Required fields are marked *