ပလဝ်၊ ဂျာန်နဝါရဳ ၃၁
ရးတနၚ်သဳ ပွိုၚ်ဍုၚ်ပလဝ် ဟိုတ်နူပေါဲဗတိုက်အကြာၜါလပါ်ဒှ်တုဲ ဒပ်ကဝ်မယှေန်ပၞာန်စံၚ်ထောံကွာန်တို ဍုၚ်ပလဂှ် ဂွံတီနူကဵု ညးဒေသကေုာံဂကောံဇြဟတ်ပၠန်ဂတးတံရ။
ပ္ဍဲဂျာန်နဝါရဳ ၂၈ ၜိုတ်အခိၚ်ဗတံ ၈ နာဍဳဂှ် အကြာဒပ်ကဝ်မယှေန်ပၞာန်ကဵု ဒပ်ပၠန်ဂတးတံၜါလပါ်ပေါဲဗတိုက် ဒှ်လဝ်ရ။
ဟိုတ်နူပေါဲဗတိုက်ဒှ် ကွာန်တိုသ္ၚိမၞိဟ်မံၚ်ဟၟဲဏံ ဒပ်ကဝ်မယှေန်ပၞာန်စံၚ်ပလီုတုဲ သ္ၚိလၟိဟ်ကဵုစှော်မတံ ပၟတ်တူအာ သ္ဂးရ။
ကွာန်တိုဂှ် ဒှ်မံၚ် အရာပ်စၟတ် ၁ ဍုၚ်ပလတုဲ ပ္ဍဲကဵုသၞာံ ၂၀၂၄ တေံ ပေါဲဗတိုက်သီဍုၚ်ပလ ဒှ်လဝ်ဂှ် ညးဒေသတံအလုံမွဲကွာန်ကြပ်အိုတ် ဆုဲပြံၚ်တိတ်အာဌာန်ဒၞာဲတၞဟ်ဟ်တံရ။
ပ္ဍဲဂျာန်နဝါရဳ ၂၇ ဂှ်လေဝ် ပ္ဍဲအရာပ် ၄ ဍုၚ်ပလ ညးဒေသတံကော်စ အရာပ်သၞေဟ်ဖဴၜဵုဂှ် ဒပ်ကဝ်မယှေန်ပၞာန်စံၚ်တုဲ သ္ၚိကြပ် ၈၀ မ ပၟတ်တူဆောံလေၚ်အာအိုတ်ရ။
ဒပ်စဵုဒၞာညးဍုၚ်ကွာန် PDF တံ ယဝ်ရကၠုၚ်ဗတိုက်မ္ဂး သ္ၚိနွံမံၚ်ဍုၚ်ပလသီုဖအိုတ်ဂှ် စံၚ်ပလီုသ္အးထောံရောၚ် ဒပ်ကဝ်မယှေန်ပၞာန် ဘပဠဟီုဂးလဝ် မဒှ်ရ။
ပရိုၚ်-သြၚ်လောန်တိုၚ်မ်
Photo – CJ