ကျာ်ထဝ်၊ ဖေဖဝ်ဝါရဳ ၂
တွဵုရးမန် ပွိုၚ်ဍုၚ်ကျာ်ထဝ် ပေါဲဗတိုက်ဟၟဲကီုလေဝ် ၜၚ်ကျာဒပ်ကဝ်မယှေန်ပၞာန် ကၠုၚ်ကြဳဖျေံဗုမ်ရဂှ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲဂျာန်နဝါရဳ ၃၁ ၜိုတ်အခိင်ဒေါဝ်တ္ၚဲ ၁၂ ၜၚ်ကျာဂျက်ဖိုက်တာကဝ်မယှေန်ပၞာန်တံ ပ္ဍဲကွာန်ပလိုၚ်တၟအ်ဂှ် ကၠုၚ်ကြဳဖျေံဏာဗုမ် ၂ မရ။
မကမ်ဗုမ်ကဝ်မယှေန်ပၞာန် ၂ မ ဒတုံစှ်ေခတိုဟ်အာ ဒၞာဲဆေင်ကၠေၚ်တြေံ ဂၠံၚ်လုပ်ကွာန်ပလိုၚ်တၟအ်ကီုလေဝ် မၞိဟ်ဒးလဝ်ဘဲဝပ် ဟၟဲပုဟ် သ္ဂးရ။
မွဲအခိၚ်ဓဝ်ပ္ဍဲတ္ၚဲဂှ်ကီု နူကဵုဒပ်ဗလံက်စၟတ် ၃၁၀ ဒပ်ကဝ်မယှေန်ပၞာန်ပန်ဏာလွဟ်ဇၞော် ပ္ဍဲကွာန်ပလိုၚ်တၟအ်ဂှ်တုဲ ဒတုံခတိုဟ်အာလဝ် ပ္ဍဲကဵုကၠအ်ရာဘာ ဇိုၚ်ကွာန်မွဲဒၞာဲရ။
ဟိုတ်နူဒပ်ကဝ်မယှန်ပၞာန် ပန်လွဟ်ဇၞော် ကြဳဖျေံဗုမ်နူၜၚ်ကျာဂှ် ကောန်ကွာန်တံသီုဖအိုတ် အလုံမွဲကွာန် ထောံသ္ၚိဌာန်တုဲ ဂြိပ်ပါဲအာအိုတ် မဒှ်ရ။
ပ္ဍဲအကြာကၞောတ်သၞာံတေံကဵု တမ်သၞာံဏံဂှ်တှ်ေ နူကဵုဒပ်ကဝ်မယှေန်ပၞာန်တံ ပန်ဗတိုက်မံၚ် ဒၞာဲကွာန်ညးဍုၚ်ကွာန်တံတန်တဴ ပ္ဍဲကဵုပွိုၚ်ဍုၚ်ကျာ်ထဝ်ကဵုၜဳကလေၚ်တံဂှ် အရိုဟ်ဟ်တ္ၚဲဒှ်မံၚ်ရ။
ဟိုတ်နူဒပ်ကဝ်မယှေန်ပၞာန် ပန်ဗတိုက်မံၚ်ဂှ်ရ နူကဵုပွိုၚ်ဍုၚ်ကျာ်ထဝ် ကွာန်အခိုၚ်၊ ဝင်ကံ၊ ခရုဲ၊ ဂအုံကွာန်ကုန်ပျာန်တံကီု ပ္ဍဲကဵုပွိုၚ်ဍုၚ် ၜဳကလေၚ် ကွာန်အလူကဵုဂအုံကွာန်ကဇြိုၚ်တံ ညးဍုၚ်ကွာန်မွဲဠက်ပြၚ် ဒးပါဲဒဴမံၚ်ဘဲပၞာန်ဂှ် ဂွံတီလဝ်နူကဵု KNU ခရိုၚ်သဓီုရ။
ပရိုင်-သြၚ်လောန်တိုၚ်မ်
Photo – Social Media