ရေဝ်၊ ဖေဖဝ်ဝါရဳ ၄
တွဵုရးမန် ပွိုၚ်ဍုၚ်ရေဝ် တမ်ဒပ် ခမရ ၅၉၁ ဖျေံလဝ်သ္ဇိုၚ်ပ္ဍဲကွာန်ဘာဂှ် ဒပ်ပၞာန်စဵုဒၞာညးဍုၚ်ကွာန်တံ ပန်ဗတိုက်လဝ် ဂွံတီနူကဵုဒပ်ဒမၠုက်ရေဝ်ရ။
ပ္ဍဲဂျာန်နဝါရဳ ၃ ၜိုတ်နူဂယးပြဟ် ၅ နာဍဳဂှ် ဒပ်ပံၚ်ကောံမဟာမိတ်ပၠန်ဂတးတံ အာပန်ဗတိုက်လဝ်ဒၞာဲတမ်ဒပ် ခမရ ၅၉၁ နကဵု လွဟ်ဇၞော်လွဟ်ဍောတ်တံရ။
ပေါဲဗတိုက် ၜိုဟ်ကဝက်နာဍဳ အကြာၜါလပါ်ဒှ်ပန်မံၚ်ဂှ် လပါ်ရဲဒပ်ပၠန်ဂတးတံ မုလေဝ်ပရေၚ်ဒးဘဲဝပ်ဟၟဲ ကလေၚ်ဆုတ် ကၠုၚ်မာန်ဂှ် ညးတာလျိုၚ်ဒပ်ဒမၠုက်ရေဝ် YGF ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုပေါဲဗတိုက်ဏံ ရဲလပါ်ဒပ်ပၞာန်ဗမာဟွံအောန်နူကဵုပန်တၠ ချိုတ်အာမာန်တုဲ ဗွဲတြးဂွံတီကေတ်မာန်ဂှ် ဆက်လ္ၚတ်မံၚ်ဖိုအ် သ္ဂးရ။
ပရေၚ်ပေါဲဗတိုက်ဏံဂှ် ဒပ်ပၞာန်ဗၠးၜးကောန်ဂကူကရေၚ် KNLA တမ်ဒပ် ၂၇၊ ဒပ်မန်ရာမည RMA ကေုာံ ဒပ်ဒမၠုက်ရေဝ်တံ ပံၚ်တောဲ ပါလုပ်လဝ်ရ။
အကြာၜါလပါ်ဒှ်ပန်လဝ်တုဲ ပ္ဍဲကဵုဂၠံၚ်ဍာန်ဆက်လဝ် ကွာန်မွဲကဵုမွဲတံဂှ် ဒပ်ကဝ်မယှေန်ပၞာန်တံ ဗက်မာတ်ဆိုအ်ဂၠိုက်ဂၠာဲတုဲ ဗွဲယာယဳကၟာတ်လဝ်ဍာန်ကီု ဂွံတီနူကဵု ညးဒေသတံရ။
ပရိုင်-သြၚ်လောန်တိုၚ်မ်
Photo – YGF