ဍာ်ဗု၊ ဖေဖဝ်ဝါရဳ ၅
ရးတနၚ်သဳ ပွိုၚ်ဍုၚ်ဍာ်ဗု ပ္ဍဲကဵုကွာန်ပဂဝ်ဇြောန် ဟိုတ်နူဗုမ်ဒရုၚ် ဒတုံခတိုဟ်အာဂှ် ကောန်ကွာန်ပိတၠ ဒးအာဝပ်ဇၞော်ကဵုဇြဟတ်ရောၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဒပ်ကဝ်မယှေန်ပၞာန် ဖျေံလဝ်ဒပ်ပ္ဍဲကဵု ဘာလကျာ် ကွာန်ပဂဝ်ဇြောန်ဂှ် ပ္ဍဲဖေဖဝ်ဝါရဳ ၃ အခိၚ်နူဂယး ၜိုတ် ၁၁ နာဍဳဂှ် ရဲဂကောံဒပ်ပၠန်ဂတးတံ ကၠုၚ်ကြဳဖျေံဗုမ်ဒရုၚ် ဗတိုက်လဝ်ရ။
ဗုမ်ဒရုၚ်ဏံ ဒတုံခတိုဟ်အာလဝ် ပ္ဍဲကဵုသ္ၚိမၞိဟ်ချိုတ် ကရပ်ဘာလကျာ်ဂှ် ကောန်ကွာန် ၃ တၠဒးဝပ်ဇၞော်ကဵုဇြဟတ်တုဲ ၂ တၠဂှ် အကာဲအရာအန္တရာဲလမျီု ဒးဂွိၚ်ဂွာဲမံၚ်ရောၚ်။
ဗုမ်ဒရုၚ်ဒတုံခတိုဟ်အာတုဲ နူကဵုလပါ် ဒပ်ကဝ်မယှေန်ပၞာန် ပန်မံၚ်ကဵုလွဟ်ဇၞော်ဆက်က်ဂှ် ညးဒေသဗွဲမဂၠိုၚ်တံ ထောံသ္ၚိဌာန် ဒးဂြိပ်ပါဲအာအိုတ် ဂွံတီရ။
တုဲကၠုၚ်ဂျာန်နဝါရဳ ၁၅ ဂှ်လေဝ် ပ္ဍဲကဵုကွာန်သာယာမန် ပွိုၚ်ဍုၚ်ဍာ်ဗုဂှ် ပေါဲဗတိုက်အကြာၜါလပါ်ဒှ်တုဲ ပန်လဝ်လွဟ်ဂှ် ရဲကၠအ်ရာဘာမွဲတၠ ဒးမကမ်ချိုတ်လဝ်နွံကီုရ။
ပရိုၚ်-သြၚ်လောန်တိုၚ်မ်
Photo – Social Media