မတ်မလီု ၊ ဖေဖဝ်ဝါရဳ (၁၂)
ပ္ဍဲတွဵုရးမန် သွဟ်ပေါဲရုဲမာဲ ၂၀၂၀ တေံကီု တင်နင်စၟတ်သမ္တီဆက်စပ်မံၚ်တံဂှ် ပ္ဍဲတ္ၚဲအကြာတံဏံ စံၚ်ပလီုထောံအိုတ်ယျရောၚ် ဂွံတီကေတ်နူရဲကြပ်ကဵုကဝ်မယှေန်ပၞာန်တံရ။
ပ္ဍဲကဵုပေါဲရုဲမာဲ ၂၀၂၀ တေံ စကာလဝ်စရၚ်အင်နာနာ၊ တၞးမာဲဂမၠိုၚ်၊ တင်နၚ်စၟတ်သမ္တီနာနာတံကဵု ကပေါတ်ဆက်စပ်ကဵုပေါဲရုဲမာဲသီုဖအိုတ်ဂှ် အတိုၚ်စၞောန်ပ္ညုၚ်ကဝ်မယှေန်ပၞာန် ဒးစံၚ်ပလီုထောံ မဒှ်ရ။
ၜက်လောန်အာကဵုအခိၚ်ကာလတုဲ စရၚ်မာဲကဵုတင်နၚ်ပေါဲရုဲမာဲ ၂၀၂၀ တေံဂှ် ဒးပလီုထောံရောၚ် ကဝ်မယှေန်ပၞာန်ထ္ၜးလဝ်ဟိုတ်ရ။
ပေါဲရုဲမာဲမွဲလောန်အာတုဲ ညးဖအိုတ်သ္ပစၟတ်သမ္တီတုဲမ္ဂး တင်နၚ်စၟတ်သမ္တီလဝ်သီုဖအိုတ်တံ ပလီုထောံဂွံကီုလေဝ် သီအဝဵုတုဲပလီုထောံ တင်နၚ်ၚုဟ်မးနွံသာ်ဏံဂှ်တှ်ေ ဒှ်ပရေၚ်ရာဇဝတ်ရောၚ် အစာဥပဒေစၠတ်ဓဝ် ဥူကျဳမျေအ် ဟီုကဵု ဌာန်ပရိုၚ်သြၚ်လောန်တိုၚ်မ်ရ။
တုဲပၠန် ယဝ်ရရံၚ်အာအတိုၚ်လၟေၚ်သၞောဝ်မ္ဂး ကၠာဟွံပံက်အလဵုအသဳ ကဝ်မယှေန်ပၞာန်စံၚ်ပလီုထောံ တင်နၚ်ပေါဲရုဲမာဲဂှ် ဟွံကိတ်ညဳကဵုဥပဒေတုဲ အတိုၚ်သၞောဝ်ဥပဒေကဝ်မယှေန်ပေါဲရုဲမာဲဂှ် ကေတ်အာအရေဝ် မာန်မံၚ်ရောၚ် ညးဆက်ဟီုရ။
အခိၚ်ပေါဲရုဲမာဲညိၚ်ဝပ်တုဲဒှ်အာ ၜိုဟ်ဟ်သြိုဟ်ဟ်ဂှ် စံၚ်ပလီုထောံ တင်နၚ်ပေါဲရုဲမာဲထေက်ကီုလေဝ် စံၚ်ပလီုထောံ တင်နၚ်ဒှ်လဝ် ပရေၚ်ကယျာန်ထဝါတ်တံမ္ဂး စိုပ်မွဲအခိၚ်ညံၚ်ဂၠာဲအစဟွံဂွံ ပလီုထောံတင်နၚ်တဏံ ဒှ်မာန်ရောၚ် ညးလ္ၚတ်ပေါဲရုဲမာဲတံ ပါ်ပါဲမံၚ်ရ။
တုဲကၠုၚ်ပေါဲရုဲမာဲ ၂၀၂၀ တေံ မာဲဟွံယဵုလ္ဂူတပ်တး ထ္ၜးဟိုတ်တုဲ ကံၚ်သဳပၞာန်သီလဝ်အဝဵုဂှ် လၟုဟ်စိုပ်အာ အကြာပွိုၚ် ၅ သၞာံ မဒှ်ရ။
ပ္ဍဲအလုံမွဲဍုၚ်ကီုရ သွဟ်ပေါဲရုဲမာဲ ၂၀၂၀ တေံကဵု တင်နၚ်စရၚ်အၚ်စၟတ်သမ္တီနာနာတံဂှ် စနူအကြာတ္ၚဲတံဏံတုဲ ကဝ်မယှေန်ပၞာန် စံၚ်ပလီုထောံအိုတ်ယျ။
ပရိုၚ်-သြၚ်လောန်တိုၚ်မ်
Photo – Social Media