တယိတ်ချံၚ်၊ ဖေဖဝ်ဝါရဳ ၁၃
ပ္ဍဲရးတနၚ်သဳ ပွိုၚ်ဍုၚ်တယိတ်ချံၚ် ပေါဲဗတိုက်အကြာဒပ်ၜါလပါ်ဒှ်လဝ်ဂှ် ရဲဒပ်ကဝ်မယှေန် ၉ တၠ ချိုတ်လဝ်နွံမံၚ် ဗော်သွးကောန်ဂကူကရေၚ် KNU ခရိုၚ်ထဝါဲဗိက်လလောၚ်တြးလဝ် သီုကဵုဗီုရုပ်စၟတ်သမ္တီတံရ။
ပ္ဍဲဖေဖဝ်ဝါရဳ ၁၀ ဂှ် နူကဵုဍုၚ်တယိတ်ချံၚ်မွဲအဆံၚ် သွက်ဂွံပလံၚ်ထပေၚ်ဇြဟတ်ဒပ် ကဝ်မယှေန်ပၞာန် ထပက်ကၠုၚ်ကရောၚ်ပၞာန်တုဲ ဒှ်လဝ်ပေါဲဗတိုက်ကဵု ဒပ်ကရေၚ် KNLA ပံၚ်တောဲလဝ်တံရ။
ပ္ဍဲပေါဲဗတိုက် ရဲဒပ်ကဝ်မယှေန် ၉ တၠ ချိုတ်လဝ်တုဲ သီဂွံလဝ်လွဟ် MA1 ၜါဇကိုအ်၊ MA3 ၅ ဇကိုအ်ကဵု လွဟ်မကမ်လ္ၚဵုနွံမံၚ် နူကဵု KNU ခရိုၚ်ထဝါဲဗိက်သ္ဂးရ။
ပ္ဍဲတ္ၚဲပေါဲဗတိုက်ဒှ်လဝ်ဏံ လပါ်ကွာန်ကြုၚ်ဗတဳဇၞော် ပွိုၚ်တိုက်တံၚ်ပျံက် ပွိုၚ်ဍုၚ်တယိတ်ချံၚ်ဂှ် ၜၚ်ကျာကဝ််မယှေန်ပၞာန် ကၠုၚ်ကြဳဖျေံထောံဗုမ်နွံမံၚ်ရောၚ် ဂွံတီကေတ်ရ။
နူကဵုဒပ်ပၞာန်ဗၠးၜးကောန်ဂကူကရေၚ် KNLA မဟာဒပ် (၄) တမ်ဒပ် (၁၂) ကဵု မဟာဒပ် (၆) တမ်ဒပ် (၂၇) ဒပ်မဟာမိတ်ပံၚ်တောဲတံ ဗတိုက်လဝ်မဒှ်ရ။
ပရိုၚ်-သြၚ်လောန်တိုၚ်မ်
Photo – KNU