သဓီု ၊ ဖေဖဝ်ဝါရဳ ၁၃
တွဵုရးမန် ပ္ဍဲပွိုၚ်ဍုၚ်သဓီု တုဲကၠုၚ်ဖေဖဝ်ဝါရဳ ၁၀ဏံ မွဲဗ္တံဓဝ်ဂှ် သၟတ် ၃၀ ပြၚ် ဒးဒုၚ်တၚ်ရပ်ဏာပဝ်တာနွံမံၚ် ညးဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ပ္ဍဲကဵုဍုၚ်သုဝဏ္ဏဝတဳ အုံအရာပ်ဗဂေါကဵု ကွာန်နံၚ်ဗိုတံဂှ် ဂကောံပံၚ်ကောံကဝ်မယှေန်ပၞာန်တံ နကဵုဇြဟတ်ပေၚ်ၚ် လုပ်ဗိုၚ်ရပ်လဝ်သၟတ်တံရ။
ညးတြုံသၟတ် အယုက်အကြာအယုက် ၂၀ ကဵု ၃၅ သၞာံတံ ဒးဒုၚ်ရပ်တုဲ ကော်ထိၚ်စွံဏာလဝ် ပ္ဍဲကဵု ဘာတန်ဗတောန်ကွတ်သ္ဇိုၚ်ပၞာန် စၟတ် (၉) ပ္ဍဲကဵုဍုၚ်သဓီုရ။
အတိုၚ်ညးဒေသတံဟီုမ္ဂး သၟတ်လုပ်အဝေါၚ်ယိုက်ဂၠေၚ်ပၞာန်တံဂှ် ဂကောံပံၚ်ကောံကဝ်မယှေန်ပၞာန်တံ ဗက်အာရပ်ကော်ကေတ် သၟတ်လ္ၚဵုတံနူကဵုသ္ၚိမဒှ်ရ။
ညးဒးဒုၚ်ရပ်ဏာတံ ညံၚ်ဂွံကလေၚ်ဗၠး မိမကောဒေံတံဗက်အာဂၠိုက်ဂၠာဲ ပ္ဍဲဒၞာဲဘာတန်ဗတောန်ကွတ်သ္ဇိုၚ်ပၞာန် စၟတ် (၉) ကီုလေဝ် အခေါၚ်ဆဵုဟၟဲ၊ ရပ်ထိၚ်လဝ်မၞိဟ်လေဝ်ဟၟဲပုဟ်ဂှ် ညးမၚ်သၞေဟ်ကၚ်ဂိက်ဒပ်ပၞာန်တံ ကလေၚ်ဟီုနၚ်လဝ် သ္ဂးရ။
ပ္ဍဲပွိုၚ်ဍုၚ်သဓီု သွက်ဂွံယိုက်ဝန်ပၞာန် ဒပ်ကဝ်မယှေန်ပၞာန်ဗက်ဂၠာဲရပ်မံၚ်ဗီုဗီုတံဏံဂှ်ရ စိုပ်အခိၚ်ဗ္တံမ္ဂး သၟတ်တံ ညံၚ်ဟွံဂွံတိတ်မ္ၚးအာကၠုၚ်မံၚ်ဂှ် ညးဒေသညးတံကဵုညးတံ ကဵုမံၚ်သတိနွံရ။
ခြာဟွံလံ ပ္ဍဲတွဵုရးမန် သွက်ဂွံပံက်အာဘာယိုက်ဝန်ပၞာန်ညးဍုၚ်ကွာန် လၟေၚ် ၂၂ ဂှ် ဒပ်ဗၠာဲသၟိၚ်ဆေၚ်စပ်တံကဵု ဂကောံပရေၚ်အုပ်ဓုပ်တံ ကဵုမံၚ်ဇြဟတ်ဟရိုဟ်နဲကဲစုၚ်ၚ်တုဲ ဖန်မံၚ်မဒှ်ရ။
ပရိုၚ်-သြၚ်လောန်တိုၚ်မ်
Photo – CJ