ဟာတ်ယာဲ၊ ဖေဖဝ်ဝါရဳ ၁၃
ပ္ဍဲဘာတန်သၠုၚ် ဍုၚ်ဟာတ်ယာဲ ဖေဖဝ်ဝါရဳ ၁၂ အခိၚ်နူဂယး ပရူပရာပန်လွဟ်ဒှ်အာမွဲဂှ် အဃောဂစာန်မံၚ်ကွးဘာတံဂွံဗၠးဘဲ ဂဥုပ်ဘာအစာဇၞော် ဒးမကမ်တုဲ ချိုတ်အာရ။
ဂဥုပ်ဘာ အစာဇၞော် သာသဳပါတ် သေန်သာမိုသင် အယုက် ၅၄ သၞာံဂှ် မကမ်ဖံက်လုပ်အပ္ဍဲခန္ဓညး ဆီတိတ်လောန်တုဲ ဒးချိုတ်အာ ဒံက်တာ ဝဳရိုတေဝ် ဟီုရ။
မကမ်ဖံက်လုပ်အာ လပါ်သြိုဟ်ပါဲတုဲ တိတ်အာဒကဲလပါ်ကၞောတ်သြိုဟ်ပုၚ်ရောၚ် ဂဥုပ်ရုၚ်ဂဥုဲ ဟီုရ။
ကွးဘာ ၁၇ သၞာံမွဲတၠ ကၠတ်ကေတ်နူလွဟ်နူသ္ၚိ အဃောပန်မံၚ်ပ္ဍဲဘာဂှ် အဃောဂဥုပ်ဘာဂစာန်ဒၞာတာမံၚ် ကွးဘာတံဂှ် ဒးအာမကမ်တုဲ ချိုတ်အာပ္ဍဲရုၚ်ဂဥုဲရ။
ဂဥုပ်ဘာဝွံ ဂွံလဝ်တဆိပ်ကြာဒံက်တာမဒှ်တုဲ ပ္ဍဲဒေသသံခလဂှ် ကေတ်လဝ်တာလျိုၚ် ဂဥုပ်ဘာ ၃ ဘာ မဒှ်ရောၚ်။
မၞိဟ်ကၠုၚ်ပန်လွဟ် အပ္ဍဲကဵုဘာဗတောန်ဏံဂှ် ဒှ်ညးဒေသ ပသောန်မွဲတၠ မဒှ်ရ။
Ref:Bangkokpost