ရေဝ်၊ ဖေဖဝ်ဝါရဳ ၁၈
တွဵုရးမန် ပွိုၚ်ဍုၚ်ရေဝ် ပ္ဍဲသ္ကုတ်ဂၠံၚ် ဒူရာ-ကွာန်အၜဝ်ဂှ် ဒပ်ပၞာန်ဗမာဒးဒုၚ်ပန် ပွိုၚ်ၜါတ္ၚဲဆက်က်ဂှ် ချိုတ်အာလဝ် ပိတၠနွံမံၚ် ရိုဟ်ကၞက်ပရိုၚ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဖေဖဝ်ဝါရဳ ၁၅ အခိၚ်နူဂယးဂှ် ဒၞာဲဂိက်သၞေဟ်ကၚ်ဒပ်ပၞာန်ဗမာ နွံမံၚ်ပါၚ်ဂၠံၚ်လုပ်ကွာန်အၜဝ်ဂှ် ဒပ်ပၠန်ဂတးပံၚ်တောဲမဟာမိတ်တံ အာလုပ်ပန်ဗတိုက်လဝ်ရောၚ်။
ပ္ဍဲဖေဖဝ်ဝါရဳ ၁၆ ဂှ်ပၠန် ဒပ်ပၞာန်ဗမာဗက်စၟဳစၟတ်မံၚ် ကရပ်ဂိက်သၞေဟ်ကၚ်ဂှ် အာထပ်ပန်လဝ်အလန်ဒုတိယ မဒှ်ရ။
ပ္ဍဲကဵုပရေၚ်ပန်ဗတိုက်လဝ်ဏံ ဒပ်ပၞာန်ဗမာပိတၠချိုတ်တုဲ ဒးဝပ်မွဲတၠကီုလေဝ် ရဲလပါ် ဒပ်ပၠန်ဂတးပံၚ်တောဲမဟာမိတ်တံဂှ် မွဲတၠမှ ဒးလဝ်ဟၟဲပုဟ် သ္ဂးရ။
ဟိုတ်နူဒှ်လဝ်ပရေၚ်ပန်ဗတိုက်လဝ်ဏံဂှ် ဒပ်ပၞာန်ဗမာ ထပ်ထပဵုဖျေံလဝ်ဇြဟတ်ဂီုကၠီု ပ္ဍဲသ္ကုတ်ဂၠံၚ် ဒူရာ-ကွာန်အၜဝ်တုဲ ဗက်မာတ်ဆိုအ်ဂၠိုက်ဂၠာဲစၟဳစၟတ်မံၚ်ဆက်က်ရောၚ် ညးဒေသတံ ဟီုရ။
ပ္ဍဲကဵုအကြာတ္ၚဲတံဏံ ဒၞာဲကွာန်လ္ၚဵုလ္ၚဵု ပွိုၚ်ဍုၚ်ရေဝ်မ္ဂး ဒပ်ပၞာန်ဗမာတံ ထပက်မံၚ်ကရောၚ်ပၞာန်ကီု ပံက်မံၚ်ဂိက်သၞေဟ်ကၚ်တၟိတၟိကီု ဖန်ဇန်ကၠောန်မံၚ်ရ။
ပရိုင်-သြင်လောန်တိုၚ်မ်
Photo – CJ