ကျာ်ထဝ်၊ ဖေဖဝ်ဝါရဳ ၁၈
တွဵုရးမန် ပ္ဍဲပွိုၚ်ဍုၚ်ကျာ်ထဝ် ဒပ်ပၞာန်ဗမာ ဍိုက်ကဵုဇြဟတ်ပေၚ်ၚ်တုဲ ဟိုတ်နူထပက်မံၚ်ကရောၚ်ပၞာန်ဂှ် အကြာၜါ်လပါ် ပေါဲဗတိုက်သ္ကာတ်မြဟ်ဒှ်ကၠုၚ်မာန်ရောၚ် ဒပ်ပၠန်ဂတးတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
အကြာပရေၚ်ပၞာန်ကြံၚ်မ္ၚိုဟ်မံၚ်ဏံ စနူဖေဖဝ်ဝါရဳ ၉ ဂှ် ဒပ်ပၞာန်ဗမာဇြဟတ်ၜိုတ် ၃၀၀ တံ ထပက်ကရောၚ်ပၞာန် လုပ်ကၠုၚ်ပ္ဍဲပွိုၚ်ဍုၚ်ကျာ်ထဝ်တုဲ ပေါဲဗတိုက်တံကလေၚ်ဒှ်မံၚ်ရောၚ်။
ပ္ဍဲဖေဖဝ်ဝါရဳ ၁၅ ပၠန် ဒပ်ပၞာန်ဗမာထပ်ထပဵုလဝ်ဇြဟတ် ၜိုတ် ၃၀၀ တုဲ ပါ်လဝ်ၜါကရောၚ်ပၞာန်ဂှ် ထပက်ကၠုၚ်မံၚ် မဒှ်ရ။
ပ္ဍဲဖေဖဝ်ဝါရဳ ၁၅ အခိၚ်သဝ်တ္ၚဲ ပေါဲဗတိုက်ဒှ်လဝ် ကရပ်ကွာန်ဝေင်ကာန်ဂှ် အကာဲအရာဒးလဝ် အကြာဒပ်သီုၜါလပါ် မုလေဝ်ဟွံဂွံတီဏီပုဟ်။
ပြဟ်ဟ်ဏံ ဒပ်ပၞာန်ဗမာ ပိကရောၚ်ပၞာန် လးပၠးလဝ်သၞေၚ် အကြာကွာန်ပလိုၚ်တၟအ်၊ ခရုဲ၊ ကုန်ပၞဟ်၊ ကရပ်ကွာန်ဝေၚ်ကာန်တံတုဲ အကြာဒပ်ၜါလပါ် အကာဲအရာပၞာန် ကြံၚ်မ္ၚိုဟ်မံၚ်ဖိုအ်ရောၚ် သ္ဂးရ။
ဟိုတ်နူ ဒပ်ပၞာန်ဗမာ ထပက်ကရောၚ်ပၞာန်တုဲ နူကဵုဂအုံကွာန်ဂြိပ်သၠဗြာတ်၊ ဂအုံကွာန်ခရုဲ ကဵု ဂအုံကွာန် ဝေၚ်ကာန်တံ ၁၉ ကွာန်ဂှ် ညးဒေသ ၁၂၀၀၀ ပြၚ် ဒးဂြိပ်ပါဲမံၚ်ဘဲပၞာန်ဖိုအ်ရောၚ်။
သွက်ညးပါဲဒဴဘဲပၞာန်တံ ဒၞာဲမံၚ်၊ စၞစဇွောံမကေုာံ ပရေၚ်ထံက်ပၚ်ရီုဗၚ်ဂဥုဲနာနာတံ ပရေၚ်ကာမံက်တိုန် နွံမံၚ်ပၟိက်ကွေံကွေံရောၚ် KNU ဗဟဵု လလောၚ်တြးလဝ်ရ။
ပရိုင်-သြင်လောန်တိုၚ်မ်
Photo – PDF