ပလဝ်၊ ဖေဖဝ်ဝါရဳ ၁၈
ရးတနၚ်သဳ ပွိုၚ်ဍုၚ်ပလဝ် ပ္ဍဲပေါဲဗတိုက် ဒှ်လဝ်ကရပ်ဒဵုခရေဲဂှ် ဟိုတ်နူၜၚ်ကျာဒပ်ပၞာန်ဗမာ ကြဳဗုမ်ဂှ် ညးဒေသလၟိဟ်ကဵုလ္ၚီတံ ဒးပါဲဒဴအောပ်မံၚ်ရောၚ် ဂွံတီနူကဵုဂကောံဇြဟတ်ပၠန်ဂတးတံရ။
ပ္ဍဲဖေဖဝ်ဝါရဳ ၁၇ အခိၚ်နူဂယးဂှ် ဒပ်ပံၚ်ကောံပၠန်ဂတးတံ အာလုပ်ဗတိုက်လဝ်ဗ္ဒိုပ် ဒပ်ပၞာန်ဗမာဖျေံလဝ်ဒပ် ကရပ်ဒဵုခရေဲဂှ်တုဲ အကြာၜါလပါ် ပေါဲဗတိုက်ဒှ်အာသ္ကာတ်မြဟ်ကွေံရောၚ်။
ဗ္ဒိုပ်ဒပ်ပၞာန်ဗမာ ညံၚ်ဟွံဂွံစှ်အာဂှ် နူကဵုၜၚ်ကျာပၞာန်ဍေံတံ ကြဳဗုမ်ၜါအလန်၊ ဒပ်လွဟ်ဇၞော်တံလေဝ် ဘိုၚ်ပန်ရီုကဵုမံၚ် အိုတ်စောန်ရ။
ဟိုတ်နူပေါဲဗတိုက်ဒှ်ကီု ၜၚ်ကျာပၞာန်ကြဳဗုမ်ကီုတုဲ နူကဵုကွာန်ခန္တဳ၊ ဒဵုခရေဲ၊ ပျေၚ်ကျဳကဵု ကွာန်က္ဍိုပ်ဂလာၝောံတံ ညးဒေသ ၁၀၀၀ ပြၚ်တံ ပၠံၚ်လမျီုတုဲ ဒးဂြိပ်ပါဲအာဒၞာဲဗၠးဘဲတံ သ္ဂးရ။
ပ္ဍဲပေါဲဗတိုက်ဒဵုခရေဲဂှ် ဒဵုကဵုအခိၚ်နူဂယး ၁၁ နာဍဳ ဒှ်သ္ကာတ်မြဟ်တုဲ အကြာၜါလပါ် ပရေၚ်ချိုတ်ဂျိုၚ်ဒးလဝ်ဘဲဝပ်တံ ဟွံဂွံတီဏီ။
ပ္ဍဲကဵုပွိုၚ်ဍုၚ်ပလဝ် ပေါဲရုဲမာဲတုဲအာတုဲ နကဵုက္ဍိုပ်လိက်သောၚ်သ္အးတိဍာ်ဂှ် ဒပ်ပၞာန်ဗမာထပက်ကရောၚ်ပၞာန် ပ္ဍဲဒၞာဲကွာန်ဗွဲမဂၠိုၚ်တုဲ စံၚ်ထောံလဝ်သ္ၚိဌာန်ညးဍုၚ်ကွာန်တံ ဆက်က်ရောၚ်။
ပရိုင်-သြင်လောန်တိုၚ်မ်
Photo – CJ