ထဝါဲ၊ ဖေဖဝ်ဝါရဳ ၁၉
ရးတနၚ်သဳ ဒၞာဲလုပ်ဍုၚ်ထဝါဲ ပ္ဍဲကဵုဗဒိုပ်ပၞာန် GTC ကရပ်ကွာန် မိုၚ်မေဝ်ယှံၚ် ကဵုဒၞာဲဂိက်သၞေဟ်ကၚ်မွဲဂှ် လုပ်ဗတိုက်တုဲ ဒပ်ကဝ်မယှေန်ပၞာန်၂၄ တၠ ချိုတ်အာတုဲ ၁၁ တၠ ရပ်ဂွံလဝ်ဂျိုၚ်ၚ် နွံမံၚ် နူကဵုကရောၚ်ပၞာန်ဒူရက လလောၚ်တြးလဝ်ရ။
ဒပ်ပၞာန်ကောန်ဂကူဗၠးၜးထဝါဲ DNLA ကရောၚ်ပၞာန် ဒူရကကဵု ဒပ် (ပကဖ-ထဝါဲ) DGRF တံပံၚ်တောဲတုဲ ပ္ဍဲဖေဖဝ်ဝါရဳ ၁၆ ဂှ် မွဲအခိၚ်ဓဝ် လုပ်ဗတိုက်လဝ် သီုၜါဗ္ဒိုပ်ဏံရ။
ပေါဲဗတိုက်သီဗ္ဒိုပ်ကဝ်မယှေန်ပၞာန် GTC လအ်ၜိုတ်ပွိုၚ် ၄ နာဍဳဂှ် ဗွဲယာယဳသီဂွံလဝ်တုဲ ဒၞာဲဂိက်သၞေဟ်ကၚ်ဂှ် ကြပ်သီဂွံကီုလေဝ် ဟိုတ်နူကရောၚ်ပၞာန်ရီုတံစိုပ်ကၠုၚ်တုဲ ဒးကလေၚ်ဆုတ်စဴလဝ် သ္ဂးရ။
ပ္ဍဲပေါဲဗတိုက်သီဗ္ဒိုပ်ဏံ ဗိုလ်ဇၞော် ကဝ်မယှေန်ပၞာန်မွဲကဵဵု ကောန်ရဲသီုဖအိုတ် ၁၉ တၠချိုတ်တုဲ သီဂွံနၚ် လွဟ်မကမ်နာနာတံရောၚ် ကရောၚ်ပၞာန် ဒူရက လလောၚ်တြးလဝ်စၟတ်သမ္တီ သီုဗီုရုပ်တံရ။
ပ္ဍဲဖေဖဝ်ဝါရဳ ၁၇ လေဝ် ကရောၚ်ပၞာန်ရီုတိုန်ကၠုၚ်ဂှ် ထပ်ဒးဒုၚ်ဗတိုက်အာဂှ် သ္ကိုပ်ဗိုလ်ဧလွောန် လျိုၚ်ဂီုကၠီုဍုၚ်ထဝါဲ သီုကဵုကောန်ရဲ ၅ တၠတံ ချိုတ်လဝ်ကီုရောၚ် လလောၚ်တြးလဝ်ရ။
ပ္ဍဲကဵုပေါဲဗတိုက်သီဗ္ဒိုပ်ဏံ နူကဵုၜၚ်ကျာပၞာန် ဒပ်ကဝ်မယှေန်ပၞာန် ကၠုၚ်ကြဳဖျေံလဝ်ဗုမ် ၂ အလန်တုဲ ပလံၚ်လဝ်ပၞာန်ရီုတံရောၚ် ညးတာလျိုၚ် ကရောၚ်ပၞာန်ဒူရက ဟီုကဵု ဌာန်ပရိုၚ်သြၚ်လောန်တိုင်မ်ရ။
ပေါဲဗတိုက်ဒှ်တုဲ အပ္ဍဲကဵုဒၞာဲဗ္ဒိုပ်သီုၜါဒၞာဲဏံ ဒပ်ကဝ်မယှေန်ပၞာန်တံ ကလေၚ်ထပေၚ်လဝ် ဇြဟတ်ဒပ်ပၞာန်လၟိဟ် ၁၀၀ ပြၚ်ၚ်တုဲ သီုကြဳဖျေံမံၚ်ဗုမ်ကီု၊ အခိၚ်ဟွံရုဲ ၜၚ်ကျာကၠုၚ်ထောံဗုမ်မာန်တုဲ ညးဍုၚ်ကွာန်တံ မင်ကလၚ်အာပရိုၚ် ဘဲသၞစဵုဒၞာပၞာန်ကျာကီုညိဂှ် ကရောၚ်ပၞာန်ဒူရက ဗတိုက်ဖအောဝ်လဝ်ရောၚ်။
ပရိုင်-သြၚ်လောန်တိုၚ်မ်
Photo – ဒူရကစစ်ကြောင်း