မတ်မလီု ၊ ဖေဖဝ်ဝါရဳ ၁၉
ပ္ဍဲတွဵုရးမန် ရဲတဝ်လဝ်ခၞေဝ်ကေဝ်တံ ဟိုတ်ဥတုရာသဳဟွံခိုဟ် ဒးစၟစၟန်ကီု ၚုဟ်ခိုဟ်ဟ်လေဝ် ဟွံဂွံကီုတုဲ ကျဟောမ်မံၚ်ရောၚ် ရဲကၠအ်ခၞေဝ်တံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဟိုတ်နူအကာဲအရာဥတုရာသဳ ပ္ဍဲသၞာံဏံဂှ် အခိၚ်လဇုဲမှ ဂွံတဵုလဝ်ဂှ်ကီု မခၞေဝ်ကဵု ဝါဲ စရိတ်လိၚ်သၟာကမၠောန်တံ အိုတ်ဂၠိုၚ်နူကဵု သၞာံအာတေံဏီရောၚ်။
ပ္ဍဲအခိၚ်လၟုဟ် ဟိုတ်နူပရေၚ်ဥတုရာသဳဂှ်ရ တၞံခၞေဝ်ဒးစၟ ခံက်တဵုလဝ်ခၞေဝ်တံ လီုလာ်အိုတ်ကီု ခၞေဝ်လေဝ်ဟွံဂွံတုဲ ရဲတဵုခၞေဝ်တံ ဒးကျအာသြန်ရဂှ် ညးတဵုခၞေဝ်မွဲတၠ ဟီုရ။
“လၟုဟ်ပိုဲတဵုလဝ် ခဍောၚ်ဗ္စးဟွံသေၚ်ပုဟ်။ တဵုလဝ်ခဍေၚ်ဍာတ်တ်တံ။ ပကဴဍေံ အခိၚ်ဒှ်သတ်ဂှ် ဒးစၟပၠန်။ သွံစဟွံဂွံတုဲ ကျအာရ။ စရိတ်ကမၠောန်တ္ၚဲ ၂၅၀၀၀ ဒကေဝ်။ ဝါဲမွဲရိုက် မွဲကိုတ်ပြၚ်။ ကျအာဂှ် ကလေၚ်ယာက္ဍိုပ်ဟွံမာန်ရ” သာ်ဝွံ သ္ဂးရ။
တုဲပၠန် ခၞေဝ်ကေဝ်တံဂှ် အုဲအေၚ်လေပ် အခိၚ်စိုပ် ဒးၜှ်ဂှ်ရ ၚုဟ်ဒးရးဂှ်ဒးသွံအာတုဲ ဂွံကလေၚ်တဵုပၠန်ဂှ် ဟွံလောဲသွာရောၚ် ညးဆက်ဟီုရ။
စရိတ်ပလံၚ်ခၞေဝ်ကေဝ်တံလေဝ် အိုတ်ဂၠိုၚ်မံၚ်ကီု ဟိုတ်နူသၞေဟ်ကၚ်ဂိက် ကဝ်မယှေန်ပၞာန် စၟဳစၟတ်အခိၚ်အိုတ်ဂၠိုၚ်အာတုဲ အခိၚ်ချိၚ်ဂှ်ဟွံစိုပ်ဒၞာဲ အတိုၚ်ချိၚ်လဝ်ဂှ် ခၞေဝ်ကေဝ်နာနာ အုဲအေၚ် လီုလာ်အာဂှ်ရ သွံစဟွံဂွံၚုဟ်မးရ။
ပ္ဍဲကဵုတွဵုရးမန် တဵုစမံၚ် ခဍောၚ်၊ ၜဲကဒါတ်၊ ၜဲဒကောၚ်ကဵု ခၞေဝ်ကေဝ်နာနာတံတုဲ ခၞေဝ်ဂကူတၞဟ်ဟ်တံဂှ် ဗကန်ကေတ်မံၚ် နူကဵုရးမဂွေ၊ သဂိုၚ်၊ လ္ဂုၚ်တံကဵု ဒေသတၞဟ်ဟ်တံ မဒှ်ရ။
ပရိုင်-သြၚ်လောန်တိုၚ်မ်
Photo – CJ