ကျာ်ထဝ်၊ ဖေဖဝ်ဝါရဳ ၂၀
တွဵုရးမန် ပ္ဍဲပွိုၚ်ဍုၚ်ကျာ်ထဝ် ဟိုတ်နူဒပ်မံၚ်ပဋိပက္ခပၞာန်တုဲ ရဲဒဴပၞာန်မွဲဠက်ပြၚ်တံ မၞုံပၟိက်မံၚ် အရီုဗင်ကာမံက်တိုန်ရောၚ် ဂွံတီနူကဵုဂကောံကဵုမံၚ်အရီုဗၚ်တံရ။
စနူကဵု ဖေဖဝ်ဝါရဳ ၈ ကွာန်အပ္ဍဲကဵုပွိုၚ်ဍုၚ်ကျာ်ထဝ် ဒၞာဲဂကောံဇြဟတ်ပၠန်ဂတးတံထိၚ်ချုက်လဝ်ဂှ် ဒပ်ပၞာန်ဗမာဍိုက်ကၠုၚ်ကဵုဇြဟတ်ဂၠိုၚ်ၚ်တုဲ ပေါဲဗတိုက်ဒှ်လဝ် သ္ကာတ်မြဟ်ကွေံရောၚ်။
ဟိုတ်နူပေါဲဗတိုက်တံဂှ် နူကဵုကွာန်ဂြိုပ်ဗြာတ်၊ ခရုဲကဵု ဝေန်ကာန် သီုဖအိုတ် ၁၉ ကွာန်တံ ညးဒေသ ၁၂၀၀၀ ပြၚ် ထောံလသာလဝ်သ္ၚိဌာန်တုဲ ဒးဂြိပ်ပါဲမံၚ်ဒၞာဲဗၠးဘဲပၞာန် မဒှ်ရ။
ညးဍုၚ်ကွာန် ပါဲမံၚ်ဘဲပၞာန်တံ ပ္ဍဲအခိၚ်လၟုဟ်ဒးပါဲဒဴလဝ် ပြၚ်အာ ၁၀ တ္ၚဲယျတုဲ မၞုံပၟိက်မံၚ်အရီုဗင် ဇွောံမစၞစသုၚ်၊ ဂဥုဲဇဗနာနာတံကဵု ပရေၚ်ရီုဗၚ်ဗ္စာရဏာမၞိဟ်တံ ဒှ်မံၚ်အကာဲအရာကာမံက်တိုန်ယျရောၚ် ညးကဵုမံၚ်အရီုဗင်ဘဲပၞာန်မွဲတၠဂှ် ဟီုကဵုဌာန်ပရိုၚ် သြၚ်လောန်တိုၚ်မ်ရ။
နူကဵုဗော်သွးကောန်ဂကူကရေၚ် KNU မဟာဒပ်(၁) ခရိုၚ်သဓီုကဵု လပါ်ဂကောံဇြဟတ်ပၠန်ဂတးတံ ဘိုၚ်ကဵုလဝ်အရီုဗၚ်ကီုလေဝ် ဟွံရုံဂပ်ရ။
မွဲလပါ်ပၠန် ပ္ဍဲကဵုကွာန်ရဲဒဴလဝ်ပၞာန်တံဂှ် ကရောၚ်ပၞာန်ဒပ်ပၞာန်ဗမာတံ တိုန်သ္ၚိဖံက်ကေတ်ဏာ ကပေါတ်ကရိုက်စိုတ်တုဲ ပ္ဍဲကွာန်ပါၚ်ကြုၚ်ကဵုဝေင်ကာန်ဂှ် စံၚ်ပလီုထောံလဝ် သ္ၚိပန်မရ။
စိုပ်ဖေဖဝ်ဝါရဳ ၁၉ ဂှ်လေဝ် ကရောၚ်ပၞာန်ဗမာ ဟွံတိတ်နူကဵု ပွိုၚ်ဍုၚ်ကျာ်ထဝ်ဏီတုဲ ဗက်ပန်ခြော်မံၚ်လွဟ်ဇၞော် အကြာကွာန်တံ ကြာန်န်ရဂှ် ဂွံတီနူကဵုညးဒေသတံရ။
ပရိုင်-သြင်လောန်တိုၚ်မ်
Photo – KNU