ဍာ်ဗု၊ ဖေဖဝ်ဝါရဳ ၂၁
ရးတနၚ်သဳ ပွိုၚ်ဍုၚ်ဍာ်ဗု ပ္ဍဲကွာန်ဍာ်တူ ဖေဖဝ်ဝါရဳ ၁၉ အခိၚ်ဒေါဝ်တ္ၚဲဂှ် ကရောၚ်ပၞာန်ဗမာပန်ဂစိုတ်ထောံ ကောန်ကွာန်မွဲတၠရောၚ် ကောန်ဒပ်စဵုဒၞာဒေသတံ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ကရောၚ်ပၞာန်ဗမာ ဇြဟတ် ၆၀ ပြၚ် ခလရ ၂၈၂ လုပ်ကၠုၚ်ကွာန်တုဲ ဆဵုအာကောန်ကွာန် နွံမံၚ်လ္တူဂၠံၚ်မွဲတၠဂှ် ပန်ဂစိုတ်လဝ် သ္ဂးရ။
ကရောၚ်ပၞာန်ဗမာလုပ်ကၠုၚ်ကွာန်ဂှ် ကောန်ကွာန်ညးတြုံဏံ ဟွံတီလဝ်မွဲသာ်လုပ်ကၠုၚ်ကွာန်ဂှ်တုဲ သွက်ဂွံစၟဳစၟတ် ဒပ်ပၞာန်ဗမာ ကော်ဗဒေါအ်လဝ်ဂှ်တှ်ေ ဖေက်တုဲဂြိပ်တိတ်အာဂှ် ဒးဒုၚ်ပန်ဂစိုတ်ဏာ ဂွံတီရ။
ကိုယှိုဲအ အယုက် ၃၀ ဟိုတ်နူဒပ်ပၞာန်ဗမာပန်တုဲ ချိုတ်အာဒၞာဲဂှ်ရ။ ကောန်ပၞာန်တံဂှ် လုပ်ကေတ်လဝ်ဒၞာဲ အပ္ဍဲကဵုဘာလကျာ်ရ။
ဟွံဂွံလဝ်ပရိုင်မွဲသာ် ကရောၚ်ပၞာန်မွဲလစုတ်ဓဝ် စိုပ်ကၠုၚ်ကွာန်ဂှ် ကောန်ကွာန်တံအခိၚ်ဂြိပ်ပါဲဟွံဂတာပ် ကၟာတ်မံၚ်အပ္ဍဲကွာန်ဖအိုတ်ရောၚ် သ္ဂးရ။
ဟိုတ်နူကရောၚ်ပၞာန်လုပ်ကၠုၚ်ကွာန်ဂှ် ပေါဲဗတိုက်ယဝ်ရဒှ်မ္ဂး ဂွိင်ဖေက်ကောန်ကွာန်တံ ကြေပ်အာအကြာဂှ်လေဝ် ဒှ်မံၚ်ဒွိၚ်ကီုရောၚ် ဂွံတီရ။
ပ္ဍဲဖေဖဝ်ဝါရဳ ၁၂ ဂှ် ဒပ်မင်ကွာန် ရပ်ဏာညးဗြဴ နူကွာန်ကြုင်ထဗေါတ် ပွိုၚ်ဍုၚ်ဍာ်ဗုဂှ် ၜုၚ်တက်တုဲချိုတ်အာလဝ် ဂွံတီရ။
ပရိုၚ်-သြၚ်လောန်တိုၚ်မ်
Photo – Social Media