ပလဝ်၊ ဖေဖဝ်ဝါရဳ ၂၁
ရးတနၚ်သဳ ပွိုၚ်ဍုၚ်ပလဝ် ဗ္ဒိုပ်ကၚ်ဒပ်ပၞာန်ဗမာ နွံမံၚ် ပ္ဍဲကွာန်တံၚ်ယာကာန်ဂှ် ဒးဒုၚ်ပန်တုဲ ကောန်ပၞာန် ၃ တၠ ချိုတ်အာလဝ် ဂွံတီနူဒပ်တၟေၚ် မဟာဒပ် ၄ KNLA ရ။
ပ္ဍဲဗ္ဒိုပ်ကၚ်ဒပ်ပၞာန်ဗမာ နွံမံၚ်ပ္ဍဲကွာန်တံၚ်ယာကာန် ဇြဟတ် ကောန်ပၞာန်ၜိုတ် ၄၀ ဂှ် နူကဵုဒပ် KNLA ဒပ်တၟေၚ် မဟာဒပ် ၄ လုပ်ဗတိုက်လဝ် ပ္ဍဲဖေဖဝ်ဝါရဳ ၁၇ အခိၚ်နူဂယးပြဟ်ရ။
အခိၚ်ဒပ်ပၠန်ဂတးတံလုပ်ဗတိုက်မံၚ် ဗ္ဒိုပ်ပၞာန်ဗမာ ပ္ဍဲကဵုကွာန်ဒဵုခရေဲဂှ် သွက်ဂွံပြံၚ်လှာဲအရီုဂးတုဲ နူကဵု KNLA ဒပ်တၟေၚ် မဟာဒပ် ၄ အာဗတိုက်လဝ် ဗ္ဒိုပ်ကၚ်ဗမာနွံမံၚ် ပ္ဍဲကွာန်တံၚ်ယာကာန် မဒှ်ရ။
ပ္ဍဲပေါဲဗတိုက်ဏံ ကောန်ပၞာန်ဗမာ ချိုတ် ၃ တၠတုဲ အခိၚ်နူဂယးဂှ် ပၞာန်ရီုဗမာတံ ထပ်စိုပ်ကၠုၚ်တုဲ ကြဳဖျေံဗုၚ်ကဵုဒရုၚ် ပိဝါရောၚ် ဒပ်တၟေၚ် KNLA မဟာဒပ် ၄ သ္ဂးလဝ်ရ။
ပြဟ်ဟ်ဏံမ္ဂး ဒပ်ပၞာန်ဗမာလ္ၚဵု နွံမံၚ်ပ္ဍဲပွိုၚ်ဍုၚ်ပလဝ်တံဂှ် ဂကောံဇြဟတ်ပၠန်ဂတး ဒပ်ပံၚ်တောဲတံ ကၠောန်မံၚ်ပေါဲဗတိုက်သီဗ္ဒိုပ်တုဲ ဗ္ဒိုပ်ပၞာန်ဗမာတံ ညံၚ်ဟွံကျအာဂှ် ပန်ရီုမံၚ်ကဵုပၞာန်ကျာတံရောၚ် ဂွံတီရ။
ပရိုၚ်-သြၚ်လောန်တိုၚ်မ်
ဗီုရုပ် – KNLA