ယှိုဲကျေန် ၊ ဖေဖဝ်ဝါရဳ ၂၃
ရးဒေသဗဂေါ ပ္ဍဲကဵုပွိုၚ်ဍုၚ်ယှိုဲကျေန်ကဵုပွိုၚ်ဍုၚ်မုၚ်တံဂှ် နူကဵုဒပ်ပၞာန်ဗမာကောန်ပၞာန်ယိုက်ဝန် ၁၀ တၠ ကၠုၚ်ဖျေံလဝ်လွဟ်ဂှ် KNU ဗဟဵု လလောၚ်တြးလဝ်ရ။
လောန်ကၠုၚ်ဖေဖဝ်ဝါရဳ ၁၇ တေံ နူတမ်ဒပ်ဖျေံသ္ဇိုၚ်ပွိုၚ်ဍုၚ်မုၚ် ခမရ ၄၃၉ ကောန်ပၞာန်ယိုက်ဝန် ၄ တၠတံ ကၠုၚ်ဖျေံလွဟ်ဇရေၚ် KNDO တမ်ဒပ် ၃ ရ။
ပ္ဍဲဖေဖဝ်ဝါရဳ ၂၀ ဂှ်လေဝ် နူတမ်ဒပ် ဖျေံသ္ဇိုၚ်ပွိုၚ်ဍုၚ်ယှိုဲကျေန် ခမရ ၅၉၈ ကောန်ပၞာန်ယိုက်ဝန် ၆ တၠ ကၠုၚ်ဖျေံလွဟ် ဇရေၚ် KNLA တမ်ဒပ် ၉ ကီုရ။
ကောန်ပၞာန်ကၠုၚ်ဖျေံလွဟ်တံဂှ် စှ်ေကၠုၚ်လဝ်ဘာတန်ဗတောန် ယိုက်ဝန်ပၞာန် ၁၃၊ ၁၅၊ ၁၆ တံရောၚ် KNU လလောၚ်တြးလဝ် သီုကဵုယၟုတံရ။
တုဲကၠုၚ် ဖေဖဝ်ဝါရဳ ၁၂ တေံလေဝ် နူကဵုဒပ်ကဝ်မယှေန်ပၞာန် ကောန်ပၞာန်ယိုက်ဝန်ပၞာန် ၁၀ တၠ ကၠုၚ်ဖျေံလဝ်လွဟ် ဇရေၚ် KNDO တမ်ဒပ် ၃ ကီုရ။
ကောန်ပၞာန်ကၠုၚ်ဖျေံလွဟ်တံဂှ် ဒးဒုၚ်စကာလဝ် နကဵုယိုက်ဝန်ပၞာန် ဗွဲအတေၚ်အဓ္ဓမ မဒှ်တုဲ နူကဵု KNU မင်မွဲရံၚ်စံၚ်ကဵုလဝ်ခိုဟ်ဟ်ရောၚ် သ္ဂးရ။
အပ္ဍဲဒပ်ပၞာန်ဗမာတံ ညးဒးဒုၚ်စကာလဝ်ယိုက်ဝန်ပၞာန် ဗွဲအတေၚ်အဓ္ဓမတံဂှ် ညံၚ်ဂွံဂြိပ်လုပ်ဖျေံလွဟ် ဇရေၚ် ဒပ်ပၠန်ဂတးကြပ်အိုတ်တံညိဂှ် ဗဟဵု KNU ဗတိုက်ဖအောဝ် လဝ်ရောၚ်။
ပရိုၚ်-သြၚ်လောန်တိုၚ်မ်
Photo – KNU