ကျာ်ထဝ်၊ ဖေဖဝ်ဝါရဳ ၂၄
ပ္ဍဲအကြာပယျဵုရးဒေဗဂေါကဵု တွဵုရးမန် ပွိုၚ်ဍုၚ်ကျာ်ထဝ် ကရပ်ကွာန်ဝေၚ်ကာန်ဂှ် ကရောၚ်ပၞာန် ဒပ်ကဝ်မယှေန်ပၞာန်ဗမာတံ ထပက်ကၠုၚ်ဂှ် ပေါဲဗတိုက်ဒှ်မံၚ်ရောၚ် ဂွံတီနူ ဂကောံဇြဟတ် ပၠန်ဂတးတံရ။
ပ္ဍဲဖေဖဝ်ဝါရဳ ၂၃ ၜိုတ်အခိၚ်နူဂယး ၁၀ နာဍဳဂှ် တပ်ဒပ် ခမရ ၅၉၈ နူကဵုပွိုၚ်ဍုၚ်ယှိုဲကျေၚ် ရးဒေသဗဂေါ ဇြဟတ်ၜိုတ် ၆၀ ထပက်ကၠုၚ် ကရောၚ်ပၞာန်တုဲ ဒှ်လဝ်ပေါဲဗတိုက်ကဵု ဂကောံဇြဟတ်ပၠန်ဂတးတံရ။
ပေါဲဗတိုက်တုဲအာဂှ် ရဲဒပ်ကဝ်မယှေန်ပၞာန်တံ ကလေၚ်ဆုတ်အာ ကီုလေဝ် အကြာၜါလပါ်ဂှ် အကာဲအရာပရေၚ်ပၞာန် ဆက်ကြံၚ်မ္ၚိုဟ် မံၚ်ဖိုဟ်ရောၚ် ညးတာလျိုၚ် ဒပ်ပၠန်ဂတးမွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
အခိၚ်ဒှ်မံၚ်ပေါဲဗတိုက်ဂှ် နူဒပ်ကဝ်မယှေန်ပၞာန် ဖျေံသ္ဇိုၚ် ကွာန်ဝေၚ်ကာန်ဂှ် ပန်ပလံၚ်မံၚ်ကဵုလွဟ်ဇၞော် ဆက်က်ကီုလေဝ် လပါ်ရဲပၠန်ဂတးတံ ဒးလဝ်ဘဲဝပ်ဟၟဲပုဟ် သ္ဂးရ။
စနူဖေဖဝ်ဝါရဳ ၉ ဂှ် နကဵုဇြဟတ် ဒပ်ကဝ်မယှေန်ပၞာန်ဂၠိုၚ်ၚ် ကရောၚ်ပၞာန် ထပက်ဍိုက်လုပ်ကၠုၚ် ပွိုၚ်ဍုၚ်ကျာ်ထဝ်တုဲ အကြာၜါလပါ် ပေါဲဗတိုက်ဆက်ဒှ်မံၚ် မဒှ်ရ။
ဟိုတ်နူပေါဲဗတိုက်ဒှ်ဂှ် ကွာန်ဂြိုပ်ဗြာတ်၊ ကွာန်ခရုဲကဵု နူဂအုံ ကွာန်ဝေၚ်ကာန် ၁၉ ကွာန်တံ ညးဍုၚ်ကွာန် ၁၂၀၀၀ ပြၚ် ဒးပါဲမံၚ်ဘဲပၞာန်ဖိုဟ်တုဲ ဒဵုကဵုလၟုဟ် ဟွံဂံၚ်ကလေၚ်စဴ သ္ၚိညးတံဏီပုဟ်။
ပြဟ်ဟ်ဏံ သွက်ညးပါဲဘဲပၞာန်တံဏံ အရီုဗၚ်ဒၞာဲမံၚ်၊ စၞစသုၚ်ဇွောံမ နာနာကဵု ဂဥုဲဇဗတံ နွံပၟိက်မံၚ်ကွေံကွေံရောၚ် နူကဵု ဗဟဵု KNU လလောၚ်တြးလဝ်ရ။
ပရိုၚ်-သြၚ်လောန်တိုၚ်မ်
Photo – PDF