ကျံက်ကျဳ၊ ဖေဖဝ်ဝါရဳ ၂၄
ဒၞာဲတိဍာ် KNU မဟာဒပ် ၃ ကွာန်နွံမံၚ် ခရိုၚ်ဇြဲပန်တၞံတံဂှ် နူကဵုဒပ်ပၞာန်ဗမာ ကြဳဖျေံမံၚ်ဗုမ် ဆက်က်ရောၚ် နူကဵု KNU ဗဟဵု လလောၚ်ပတိတ်ပရိုၚ်ရ။
စနူကဵုဖေဖဝ်ဝါရဳ ၉ ဒဵုစိုပ် ၂၀ ဂှ် ဒၞာဲတိဍာ်ပရေၚ်အုပ်ဓုပ် KNU မဟာဒပ် ၃ ပ္ဍဲကဵုပွိုၚ်ဍုၚ်ကျံက်ကျဳ၊ မုၚ် ကဵု ယှိုဲကျေန်တံဂှ် နူကဵု ဒပ်ပၞာန်ဗမာ ပန်မံၚ်ကဵုလွဟ်ဇၞော်ကီု ကြဳဖျေံဗုမ်ကဵုၜၚ်ကျာတံကီု ကၠောန်မံၚ်အရိုဟ်တ္ၚဲရ။
ပ္ဍဲအကြာဒပ်ပၞာန်ဗမာ ကြဳဗုၚ်ဏံ သ္ၚိဟွံအောန်နူကဵု ၂၀ မ၊ ဘာဗတောန်လိက် ၂ မ ဒးဆောံလေၚ်အာလဝ်နွံရ။
ကောန်ၚာ်ကီု သီုကဵုညးဍုၚ်ကွာန် ဟွံအောန်နူကဵု ၄ တၠ ဒးလဝ် ဘဲဝပ်တုဲ ညးဍုၚ်ကွာန်လၟိဟ်ကဵုလက်ပြၚ်ၚ် ထောံလဝ်သ္ၚိဌာန်တုဲ ဒးပါဲဘဲပၞာန်ဂှ် KNU ဗဟဵု လလောၚ်တြးလဝ်ရောၚ်။
မွဲလပါ်တေံပၠန် ပ္ဍဲကဵုတိဍာ် KNU မဟာဒပ် ၁၊ မဟာဒပ် ၄ ၊ မဟာဒပ် ၅ ၊ မဟာဒပ် ၆ တံလေဝ် ကဝ်မယှေန်ပၞာန် ကြဳထောံမံၚ်ဗုမ် မွဲဏှမွဲဏှ ကီုရ။
ဟိုတ်နူ ကဝ်မယှေန်ပၞာန်ကြဳဗုမ်ဂှ် ညးဍုၚ်ကွာန်တံ စွံသတိကဵု ပရေၚ်စဵုဒၞာဲ ဘဲပၞာန်ကျာအိုတ်ညိဂှ် KNU ဗတိုက်ဖအောဝ် လဝ်ရောၚ်။
ပရိုၚ်-သြၚ်လောန်တိုၚ်မ်
Photo – KNU