နေပျဳတဝ်၊ ဖေဖဝ်ဝါရဳ ၂၅
ပ္ဍဲရးဒေသဇၞော်ကေုာံ တွဵုရးဆေင်စပ်တံမ္ဂး ပ္ဍဲဂိတုမာတ် ၂၀ ဏံ စကော်အာကောံဓရီုစၠတ်ဓဝ် အလန်တတိယ လၟေၚ်ဍာံ ပထမ ရောၚ် နူကဝ်မယှေန်ပၞာန် လလောၚ်တြးလဝ် ပ္ဍဲဖေဖဝ်ဝါရဳ ၂၃ ရ။
နကဵုအမိၚ် ဂဥုပ်ကေၚ်ကာ ဥူအံၚ်လေၚ်ဒွေဝ် ကံၚ်သဳစဵုဒၞာ ကောန်ဂကူကေုာံပရေၚ်ဂီုကၠီုဂှ် စကော်လဝ် ကောံဓရီုစၠတ်ဓဝ် တံရောၚ်။
ညးဒးဒုၚ်ခါန်ကၞက်လဝ် နဒဒှ်ညးစၞးစၠတ်ဓဝ် ရးဒေသဇၞော်ကေုာံတွဵုရးဆေင်စပ်တံ ညံၚ်ဂွံဒစးဒုၚ်ပလေဝ်စလဝ်မာန် ပ္ဍဲလိက်အမိၚ်ဏံ ဗတိုက်ဖအောဝ်လဝ်ရောၚ်။
လိက်ဘိက်ကောံဓရီု ဂွံဒုၚ်တဲကီုဒှ် ဟွံဂွံကီုဒှ် ညးစၞးစၠတ်ဓဝ်တံညံၚ်ဟွံဂွံလဇုဲၜက်အာ နူမာတ် ၁၅ ဂှ် ပလံၚ်ဗစိုပ်လဝ်ပရိုၚ်ညိဂှ် ကဝ်မယှေန်ပၞာန် ကဵုလဝ်သမ္တီရ။
ကောံဓရီုစၠတ်ဓဝ်ညးဍုၚ်ကွာန် အလန်တတိယ လၟေၚ်ဍာံ ပထမဝါဂှ် ပ္ဍဲဂိတုမာတ် ၁၆၊ ကောံဓရီုစၠတ်ဓဝ်ကောန်ဂကူဂှ် ပ္ဍဲမာတ် ၁၈ ကၠောန်ဗ္ဒျ်အာရောၚ် ကဝ်မယှေန်ပၞာန် လလောၚ်တြးလဝ်ရောၚ်။
ဟိုတ်ဂှ်တုဲ ညးစၞးစၠတ်ဓဝ်ညးဍုၚ်ကွာန်တံ ပ္ဍဲဂိတုမာတ် ၁၁ ၊ ညးစၞးစၠတ်ဓဝ်ကောန်ဂကူတံဂှ် ဂိတုမာတ် ၁၃ သွက်ဂွံတိုန်ကောံဓရီု မာန် ညံၚ်ဟွံလဇုဲလဇအာဂှ် ပလံၚ်ဗစိုပ်ပရိုၚ်အိုတ်ညိ ကဵုလဝ်စၞောန်ပ္ညုၚ်ရ။
ပရိုၚ်-သြၚ်လောန်တိုၚ်မ်
Photo – AFP