တနင်သဳ၊ ဖေဖဝ်ဝါရဳ ၂၆
ရးတနၚ်သဳ ဍုၚ်မဝ်တံၚ် ပယျဵုသေံ-ဗမာဂှ် သွက်ဂွံကလေၚ်ထိၚ်ချုက်အာ ဒပ်ပၞာန်ဗမာ ထပက်မံၚ်ကရောၚ်ပၞာန်ဇြဟတ်ပေၚ်ၚ်တုဲ ဒှ်မံၚ်ပေါဲဗတိုက်အရိုဟ်တ္ၚဲရောၚ် ဂွံတီနူကဵုဗော် KNU ခရိုၚ်ဗိက်ထဝါဲရ။
ဍုၚ်မဝ်တံၚ် ဂကောံဇြဟတ်ပၠန်ဂတးတံသီဂွံလဝ်ဂှ် သွက်ပရေၚ်ကူသာန်သွံရာန်ဒေသပယျဵု ကိစ္စဇၞော်မံၚ်တုဲ စနူသၞာံအာ ဂိတုနိုဝမ်ပါတေံရ ဒပ်ပၞာန်ဗမာထပက်မံၚ်ကရောၚ်ပၞာန် ဇၞော်ကဵုဇြဟတ်ရောၚ်။
သွက်ဂွံကလေၚ်ဂွံ ဍုၚ်မဝ်တံၚ်မာန် ဒပ်ပၞာန်ဗမာစကာလဝ်ဇြဟတ် ဟွံအောန်နူကဵု ၆၀၀ တုဲ နူကဵုၜၚ်ကျာ ပန်ဗတိုက်ကြဳဗုမ် အရိုဟ်တ္ၚဲလအ်အာပွိုၚ်ပိဂိတုကီုလေဝ် ဟွံကလေၚ်ထိၚ်ဂွံဏီပုဟ်။
ညံၚ်ဂွံကလေၚ်ဂွံဍုၚ်မဝ်တံၚ်ဂှ် ဒပ်ပၞာန်ဗမာစကာလဝ်ဇြဟတ် ဗွဲမဂၠိုၚ်ကီုလေဝ် ကြပ်ကဵုဍုၚ်ဗွိုၚ် ၂၀ တိုၚ်ဂှ် ဒပ်ပၞာန်ဗမာကၠုၚ်စိုပ်ဟွံမာန်ဏီရောၚ် ညးတာလျိုၚ်လလောၚ်ပရိုၚ် KNU ခရိုၚ်ဗိက်ထဝါဲ ဟီုကဵုဌာန်ပရိုၚ်သြၚ်လောန်တိုၚ်မ်ရ။
ဒပ်ပၞာန်ဗမာတံပြဟ်ဟ်ဏံ စိုပ်မံၚ်ကရပ် ကွာန်သိၚ်ခေါန်ကဵု ကွာန်ဗ္တဳဗုဂှ်တုဲ နူကဵုဒပ်ပၞာန်ကျာတံ ဖျေံကဵုမံၚ်ဇွောံမတံရောၚ် သ္ဂးရ။
ဍုၚ်မဝ်တံၚ် ပရေၚ်ကူသာန်သွံရာန်ဒေသပယျဵုဂှ် ဒပ်ကရေၚ် KNLA ကဵုဂကောံပၠန်ဂတးတံ ဗတိုက်သီကေတ်လဝ် ပ္ဍဲကဵုသၞာံအာ ဂိတုနဝ်ဝမ်ပါ ၁၄ မဒှ်ရ။
ပရိုၚ်-သြၚ်လောန်တိုၚ်မ်
Photo – KNLA