တနင်သဳ၊ ဖေဖဝ်ဝါရဳ ၂၇
အပ္ဍဲရးတနၚ်သဳ လောန်ကၠုၚ်ဂိတုဂျာန်နဝါရဳ ပွိုၚ်မွဲဂိတုဂှ် ဟိုတ်နူဒပ်ကဝ်မယှေန်ပၞာန် စံၚ်ပၟတ်တုဲ သ္ၚိဌာန် ၂၅၀ ပြၚ် တူဆောံလေၚ်အာလဝ်ရောၚ် ဂွံတီနူဂကောံသုတေသန FE5 Thanintharyi ရ။
ပ္ဍဲကဵုပွိုၚ်ဍုၚ် ကၠောန်လဝ်ပေါဲရုဲမာဲသ္ကုတ် ၂ ကဵု ၃ တံဂှ် ကဝ်မယှေန်ပၞာန် ထပက်ကရောၚ်ပၞာန်တုဲ စံၚ်လဝ်သ္ၚိဌာန် ကောန်အရာပ်ညးဍုၚ်ကွာန်တံရ။
သ္ၚိဌာန်ညးဍုၚ်ကွာန် ပ္ဍဲကဵုပွိုၚ်ဍုၚ်ပလဝ်၊ တနၚ်သဳကဵု ကျောန်သုတံ ဒးဒုၚ်စံၚ်တုဲ ပ္ဍဲပွိုၚ်ဍုၚ်ပလဝ်ဂှ် သ္ၚိဒးဒုၚ်စံၚ်လဝ်ဂၠိုၚ်အိုတ် မဒှ်ရ။
ပ္ဍဲအကြာဂိတုဂျာန်နဝါရဳဂှ် ဟိုတ်နူကရောၚ်ပၞာန်ဒပ်ပၞာန်ဗမာတံ သောၚ်သ္အးတိဍာ်ထပက်ကရောၚ်ပၞာန်ဂှ် ညးဍုၚ်ကွာန်ဟွံအောန်နူ ၈၅၀၀၀ (ဒစာံလက်ဘာ်) တံ ထောံသ္ၚိဌာန်တုဲ ဒးဂြိပ်ပါဲလဝ်ရောၚ်။
တုဲပၠန် ပ္ဍဲကဵုပွိုၚ်ဍုၚ်ဗွဲမဂၠိုၚ်ဂှ် ကဝ်မယှေန်ပၞာန် ကၟာတ်လဝ်အခေါၚ် ကေတ်ဏာဂဥုဲဂှ်ရ ရဲဒဴပၞာန်ဂမၠိုၚ်ဂဥုဲဟၟဲတုဲ ဒှ်မံၚ်ယဲခၞော်စှ်ေတံရောၚ် ညးကဵုအရီုဗၚ်ဘဲပၞာန်တံ ဟီုရ။
ပ္ဍဲဂိတုဂျာန်နဝါရဳဂှ် အကြာဒပ်ပၞာန်ဗမာကဵု ဂကောံဇြဟတ်ပၠန်ဂတးတံ ပေါဲဗတိုက်ဟွံအောန်နူ ၅၆ ဝါ ဒှ်လဝ်တုဲ နူလပါ်ကဝ်မယှေန်ပၞာန် စကာဗတိုက်ကၠုၚ် နကဵုဒရုၚ်ဂၠိုၚ်မံၚ်ရောၚ် ဂွံတီနူတင်နၚ် FE5 Thanintharyi ရ။
ပရိုၚ်-သြၚ်လောန်တိုၚ်မ်
Photo – Social Media