ဗထူ၊ ဖေဖဝ်ဝါရဳ ၂၇
ဒပ် PDF တံ ပတေဟ်ကၠုၚ် လၟေၚ်ကမၠောန်ပရေၚ်ၜိုဟ်လလမ်တုဲ ကၠုၚ်ဖျေံမံၚ်လွဟ် ပြဳပြဳရောၚ် ဒုသ္ကိုပ်ဒပ်ပၞာန် သဵုဝေန် ဟီုရ။
ပ္ဍဲကဵုဖေဖဝ်ဝါရဳ ၂၅ ကၠောန်လဝ် အခန်ကၞာစှ်ေဘာပၞာန် တန်ဗတောန်အလံၚ်ဗိုလ်လၟေၚ် ၁၂၉ ပ္ဍဲကဵုဍုၚ်ဗထူ တွဵုရးသေံဂှ် ညးတိုန်စိုပ် ဟီုဏာဂလာန်ရ။
PDF လ္ၚဵု ပံၚ်တောဲမံၚ်ကဵု NUG, CRPH ကဵု ဂကောံကောန်ဍုၚ်အရၚ်ရပ်လွဟ်တံဂှ် ပတေဟ်ကၠုၚ် ဂၠံၚ်တရဴဒပ်ပၞာန်ကၠောန်မံၚ် လၟေၚ်ကမၠောန်ပရေၚ်ၜိုဟ်လလမ်တုဲ ကၠုၚ်ဖျေံမံၚ်လွဟ်ပြဳပြဳရောၚ် ဒုသ္ကိုပ်ဒပ်ပၞာန် သ္ဂးရ။
စနူသၞာံ ၂၀၂၁ ဒဵုအခိၚ်လၟုဟ် ညးကၠုၚ်ဖျေံလွဟ် ၁၃၄၁ တၠ နွံတုဲ သွက်ဂွံဆက်ဖျေံလွဟ်ဂှ် ကေတ်မံၚ်အဆက် နွံမံၚ်ရောၚ် ဒုသ္ကိုပ်ဒပ်ပၞာန် သဵုဝေန် ဟီုရ။
PDF တံ ဖျေံမံၚ်လွဟ်ရောၚ် ကဝ်မယှေန်ပၞာန်ဟီုကီုလေဝ် ပြဟ်ဟ်ဏံလုပ်ဖျေံလွဟ်လေဝ်ဟၟဲ၊ ကဝ်မယှေန်ပၞာန် ဟီုဂးတြးမံၚ်ဝါဒသက်က်ရောၚ် ရဲဒပ် PDF မွဲတၠ ဟီုကဵု ဌာန်ပရိုၚ်သြၚ်လောန်တိုၚ်မ်ရ။
အပ္ဍဲကဵုညးကေတ်လဝ်အဆက် သွက်ဂွံဖျေံလွဟ်တံဂှ် ရဲဟွံဖံက်ပကဝ်လဝ် ဒုဟ်ဒဏ်တံမ္ဂး နူကဵုညးတာလျိုၚ်ကၟိန်ဍုၚ်တံ ဒုၚ်တၠုၚ်တုဲ ကလေၚ်ဗစိုပ်ကဵုလဝ် ဇရေၚ်မိမကီု သီုကဵုလဝ်အထံက်ပၚ်ရောၚ် ဒုသ္ကိုပ်ဒပ်ပၞာန်သဵုဝေန် သ္ဂးရ။
တုဲပၠန် ဒၞာဲဂကောံရပ်လွဟ်ပၠန်ဂတးတံ လုပ်ဂၠုက်မံၚ်ပ္ဍဲပွိုၚ်ဍုၚ်လ္ၚဵု တံဂှ် ပတိတ်လဝ်အမိၚ်အုပ်ဓုပ်ပၞာန်တုဲ ဒပ်ပၞာန်လုပ်ရပ်စပ် ကၠောန်အာမံၚ် သွက်ဍုၚ်ကွာန် ဂွံၜိုဟ်သြိုဟ်သာယာမာန်ရောၚ် သ္ဂးရ။
ဟိုတ်နူဒပ်ပၞာန် ဂစာန်ရေၚ်တၠုၚ်ကၠောန်မံၚ်ဂှ်ရ ရဲဂကောံပၠန်ဂတးတံဒးဂြိပ်တိတ်အာ နူဍုၚ်ကွာန်ဗွဲမဂၠိုၚ်ဂှ်ရောၚ် ဒုသ္ကိုပ်ဒပ်ပၞာန် သဵုဝေန် တြးဝါဒဟီုဂးလဝ် မဒှ်ရ။
ပရိုၚ်-သြၚ်လောန်တိုၚ်မ်
Photo – MOI