ရေဝ်၊ ဖေဖဝ်ဝါရဳ ၂၈။
ပ္ဍဲတွဵုရးဍုၚ်မန် လပါ်ဒပ်ပၞာန်ဗမာတအ် သွက်ဂွံကလေၚ်ထိၚ်ချုပ် ဂၠံၚ်ဇၞော်ကၟိန်ဍုၚ် စၟတ် ၈ ရေဝ်-ဇြပ်ဗုမာန်ဂှ် ထပက်ကၠုၚ်ပၞာန် ဗွဲမသကာတ်မြဟ်ရောၚ် ဒပ်ပၠန်ဂတးတအ် ဟီုကဵု ဌာန်ပရိုၚ်သြၚ်လောန်တိုၚ်မ် ရ။
ဒပ်ပၞာန်ဗမာတအ် စနူဂိတုဖေဖဝ်ဝါရဳဏံ လုပ်ဗတိုက်ဒၟံၚ် ကွာန်မၞုံပ္ဍဲ ဂၠံၚ်ရေဝ်-ဇြပ်ဗု နကဵုဒြဟတ်ပၞာန်ဗွဲမဂၠိုၚ်တုဲ ပေါဲဗတိုက်ၜါလပါ် ကလေၚ်ကတဵုဒှ်ဒၟံၚ် ဂၠိုၚ်ကဵုအလန် မဒှ်ရ။
ဒပ်ပၞာန်ဗမာတအ်ဂှ် ထပက်မံၚ်ကရောၚ်ပၞာန် ကွာန်နှေဟ်ခြေၚ်၊ ကၞေၚ်တၟံ၊ စဳပျး၊ ၝောံလၟိုၚ်၊ အံၚ်တပျေ၊ အံၚ်သာယာ၊ ကွာန်တၟိ၊ ဇာကတိုက်၊ ကွာန်ကျာ် ကေုာံ ဇြုင်သဳမျာင် မနွံပ္ဍဲလတူဂၠံၚ် ရေဝ်-ဇြပ်ဗုတအ်ဂှ်ရ။
အကာဲအရာဒပ်ပၞာန်ဗမာ ထပက်မံၚ်ပၞာန်လၟုဟ်ဂှ် ဒှ်သွက်ဂွံကလေၚ်ထိၚ်ချုက် ဂၠံၚ်ဇၞော်ကၟိန်ဍုၚ် စၟတ် ၈ ဂၠံၚ်ရေဝ်-ဇြပ်ဗု ဒှ်မာန်ရောၚ် ညးတာလျိုၚ်ဒပ်စဵုဒၞာညးဍုၚ်ရေဝ် (YPDF) ဗိုလ်ယျာန်နိုင် ဟီုကဵု ဌာန်ပရိုၚ်သြၚ်လောန်တိုၚ်မ် ရ။
ဟိုတ်နူဒပ်ပၞာန်ဗမာ လုပ်ဗတိုက်ဒၟံၚ်ကွာန်တအ်ဂှ် ရပ်ကေတ် ညးဒေသတအ် နဒဒှ် ဂဒံၚ်မၞိဟ်ကီု၊ သီကေတ် ဖုၚ်၊ သြန် ကေုာံ စၞစသုၚ်တအ် နွံဒၟံၚ်ရောၚ် ညးဒေသတအ်ဟီုတုဲ ဂွံတီကေတ်ရ။
ဟိုတ်နူဒပ်ပၞာန်ဗမာ လုပ်ဗတိုက်ဂှ်ရ ပေါဲဗတိုက်ကလေၚ် ကတဵုဒှ်ကၠုၚ်တုဲ သီုညးၜါလပါ် ဒးလွဟ်ချိုတ်လဝ်နွံရ။
ဒပ်ပၞာန်ဗမာ ဒးဗလးကၠုၚ်လဝ် ဂၠံၚ်ရေဝ်-ဇြပ်ဗု နူကဵုသၞာံ ၂၀၂၄ တေံဂှ် သွက်ဂွံပလံၚ်ဗစိုပ်လွဟ်မကမ်နာနာ ကေုာံ ဒြဟတ်ပၞာန် တအ်ဂှ် အဓိကသုၚ်စောဲဒၟံၚ် ဂၠံၚ်ရေဝ်ဏအ် မဒှ်ရောင်။
ပရိုၚ် – သြၚ်လောန်တိုၚ်မ်
Photo – Socia Media