မတ်မလီု၊ အေဗရာ ၅
အပ္ဍဲတွဵုရးမန် ဍုၚ်မတ်မလီု သွက်ဂွံကၠောန်ဗဒှ် သ္ဘၚ်အတးသၚ်္ကြာန် ဂှ် ကဝ်မယှေန်ပၞာန် ကၟာတ်လဝ်ဂၠံၚ်ဇိုၚ်ၜဳတုဲ စသိုင်ခၞံမံၚ် ကၞာထးအတးသၚ်္ကြာန်ယျရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုင်မ်ရ။
အပ္ဍဲဂိတုအေဗရာ ၄ စနူအခိၚ်ဂယးတုဲ ဂၠံၚ်ဇိုၚ်ၜဳ၊ နူဂၠံၚ် ကျိုက်သင်လာန် စဵုကဵုစိုပ်ဂၠံၚ် ဥဒျာန်မောရဝတဳတံဂှ် ကၟာတ်လဝ် ယာယဳမွဲခဏတုဲ ကဝ်မယှေန်ပၞာန် သိုင်ခၞံမံၚ်ကၞာထးတံရ။
အပ္ဍဲကာလ သ္ဘၚ်အတးသၚ်္ကြာန်ဂှ် သွက်ဂွံယှအ်သုၚ်စောဲအာ ကၠေၚ်စက်တံ စွံအဓိက ကဵုအာဖျုန်ကဵု သၚ်္ကြာန်ကွာ်ဂၠံၚ်တုဲ နဒဒှ် အစဳဇန်လှ်ေဒယှ်ေလဟိၚ်စိုတ်တံဂှ် ကၞာထးဗဟဵုကီု သီုကၞာထးဌာန နာနာ ပါလုပ်အိုတ်ရောၚ် ညးကြပ်ကဵုကဝ်မယှေန်ပၞာန်တံ သ္ဂးရ။
တုဲပၠန် သ္ဘၚ်အတးသၚ်္ကြာန် ညံၚ်ဂွံဂဵုလဟဵုအာဂှ် ကၞာထးဝေသၚ်္ကြာန်ၚ်ဍာ် တံလေဝ် သိုင်ခၞံမံၚ်တုဲ ပါဲနူသၚ်္ကြာန်ကွာ်ဂၠံၚ်တုဲ သၚ်္ကြာန်ဂစေအ်၊ သၚ်္ကြာန်လက်ဖက်၊ သၚ်္ကြာန်ရာဟုတံဂှ်လေဝ် သွက်ဂွံကၠောန်အာ စဳဇန်လဝ် အပ္ဍဲကာလသ္ဘၚ်အတးဏံရောၚ်။
သွက်သ္ဘၚ်အတးသၚ်္ကြာန် ဂွံဂဵုလဟဵုဂှ် ရဲနူဌာနနာနာအလဵုအသဳတံကီု ရဲကြပ်ကဵုညးတံကီု ဟွံကၠုၚ်ဟွံဂွံ ညံၚ်ဂွံကၠုၚ်ဂှ် စနူကဵုလၟုဟ် ကဝ်မယှေန်ပၞာန် စၞောန်ပ္ညုၚ်လဝ်နွံရောၚ် ညးဒေသမတ်မလီုမွဲတၠ ဟီုကဵု ဌာန်ပရိုၚ်သြၚ်လောန်တိုင်မ် ရ။
“ကၞာထးဂှ် ညးတံကၠောန် သၚ်္ကြာန်န်ကွာန်ဂၠံၚ်ရ။ ကၞာထးဇၞော်ဇၞော်တံလေဝ် သိုင်ခၞံမံၚ်ကီု။ စင်ဒယှ်ေဇၞော်ဇၞော်တံလေဝ် သိုင်ခၞံမံၚ်။ ကၞာထးဝေၚ်ပက်ဍာ်ဇၞော်ဇၞော်တံလေဝ် သိုင်ခၞံမံၚ်။ နူဌာနနာနာတံ ဟွံတိတ်ဟွံဂွံ အမိၚ်နွံမံၚ်ရ။ အတိုၚ်အဝ်ဒါအမိၚ်မ္ဂး ဌာနနာနာတံ ဒးကၠုၚ်ဏောၚ်။ တုဲတှ်ေ ရဲကၠောံဍမံၚ်ကဵုညးတံ ဥပမာ ကောန်ဗော်ပျဳခိုင်ဖျိုဝ်တံ၊ တုဲတှ်ေ သီုဂကောံသ္ၚိကၟိန်ပျူသဝ်ထဳတံဂှ် ဟွံအာဟွံဂွံ” သာ်ဝွံ သ္ဂးရ။
တုဲပၠန် ကဝ်မယှေန်ပၞာန် ဟီုလဝ်ကၠောန်သ္ဘၚ်အတးသၚ်္ကြာန် ဗွဲမဂဵုလဟဵုကီုလေဝ် အတိုၚ်အကာဲအရာ ကၠေၚ်စက်လၟုဟ်ဏံမ္ဂး သ္ဂောံဂဵုလဟဵု ဗီုအခိၚ်ကၠာတေံဂှ် ဒှ်ဟွံမာန်တုဲ သၚ်္ကြာန်ကွာ်ဂၠံၚ် ဂှ်လေဝ် အတိုၚ်ဓါတ်ဂမ္တဴအခိၚ်လၟုဟ်မ္ဂး ညးကၠုၚ်ဝေၚ်ဍာ်အတးတံ အောန်မာန်ရောၚ် ညးဆက်ဟီုရ။
နူကဵု ကဝ်မယှေန်ပၞာန် တွဵုရးမန်ဂှ်တှ်ေ အပ္ဍဲသ္ဘၚ်အတးသၚ်္ကြာန်ဏံ ပေါဲပြိုၚ်လှ်ေဒိၚ်တံသၟးဟွံက သၟာဒယှ်ေဒွက်ဒယှ်တှ်တံလေဝ် သွက်ဂွံကၠုၚ်လှ်ေဒယှ်ေလဟိၚ်အာနွံတုဲ သီုကဵုစတုဒဳသာတံလေဝ် သွက်ဂွံကဵုဒါန်ဖာပ်ဗ္စအာနွံရောၚ် ကဵုသမ္တီ လလောၚ်တြးလဝ်ရ။
အပ္ဍဲသၞာံအာတုဲကၠုၚ်တေံလေဝ် လ္တူဍုၚ်မတ်မလီုဂှ် နူကဵုကဝ်မယှေန်ပၞာန် ပဠေတ်ပဠေဝ်လဝ် သွက်ဂွံကၠောန် သ္ဘၚ်အတးသၚ်္ကြာန် ဗွဲမဂဵုလဟဵုကီုလေဝ် ဟိုတ်နူ ဍုၚ်မာန္တလေဝ် တိချဳအာတုဲ ဆၜိုတ်ကွာ်ဂၠံၚ်ဟေၚ် ကၠောန်ဗဒှ်လဝ် သ္ဘၚ်အတးသၚ်္ကြာန် မဒှ်ရ။
ပရိုၚ် – သြၚ်လောန်တိုင်မ်
Photo – ရာမညအသံ