မတ်မလီု၊ အေဗရာ ၇
အပ္ဍဲတွဵုရးမန် ညးစၞးစၠတ်ဓဝ်ဒပ်ပၞာန် ဒုသ္ကိုပ်ပၞာန် အံၚ်ဝေန်တာန်ဝွံ နဒဒှ် သ္ကိုပ်ဝန်ဇၞော်တွဵုရးမန် နူကဵုစၠတ်ဓဝ်တွဵုရး ညးဒစဵုဒစးဟၟဲ သ္ပဒတန်ခါန်ကၞက် ကဵုလဝ်ရ။
အပ္ဍဲဂိတုအေဗရာ ၆ အခိၚ်နူဂယးဂှ် နူကဵုကောံဓရီုစၠတ်ဓဝ်တွဵုရးမန် အလန်တတိယ၊ ပထမ ဝါ (တ္ၚဲပဉ္စမ) ဂှ် သ္ပဒတန်ခါန်ကၞက် ကဵုလဝ်ရောၚ်။
အတိုၚ်စရၚ်ယၟု သ္ကိုပ်ဝန်ဇၞော်တွဵုရးမန် က္ဍိုပ်သ္ကိုပ်ပၞာန်သီအဝဵု ဒှ်ကၠုၚ်သမ္မတ ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ် ပလံၚ်ဗစိုပ်ကဵုနၚ်လဝ်ဂှ် ညးဒစဵုဒစးဟၟဲ နူကဵုစၠတ်ဓဝ်တွဵုရးမန် သ္ပဒတန် ခါန်ကၞက်ကဵုလဝ်ရောၚ်။
ညးဒးဒုၚ်ခါန်ကၞက် သ္ကိုပ်ဝန်ဇၞော် ဒုသ္ကိုပ်ပၞာန် အံၚ်ဝေန်တာန်ဝွံ အပ္ဍဲကဵုညးစၞးစၠတ်ဓဝ်ဒပ်ပၞာန် က္ဍိုပ်သ္ကိုပ်ပၞာန်သီအဝဵု ပလံၚ်ဗစိုပ်လဝ် သွက်စၠတ်ဓဝ် ရးဒေသကေုာံတွဵုရးနာနာတံမ္ဂး ဒှ်ညးမၞုံ အဆံၚ်တာလျိုၚ်ပၞာန် သၠုၚ်အိုတ် မဒှ်ရ။
ဒုသ္ကိုပ်ပၞာန် အံၚ်ဝေန်တာန်ဝွံ ယိုက်ဂၠေၚ်ကၠုၚ်တာလျိုၚ် ဒုဂဥုပ်ဘာ ဗ္ကတ်ဗ္ကေၚ်ဗတောန်ကွတ်ပၞာန် ကေၚ်ယိုက်ဂၠေၚ်လဝ်တာလျိုၚ်နွံတုဲ တဆိပ်ဂုဏ်စရာဲ ဆေၚ်စပ်ကဵုဒပ်ပၞာန် က္ဍိုပ်သ္ကိုပ်ပၞာန် အပ်ပြာပ်ကဵုလဝ်တံလေဝ် ကေၚ်ကလိဂွံလဝ် နွံရ။
ဒုသ္ကိုပ်ပၞာန် အံၚ်ဝေန်တာန် ဒှ်ကၠုၚ်သ္ကိုပ်ဝန်ဇၞော်ဏံဂှ် ဒှ်မၞိဟ်ပတေဟ် က္ဍိုပ်သ္ကိုပ်ပၞာန်သီအဝဵု ဂဥုပ်သ္ကိုပ်ပၞာန်ဇၞော် မေန်အံၚ်လှိုၚ်မွဲရောၚ် အကြာရဲဗွိုၚ်ဒပ်ပၞာန်တံ ဟီုဂးမံၚ်အိုတ်ရ။
ဟိုတ်နူဒုသ္ကိုပ်ပၞာန် အံၚ်ဝေန်တာန် ဒှ်ကၠုၚ်သ္ကိုပ်ဝန်ဇၞော်တုဲ ပ္ဍဲတွဵုရးမန် သ္ကိုပ်ဝန်ဇၞော်လၟုဟ် ဥူအံၚ်ကျဳတိင်ဂှ်တှ်ေ ဒးနုက်ဖျေံထောံနူကဵုတာလျိုၚ် သ္ကိုပ်ဝန်ဇၞော် မဒှ်ရ။
ပရိုၚ် – သြၚ်လောန်တိုင်မ်
Photo – MOI