မတ်မလီု၊ အေဗရာ ၂၄
အပ္ဍဲတွဵုရးမန် ဍုၚ်မတ်မလီု ဒုသ္ကိုပ်ပၞာန် သူရ ဇြဝ်လွေၚ်သိုဝ် ဒးဒုၚ်ခါန်ကၞက် နဒဒှ် သ္ကိုပ်ရးရုၚ်ဂဥုပ် ဒပ်ရးအဂၞဲ ရတခ ရဂှ် ဂွံတီကေတ် နူပွဳဗွိုၚ်ဒပ်ပၞာန်ရ။
ဟိုတ်နူသ္ကိုပ်ရး ရတခ တြေံ သ္ကိုပ်ပၞာန် ကျဝ်လေန်မံၚ် ဒးဒုၚ် သၠုၚ်ပတိုန်အဆံၚ်တာလျိုၚ် သ္ကိုပ်ဂကောံ လဝေင်ပၞာန်တၟေၚ် စၟတ် (၄) တုဲ၊ ဒုသ္ကိုပ်ပၞာန် သူရ ဇြဝ်လွေၚ်သိုဝ် ဂှ် ဒးဒုၚ်ခါန်ကၞက် သ္ကိုပ်ရး ရတခ မဒှ်ရ။
ဒုသ္ကိုပ်ပၞာန် သူရ ဇြဝ်လွေၚ်သိုဝ် ဒးဒုၚ်ခါန်ကၞက် သ္ကိုပ်ရး ရတခ လၟုဟ်ဏံဂှ် အခိၚ်ကၠာတေံ ယိုက်ဂၠေၚ်လဝ်တာလျိုၚ် သ္ကိုပ်ရး ရုၚ်ဌာန်ဂဥုပ် ရးသၠုၚ်ကျာ ဖျေံသ္ဇိုၚ် ဍုၚ်တံၚ်ဥူ ရ။
အတိုၚ်တမ်ရိုဟ်ပရိုၚ် ရတခ ဟီုလဴလဝ်ကဵု ဌာန်ပရိုၚ် သြၚ်လောန်တိုၚ်မ်မ္ဂး သ္ကိုပ်ရးတၟိ ဒုသ္ကိုပ်ပၞာန် သူရ ဇြဝ်လွေၚ်သိုဝ်ဝွံ ပ္ဍဲဂိတုအေဗရာ ၂၃ ဏံဂှ် စိုပ်ကၠုၚ် ဒၞာဲရုၚ်ဂဥုပ်ရးပၞာန်ယျရောၚ် ဂွံတီရ။
ဒုသ္ကိုပ်ပၞာန် သူရ ဇြဝ်လွေၚ်သိုဝ် ဒှ်ကၠုၚ်သ္ကိုပ်ရး ရတခဏံတုဲ ညးဒးယိုက်ဂၠေၚ်အာတာလျိုၚ် အဓိက စပ်ကဵုကိစ္စ ပရေၚ်စဵုဒၞာ၊ ပရေၚ်ဂီုကၠီု ကေုာံ ပရေၚ်လဝေၚ်ပၞာန် အပ္ဍဲကဵုတွဵုရးမန်ကီု သီုကဵု တွဵုရးကရေၚ်တံ မဒှ်ရ။
ဟိုတ်နူ ပရေၚ်ပြံၚ်သၠာဲသ္ကိုပ်ရး ရတခ တုဲ အပ္ဍဲတွဵုရးမန်ကဵု တွဵုရးကရေၚ် ပေါဲဗတိုက်အကြာၜါလ္ပာ်တံ သ္ကာတ်မြဟ်တိုန်မာန် ရောၚ် တမ်ရိုဟ်ပရိုၚ်အပ္ဍဲဒပ်တံ ဟီုဂးမံၚ်အိုတ်ရ။
ပရေၚ်ပြံၚ်သၠာဲသ္ကိုပ်ရး ရတခ ဝွံ သမ္မတသီအဝဵု ဥူမေန်အံၚ်လှိုၚ် အလဵုဇကုညးဟေၚ် စဳရေၚ်ဖန်ဇန်လဝ်ရောၚ် နူကဵုပွဳဗွိုၚ်ဒပ် CDM တံ ဟီုဂးမံၚ်အိုတ်ရ။
ပရိုၚ် – သြၚ်လောန်တိုၚ်မ်
Photo – MOI