မုၚ်၊ ဂိတုအေဗရာ ၂၄
အပ္ဍဲရးဗဂေါ ပွိုၚ်ဍုၚ်မုၚ် ကွာန်ပျေန်မပေၚ်ဂှ် ဟိုတ်နူ ဒပ်ကဝ်မယှေန်ပၞာန် ပန်လွဟ်ဇၞော်တုဲ ညးဍုၚ်ကွာန် ကောန်အရာပ် မွဲတၠ ဒးအာဝပ်ရောၚ်ဂှ် နူဗဟဵု ဗော်သွးကောန်ဂကူကရေၚ် KNU ပတိတ်လဝ်လိက် လလောၚ်တြး အပ္ဍဲဂိတုအေဗရာ ၂၃ ရ။
အပ္ဍဲဂိတုအေဗရာ ၂၀ တုဲကၠုၚ်ဏံ နူကဵုတမ်ဒပ် ခမရ ၃၀၇ ဖျေံသ္ဇိုၚ် ပွိုၚ်ဍုၚ်မုၚ်ဂှ် ပန်နၚ်လွဟ်ဇၞော် ၁၂၀ မမ မွဲမတုဲ ဒတုံစှ်ေအာလဝ် အပ္ဍဲကွာန် ပျေန်မပေၚ်ဂှ်ရောၚ်။
ဟိုတ်နူလွဟ်ဇၞော်ဒတုံစှ်ေအာဂှ်ရ ညးဂြိပ်ပါဲဘဲပၞာန် နူကွာန် လက်ပါကုန် ဥူညိၚ်ခိုင် အာယုက် ၄၆ သၞာံ ဒးအာဝပ်တုဲ သ္ၚိၜါမလေဝ် ဒးမကမ်လွဟ်ဇၞော် လီုလာ်အာရ။
ဒၞာဲဒေသ ညးဍုၚ်ကွာန်တံမံၚ်စံၚ်မံၚ် ပ္ဍဲတိဍာ်အုပ်ဓုပ် KNU တံဂှ် နူကဵုဒပ်ကဝ်မယှေန်ပၞာန် ကြဳဗုၚ် နကဵုဒရုၚ်၊ ပန်လွဟ်ဇၞော် ကေုာံ ပရေၚ်ဗတိုက်နူဗလးကျာတံ ကၠောန်ဗဒှ်မံၚ် ဇၟာပ်ပ်တ္ၚဲရောၚ် အပ္ဍဲလိက်လလောၚ်တြး ဗဟဵု KNU ဗၟံက်ထ္ၜးလဝ်ရ။
အပ္ဍဲဂိတုအေဗရာ ၁၃ တုဲကၠုၚ်ဏံလေဝ် အပ္ဍဲတွဵုရးကရေၚ် ပွိုၚ်ဍုၚ်ဘာအၚ် အကြာကွာန်တလိုင်ကရေင် ကေုာံ ကွာန်ကွေန်လေဝ်ဂှ် ဟိုတ်နူကဵု ဒပ်ကဝ်မယှေန်ပၞာန် ကြဳဗုမ်ကဵုၜၚ်ကျာတုဲ ကောန်အရာပ်မွဲတၠချိုတ်အာ၊ ဒးအာဝပ် မွဲတၠနွံရဂှ် နူ KNU ခရိုၚ်သဓီု ပတိတ်လဝ်လိက်လလောၚ်တြးရ။
ပရိုၚ် – သြၚ်လောန်တိုင်မ်
Photo – KNU