ဘာအၚ်၊ ဂျူလာၚ် ၁
အပ္ဍဲသကုတ်ဂၠံၚ်အာယှ ဗြဝတဳ-ကအ်ကြိက်-ဘာအၚ် တွဵုရးကရေၚ် ဒပ်ပၞာန်သီအဝဵုတံ မၚ်မွဲကေတ်လဝ်တာလျိုၚ်ပရေၚ်ဂီုကၠီုတံဂှ် စွံပွန်ကဵု သၟတ်ရဲအာတရဴ အာကၠုၚ်မံၚ်သကုတ်ဂၠံၚ်ဏံတုဲ တံၚ်ရပ်ကေတ်မံၚ်ပဝ်တာတံ နွံမံၚ်ရောၚ် ရိုဟ်ကၞက်ပရိုၚ်အပ္ဍဲဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
အပ္ဍဲပွိုၚ်မွဲဂိတုတုဲကၠုၚ်ဏံမ္ဂး လ္တူသကုတ်ဂၠံၚ်အာယှ ဗြဝတဳ-ကအ်ကြိက်-ဘာအၚ်ဂှ် ဒပ်ပၞာန်ဗမာကဵု ဒပ်မၚ်ပယျဵုကရေၚ် BGF တံ ပံၚ်တောဲကေတ်လဝ်ပရေၚ်ဂီုကၠီုတုဲ ဒၞာဲဂိက်သၞေဟ်ကၚ် ကျာကလေဝ် ကရပ်ဗ္ဒာဲဒဒန် ၜဳဂြာၚ်ကဵုဒၞာဲလ္ၚဵုတံဂှ် ဂၠာဲစၟဳစၟတ်မံၚ် ကွဳစက်ရဲအာတရဴတံစေအ်အ် နွံမံၚ်ဟဂှ်ရ။
ဗွဲတၟေၚ် ဒပ်ပၞာန်တံ စွံပွန်ကဵု လတူလာၚ်ကွဳစက်ဖ္ဍိုက်မၞိဟ်တံတုဲ ဗက်ဂၠာဲစၟဳစၟတ်မံၚ် သၟတ်နူဌာန်သ္ၚောဲသ္ၚောဲ ကၠုၚ်ကၠောန်ကမၠောန် ဍုၚ်ပယျဵုဗြဝတဳတံဂှ်တုဲ ရပ်ကေတ်မံၚ်ရောၚ် ရိုဟ်ကၞက်ပရိုၚ်အပ္ဍဲဒေသလ္ၚဵုတံ သ္ဂးရ။
အတိုၚ်တမ်ရိုဟ်ကၞက်ပရိုၚ် အပ္ဍဲဒေသလ္ၚဵုတံဟီုမ္ဂး သၟတ်ဗွဲမဂၠိုၚ် နူကဵုဒပ်ပၞာန်ရပ်ဏာလဝ်တံဂှ် ကလေၚ်နုက်ကေတ်ကဵုသြန်ဟွံဂွံတုဲ ကော်ဏာလဝ်သွက်ဂွံယိုက်ဝန်ပၞာန်ရောၚ် သာ်ဝွံလေဝ် ပရေၚ်ဟီုလဴမံၚ်တံ နွံရ။
ဟိုတ်နူပရိုၚ်ဒပ်ပၞာန်တံ တံၚ်ရပ်ကေတ်မံၚ်သၟတ်တံသာ်ဏံတုဲ သၟတ်အပ္ဍဲဒေသ သွက်ဂွံအာကၠုၚ် သကုတ်ဂၠံၚ် အာယှ ဗြဝတဳ-ကအ်ကြိက်-ဘာအၚ်တံဂှ် က္တဵုဒှ်မံၚ် ဓဝိၚ်အိုတ်ရောၚ် ရိုဟ်ကၞက်ပရိုၚ်အပ္ဍဲဒေသတံ ဟီုလဴကဵုရ။
မွဲလပါ်ပၠန် ကြဴနူကလေၚ်ပံက်ကဵု သကုတ်ဂၠံၚ်အာယှ ဗြဝတဳ-ကအ်ကြိက်-ဘာအၚ်တုဲ ဒပ်ပၞာန်သီအဝဵုတံ ထပ်ဟလိုၚ်ပတိုန်လဝ် ဂိက်သၞေဟ်ကၚ်စၟဳစၟတ် ဗွဲမဂၠိုၚ်နွံတုဲ လတူကွဳစက်ဖ္ဍိုက်ကပေါတ်သေံတံဂှ်တှ်ေ အာတ်ကေတ်မံၚ်သြန် ဟွံတန်ကဵုအဆဂၠိုၚ်မံၚ်ရောၚ် သ္ဂးရ။
ပရိုၚ် – သြၚ်လောန်တိုၚ်မ်
Photo – CJ