မတ်မလီု၊ အံက်တဝ်ပါ ၁
အပ္ဍဲတွဵုရးမန် ကၠေၚ်စက် သွက်သၟာဝါဗ္ၚတံဂှ် နကဵုသၞောတ်စၟတ်သမ္တီလဝ်စရၚ် သွံကဵုရောၚ် နူကဵုအလဵုအသဳပၞာန် ဂကောံအလဵုအသဳ တွဵုရးမန် ဌာနဝန်ဇၞော်ပၟတ်ဓါတ်လလဳ၊ ကွတ်စက်ကေုာံ ပရေၚ်ဆက်စၠောံဂၠံၚ်ဍာန် ဝန်ဇၞော် ဥူဇေယျာဥူ ဟီုရ။
ဂိတုသိပ်တေမ်ပါ ၂၉ ကၠောန်ဗဒှ်လဝ်ကောံဓရီု စၠတ်ထဝ်တွဵုရးမန်ဂှ် နူကဵုညးစၞးပွိုၚ်ဍုၚ်ပံၚ် ဒေသဒၞာဲဆန္ဒမာဲလၟိဟ် (၂) အမာတ် နာဲသာန်တေၚ် သၟာန်လဝ်တုဲ ညးကလေၚ်ကဵုလဝ်သွဟ်ရ။
သွက်သၟာဗ္ၚတံ စပ်ကဵုသွံကဵုမံၚ်ကၠေၚ်စက်ဂှ်တုဲ အခိၚ်ကာလ ရတ်သြောံကသီုဏံ၊ ကမၠောန် ဖ္ဍိုက်ပြံၚ်ပဆုဲဒၞာဲသြောံတံ ဂွံပြေပြံၚ်အာ အကာဲအရာနွံဗီုလဵု အမာတ်ညးစၞး နာဲသာန်တေၚ် သၟာန်လဝ်တၚ်သၟာန်တံရ။
သွက်ဂွံပၠိန်သြောံ တိဧက ၆ ကိုတ်ပြၚ်တံဂှ် ပြုပြေၚ်စဳရေၚ်လဝ်ကဵု ကၠေၚ်စက် ၁၈ ကိုတ်ဂါလန်ကီု၊ သွက်ဂွံဇိက်ဗ္ၚ ပရေၚ်တဵုသြောံကညၚ် တိဧက ၅ ဠက်ပြၚ်တံဂှ် ရန်စွံကဵုလဝ် သွက်ဂွံသွံကဵုကၠေၚ်စက် ဂါလန်မွဲကိုတ်ဘာ်ပြၚ်ရောၚ် ဝန်ဇၞော် ဥူဇေယျာဥူ သ္ဂးရ။
အတိုၚ်ဂလာန် ဝန်ဇၞော်ဥူဇေယျာဥူ သှ်ဆာဲဟီုလဝ်ဂှ်တှ်ေ သွက်သၟာဗ္ၚတံ တိမွဲဧကမ္ဂး ကၠေၚ်စက်မွဲမွဲဂါလန် အတိုၚ်သၞောတ်ဏံ အာရာန်ကေတ် ပ္ဍဲကဵုဆေၚ်ကၠေၚ်စက် ဒေသဆေၚ်စပ်တံမာန်ရောၚ်။
ဆဂး စပ်ကဵုပရေၚ်ကိစ္စ ရာန်ကၠေၚ်စက်တုဲ သၟာဗ္ၚတံ ဒးဗက်အာတ်မံၚ် လိက်ထံက်ဂလာန် နူအဆံၚ်သ္ကိုပ်အုပ်ဓုပ်ကွာန် စိုပ်အာအဆံၚ် သ္ကိုပ်ပရေၚ်အုပ်ဓုပ်ပွိုၚ်ဍုၚ်တံတုဲ အတိုၚ်ပၟိက်နွံဂှ်လေဝ် ရာန်ဟွံဂွံပုဟ် ဂွံတီရ။
တိဝါဗ္ၚ ဗီုပြၚ် ၇ အလဵုအသဳပၞာန်ပတိတ်ကဵုလဝ်နွံမှ ရာန်ကၠေၚ်စက်ဂွံမာန်တုဲ သၟာဂူယာတဵုကၠအ်ခၞေဝ်ကေဝ်တံ ဒးဗက်ဂၠာဲရာန်ကေတ်မံၚ်ကၠေၚ်စက် ဒၞာဲအကြာဆေၚ်ဖျာဒမၠုတံတုဲ ဒးတဵုလွဳအာမံၚ် မဒှ်ရ။
ပရိုၚ်-သြၚ်လောန်တိုၚ်မ်
Photo – Social Media