ကျာ်မြဟ်၊ နိုဝမ်ပါ ၂
အပ္ဍဲတွဵုရးမန် ပွိုၚ်ဍုၚ်ကျာ်မြဟ် ဂိက်သၞေဟ်ကၚ်ဒပ်ပၞာန်ဗမာ ပံက်လဝ်တၟိနွံမွဲ ဒၞာဲပါၚ်ဂၠံၚ်လုပ်ကွာန်ဆုကၠဂှ် ဒးဒုၚ်ဗတိုက်ကဵု ဒရုၚ်တုဲ ချိုတ်အာမွဲတၠ ဒးဝပ်မွဲတၠရဂှ် ညးဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
အပ္ဍဲအံက်တဝ်ပါ ၃၁ ၜိုတ်အခိၚ်နူဂယး ၅ နာဍဳဂှ် ရဲနူဂကောံပၠန်ဂတး ဇြဟတ်ၜိုတ် ၁၀ တၠတံ ကၠုၚ်ကြဳဖျေံ ဗုမ်ဒရုၚ် ၂ မ ပ္ဍဲကဵုဂိက် သၞေဟ်ကၚ် ပါၚ်ဂၠံၚ်လုပ်ကွာန် ဆုကၠဂှ်ရ။
ဟိုတ်နူကဵု ပရေၚ်ကြဳဗုမ်ဏံတုဲ ဒၞာဲဒပ်ပၠန်ဂတးတံနွံမာန် ထေၚ်ခယျ လဝ်တံဂှ် ၜိုတ်အကြာပွိုၚ် ကဝက်နာဍဳပြၚ်ၚ် နူကဵုဒပ်ပၞာန်ဗမာ ဗက်ပန်ကဵုလွဟ်ဇၞော်၊ လွဟ်ဍောတ်တံ ကၠောန်လဝ်ရ။
နူကဵုဂိတုတုဲတေံ ပ္ဍဲကဵုပါၚ်ဂၠံၚ်လုပ်ကွာန်ဆုကၠ ဂိက်သၞေဟ်ကၚ် ဒပ်ပၞာန်ဗမာ ပံက်လဝ်တၟိ ဒးဒုၚ်ဗတိုက်ဏံဂှ် ဒှ်မံၚ်ဗ္ဒိုပ် ကၚ်ဒၞာဂတ မွဲ သွက်ဍုၚ်မုဟ်ဍုၚ်ကဵု ဍုၚ်ကျာ်မြဟ် မဒှ်ရ။
ဂိက်သၞေဟ်ကၚ်တၟိ ကွာန်ဆုကၠ ဒးဒုၚ်ပန်ဗတိုက်တုဲ နူလပါ် ဒပ်ပၞာန်ဗမာ ထပ်ကၠုၚ်ဗပေၚ်လဝ်ဇြဟတ် ဟွံအောန်နူကဵု ၃၀ နွံတံဂှ် ဗက်ကၟာတ်ဆိုအ်စၟဳစၟတ်မံၚ် ကွဳစက်အာတရဴတံကဵု ကွဳလိုန်ဓါတ် တံရ။
ဟိုတ်နူပရေၚ်ပန်ဗတိုက်လဝ်ဏံဂှ် နူကဵုလပါ်ဒပ်ပၞာန်ဗမာတံ ဗက်ထဍာၚ်ပန်ကဵုလွဟ်ဇၞော် ဒှ်ကၠုၚ်မာန်တုဲ ညးဍုၚ်ကွာန်တံ စွံသတိကဵု ပရေၚ်မံၚ်စံၚ်အာကၠုၚ်အိုတ်ညိဂှ် ညးတံကဵုညးတံ ဗတိုက်ဖအောဝ်ကဵုမံၚ်သတိ ညးသ္ကံကီုရ။
စပ်ကဵု ပန်ဗတိုက်လဝ် ဂိက်သၞေဟ်ကၚ်တၟိ ကွာန်ဆုကၠဏံတုဲ နူကဵုလပါ်ဒပ်ပၠန်ဂတးတံ လလောၚ်ပတိတ်လဝ်ပရိုၚ်ဂှ် ပြဟ်ဟ်ဏံ ဟွံဂွံဆဵုညာတ်ဏီပုဟ်။
ပရိုၚ်-သြၚ်လောန်တိုၚ်မ်
Photo – Social Media