ဝါရှင်တန်၊ နိုဝမ်ပါ ၂
အသိၚ်ပၞာန်ကျာဗတိုက် ရတ်ယှာ သၠုၚ်ပတိုန်လဝ်ဂှ် သွက်ပရေၚ်စဵုဒၞာဒှ်ကၠုၚ်ပၟိက်ဇၞော်ကဵုဇြဟတ်တုဲ သွက်ဂွံသွံအာကဵု ကမ်သၠောဝ် Patriot ၅၀၀ မဂှ် အမေရိကာန်တုပ်စိုတ် ကဵုလဝ်အခေါၚ် မဒှ်ရ။
ဆဂးဂှ် သွက်ဂွံပလံၚ်ကဵု လွဟ်တံဏံ ဒးကေတ်အာအခိၚ် သၞာံဗွဲမဂၠိုၚ်မာန်ရောၚ် သမ္မတယူခရုၚ် ဗိုလိုဒဳမာ ဇဳလန်သကဳ ကဵုလဝ်သတိရ။
ကမ်သၠောဝ် Patriot PAC-3 ကြတ်ပန်ဖျေံအဆံၚ်လှုၚ် စရိတ်သြန်ဒဝ်ဠာအမေေရိကာန် ၂ ဒဿမ ၁ ဗဳလဳယာန် အိုတ်မာန်တုဲ မဟာမိတ် ယူခရုၚ် ဍုၚ်ယူရောပ်တံကဵု ကနေဒါတံ ကဵုအာထံက်ပၚ်သြန်ဂအုံ ပေၚ်ၚ်ရောၚ် နူကဵုဌာနဍုၚ်သအာၚ် အမေရိကာန် ဟီုလဝ်ရ။
သွက်ဂွံကြပ်ပန်ပလီုထောံ ကမ်သၠောဝ်ရတ်ယှာထိၚ်သၠေဝ်တံမာန် ညံၚ်ဂွံပလံၚ်ကဵု ကမ်သၠောဝ် Patriot ဗွဲမပြဟ်ဂှ် သမ္မတဇဳလန်သကဳ ဗတိုက်ဖအောဝ်ဏာအမေရိကာန် ပ္ဍဲကဵု အံက်တဝ်ပါ ၃၀ ဗတမ်ဂှ်ရ။
အကြာကေတ်ဂွံလဝ် ပရေၚ်ဒေါအ်ပန်ဝါတ်တ်ဏံ နူကဵုရတ်ယှာ သီဂွံလဝ် ဍုၚ်အိုလက်ခဳဂှ် ပြံၚ်ပဆုဲနၚ်မၞိဟ် ဒၞာဲဗၠးဘဲ ဗွဲမဂၠိုၚ်မာန်ရ။
သွက်ဂွံရာန်ကေတ် ကၠေၚ်ဍေၚ်ရတ်ယှာမာန် အမေရိကာန်ကလေၚ်နုက်ထောံ ပရေၚ်ကေတ်အရဝ် လ္တူရတ်ယှာမွဲသ္ကုတ်တုဲ အကြာထရကဵု ဇဳလန်သကဳ ဟွံပြေပြံၚ်အာ ဒှ်မံၚ်ရ။
သွက်ဂွံဒေါအ်အာ ပေါဲပၞာန်ကဵု ရတ်ယှာဂှ် ပ္ဍဲကဵုဍုၚ်ယူခရုၚ် နွံမံၚ်ပၟိက်က္ဍိုပ်သ္ကိုပ်တၟိမွဲတၠရောၚ် သမ္မတအမေရိကာန် ဟီုလဝ်ရ။
ပ္ဍဲသၞာံ ၂၀၂၂ ဂိတုဖေဖဝ်ဝါရဳ နူကဵုမဝ်သကို လုပ်ဗတိုက်ဒေသ ပ္ၚံက်ၜဳခရိုၚ်မဳယာ ဒေသဒေါန်ဗာတ်တံတုဲ ရတ်ယှာ ထိၚ်ချုက်လဝ်ရ။
ပ္ဍဲကဵုအံက်တဝ်ပါ ၂၀ ညးစၞးအမေရိကာန်ကဵု ဇဳလန်သကဳ ဆဵုဂဗ ပ္ဍဲဍုၚ်အဝ်သလိုတုဲ ပရေၚ်ကြံၚ်မ္ၚိုဟ်ညးသ္ကံ ယအ်အာရ။
သွက်သြန်ဂအုံ ကမ်သၠောဝ် Patriot တံ နူဍုၚ်ကနေဒါ၊ ဂျာမနဳ ကဵု နဝ်ဝေတံ ကဵုအာဒါန်ရောၚ် ဂကောံဂၠေံသြန် ကဵုအထံက်ပၚ်ယူခရုၚ် နူကဵု ယူရောပ်တံ ဟီုရ။
နူကဵုကာန်ပနဳ လံက်ဟဳအမေရိကာန် အဓိကသွံကဵုအာတုဲ သြန်ဂအုံ အမေရိကာန်တံ ဟွံပါပုဟ်ဂှ် နူကဵုဌာနဍုၚ်သအာၚ် အမေရိကာန် ဟီုလဝ်ရ။
Ref:BBC