ဘာအၚ်၊ နိုဝမ်ပါ ၅
အပ္ဍဲပေါဲသဘၚ်တ္ၚဲတွဵုရးကရေၚ် ကၠောန်အာပွိုၚ်မွဲသတ္တဟဏံ ကၟုဲညးအာတရဴတံ ညံၚ်ဂွံကၠုၚ်ဝေၚ်ဂၠိုၚ်ၚ် ဘိုၚ်ဂစာန်အိုတ်ညိဂှ် အလဵုအသဳပၞာန် သ္ကိုပ်ဝန်ဇၞော်တွဵုရးကရေၚ် ဥူသဝ်မျေအ်ဥူ ဟီုရ။
ပရေၚ်ကမၠောန်ကၟုဲအာတရဴ တွဵုရးကရေၚ် ဒုၚ်သ္ဇိုၚ်ကဵုသဘာဝဂှ် အသိၚ်အလိုန်ခိုဟ် စိုပ်ကၠုၚ်မံၚ်အကာဲအရာ ခိုဟ်အိုတ်တုဲ အံၚ်ဇၞးဒယှ်တှ်ပြာကတ်မံၚ် အကြာညးဂမၠိုၚ်ရောၚ် ဥူသဝ်မျေအ်ဥူ သ္ဂးရ။
အပ္ဍဲဂိတုနိုဝမ်ပါ ၇ ပေါဲသဘၚ်အခန်ကၞာ တ္ၚဲတွဵုရးကရေၚ် မရနုက်ကဵု ၇၁ ဝါဂှ် စနူနိုဝမ်ပါ ၅ စဵုစိုပ် ၁၀ တေံ ကၠောန်အာပွိုၚ် ၆ တ္ၚဲ မိပ်ပ်ဇြိပ်ပ်တုဲ ပေါဲပြိုၚ်ဇြဟတ်၊ ပေါဲပြိုၚ်လှ်ေဒုၚ်ကရေၚ်၊ ပေါဲလံက်ပၠုဲ အခိုက်ကၞာတံလေဝ် ကၠောန်အာပ္ဍဲတ္ၚဲတွဵုရးဂှ်ရောၚ်။
ပြဟ်ဟ်ဏံ ဟိုတ်နူဒှ်မံၚ်အခိၚ် အေလ်နဳညိုလုပ်တုဲ ပ္ဍဲကဵုပရေၚ်အာတရဴတံ ရုပ်ရဴညံၚ်ဟွံလီု ထိၚ်ဒဝ်အိုတ်ညိ ပ္ဍဲဂိတုနိုဝမ်ပါဏံ ဍာ်ၜဳသြၚ်လောန်လေဝ်ကှ်ဇိုတ် သံၚ်ဗ္တဳတံမံက်တိုန်တုဲ ဒးစဒုၚ်ထိၚ်ဒဝ်အာ ပရေၚ်အာတရဴတံအိုတ်ညိဂှ် ဥူသဝ်မျေအ်ဥူ ဗတိုက်ဖအောဝ်လဝ်ရ။
ပရေၚ်ကမၠောန်ကၟုဲအာတရဴ တွဵုရးကရေၚ် သွက်ဂွံဇၞော်မောဝ် ဖောအ်ဗြဳတိုန်အာဂှ် သွက်ဂွံအာဝေၚ် ဒၞာဲတၟိတၟိတံ ထပ်ထမံက် ကၠောန်အာတုဲ ညံၚ်ဂွံတံၚ်ဂြဲကၟုဲတံကီု တရဴလၟေၚ်အာကၠုၚ် သ္အးဇ္ၚး သာယာရာၚ်ဆာဲ ညံၚ်ဂွံဒှ် ဂစာန်ကၠောန်အာညိဂှ် ဥူသဝ်မျေအ်ဥူ ဟီုလဝ်ရ။
ကၠာဟွံစိုပ် ပေါဲသဘၚ်အခန်ကၞာ တ္ၚဲတွဵုရးကရေၚ် မရနုက်ကဵု ၇၁ ဝါဏီ စနူနိုဝမ်ပါ ၁ ဂှ် သၠုၚ်အခိၚ်ပံက်လဝ် ဒဒန်သြၚ်လောန် (ဘာအၚ်) ကေုာံ ဒဒန်ဒုၚ်တမိ နွံလ္တူဂၠံၚ်ကွဳစက် ဘာအၚ်-သဓီုဂှ်တုဲ ဒဒန်သြၚ်လောန်ဂှ် စနူဂယး ၅ နာဍဳ စိုပ်ဗ္တံ ၁၀ နာဍဳ၊ ဒဒန်ဒုၚ်တမိဂှ် စနူဂယး ၅ နာဍဳ စိုပ်ဗ္တံ ၈ နာဍဳ ပြံၚ်လှာဲလဝ်အခိၚ် တတ်ဒဒန်တံရ။
နူကဵုဂကောံအလဵုအသဳပၞာန် တွဵုရးကရေၚ် သွက်ဂွံကၠောန်အာ ပေါဲသဘၚ်မိပ်လဟိၚ် တ္ၚဲတွဵုရးကရေၚ်ကီု ကၟုဲအာတရဴတံ ညံၚ်ဂွံကၠုၚ်ဝေၚ် အပ္ဍဲတွဵုရးဂၠိုၚ်ၚ်ကီု သ္ကိုပ်ဝန်ဇၞော် ဥူသဝ်မျေအ်ဥူ ဟီုဂး ဗတိုက်ဖအောဝ်မံၚ်ကီုလေဝ် ဂကောံမဝ်တဝ်ပဳကေလ်တံ ဗက်ဂၠာဲရပ်မံၚ် ကွဳစက်လိုၚ်သေၚ်ဟွံမွဲတံရောၚ်ဂှ် ညးဒေသတံ သ္ဂးရ။
တုဲပၠန် ပ္ဍဲကဵုဍုၚ်ဘာအၚ် ဟိုတ်နူဒပ်ပၞာန်ဗမာတံ ရပ်မံၚ်ပဝ်တာနွံမံၚ်ဂှ် ဟီုဂးမံၚ်တုဲ ပရေၚ်ရပ်ပဝ်တာဟွံမွဲပုဟ်ဂှ်လေဝ် နူကဵုလပါ်အလဵုအသဳတွဵုရးတံ ကလေၚ်တးပါဲလဝ်ရောၚ်။
လ္တူရဲကၠုၚ်ဝေၚ် အကြာတွဵုရးကရေၚ်တံမ္ဂး ထ္ၜးဟိုတ်ပရေၚ်ဂီုကၠီုတုဲ ဒပ်ပၞာန်ကဵုဂကောံပံၚ်တောဲတံ သၟာန်သၟုက် စၟဳစၟတ်ကရေပ်ထရတ်မံၚ်မၞိဟ်တံ ပ္ဍဲဒဒန်သြၚ်လောန်ကီု လိက်ထံက်ဂလာန်ဟွံဍိုက်ပေၚ်မ္ဂး ပရေၚ်အာတ်သြန်နွံတုဲ သွက်ညးဍုၚ်ကွာန်အာတရဴတံ ဒှ်ပရေၚ်အခက်အခုဲ နာနာသာ် နွံရ။
ပရိုၚ်-သြၚ်လောန်တိုၚ်မ်
Photo – MOI