မတ်မလီု၊ နိုဝမ်ပါ ၁၅
တွဵုရးမန် ပ္ဍဲကဵုပွိုၚ်ဍုၚ်ဂမၠိုၚ်တံမ္ဂး သၟတ်တံ သွက်ဂွံလုပ်ယိုက်ဝန်ပၞာန် ဌာနအလဵုအသဳဆေၚ်စပ်တံ ဗက်တြးကဵုမံၚ် လိက်လၟေၚ်ကဵုသမ္တီနာနာတံတုဲ စှ်ေစန်ဒက်မံၚ်ဂှ် ရိုဟ်ကၞက်ပရိုၚ်ဒေသတံ ဟီုကဵုဌာန်ပရိုၚ် သြၚ်လောန်တိုၚ်မ်ရ။
စနူကဵုနိုဝမ်ပါ ၁၁ ဂှ် ပ္ဍဲကဵုပွိုၚ်ဍုၚ် အကြာဒၞာဲမၞိဟ်စဳမံၚ်ကဵု ဖျာတံဂှ် နူဌာနအလဵုအသဳဆေၚ်စပ်တံ ဗက်တြးကဵုမံၚ် လိက်လၟေၚ်ကဵုသမ္တီနာနာတံတံရ။
ပ္ဍဲကဵုလိက်လၟေၚ်ကဵုသမ္တီနာနာတံမ္ဂး “ပြည်ချစ်သား”၊ “နိုင်ငံ့သားကောင်း“၊ ပြည်သူ့စစ်မှုထမ်းများ၏ ၂ နှစ်တာ ဂုဏ်ယူဖွယ်ရာ” တံဂှ် ဗက်တြးကဵုမံၚ် မဒှ်ရ။
အဟိန် အာဗက်တြးမံၚ် လိက်လၟေၚ်ကဵုသမ္တီနာနာတံပၠန် သၟတ်တံ သွက်ဂွံလုပ်ယိုက်ဝန်ပၞာန်၊ ယိုက်ဂၠေၚ်ဝန်ပၞာန်တုဲမ္ဂး ဂွံအခေါၚ်ကမၠောန်တံမာန်ရောၚ် ဗက်စန်ဒက်ဟီုဂးမံၚ်ဂှ်လေဝ် ညးဒေသတံဟီုရ။
ပ္ဍဲတွဵုရးမန်မ္ဂး သွက်ပရေၚ်ယိုက်ဝန်ပၞာန်တံဂှ် ဗက်ရပ်ကေတ်မံၚ်သၟတ်တံ ဗွဲအတေၚ်အဓ္ဓမတံ အကြာကွာန်တံ ဗက်ကံက်မံၚ်သြန်လၟေၚ်ဂိတု သွက်ယိုက်ဝန်ပၞာန်တံဂှ် ဒပ်ပၞာန်ဗမာတံ ကၠောန်မံၚ်ရ။
ဟိုတ်နူ ဒပ်ပၞာန်ဗမာ ပကောံကေတ်လဝ် ကောန်ပၞာန်တၟိ သွက်ဂွံယိုက်ဝန်ပၞာန် လၟေၚ်ဂိတုနွံတုဲ သၟတ်ဂမၠိုၚ် တိတ်စိုပ်အာမံၚ်ဍုၚ်မ္ၚးတံ နကဵုဂအုံဂအုံကလောအ်ကလောအ် ဆက်နွံဂၠိုၚ်အာတုဲ အကြာဌာန်ဒေသတံမ္ဂး ဂၠာဲသၟာကမၠောန်တံဝါတ်အာ ဒှ်မံၚ်ရ။
အတိုၚ်ဌာန်ပရိုၚ်သြၚ်လောန်တိုၚ် ပကောံဂွံလဝ်တၚ်နၚ်တံမ္ဂး ပ္ဍဲကဵုတွဵုရးမန် ပံက်ဂွံလဝ်ဘာတန်ဗတောန်ယိုက်ဝန်ပၞာန် လၟေၚ်ဂိတု နူကဵုလၟၚ် ၁ စိုပ်လၟေၚ် ၂၉ ဂှ် သၟတ် ၆၀၀၀ ပြၚ် ဒးဒုၚ်ပကောံဏာလဝ် နဒဒှ် ကောန်ပၞာန်တၟိတံရ။
ပရိုၚ်-သြၚ်လောန်တိုၚ်မ်
Photo – CJ

