ကဝ်တူလေဝ်၊ မာတ်ချ်(၁)
ကောံဓရီုကောန်ကရိတ် ဗော်သွးကောန်ဂကူကရေၚ် KNU မရနုက်ကဵု (၁၅) ဝါဂှ် ညးစၞးဒပ်မဟာ (၅) ဂမၠိုၚ် တိုန်စိုပ်လဝ် ဟွံမွဲပုဟ်ဂှ် တမ်ရိုဟ်ပရိုၚ် KNU တံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
သွက်ဂွံတိုန်စိုပ်ကောန်ကရိတ် KNU အလဵုမၞိဟ်ဂှ် ဒၟါနူအခက်အခုဲနွံဂှ်ရ စနူဂိတုဖေဖဝ်ဝါရဳ (၂၇) တုဲကၠုၚ်တေံတုဲ ကၠောန်ဗဒှ်ဒၟံၚ် နကဵုသၞောတ်အောန်လာၚ်တုဲ ၜိုန်ရကမ္မတဳကေၚ်ကာဂမၠိုၚ် ကေုာံ ညးစၞးနူခရိုၚ်နာနာတံ တိုန်စိုပ်လဝ်ကီုလေဝ် ညးစၞးနူကဵုဒပ်မဟာ (၅) တံ တိုန်စိုပ်လဝ်ဟွံမွဲပုဟ်ဂှ် ဂွံတီကေတ်ရ။
လ္တူပရူပရာ ညးစၞးဒပ်မဟာ (၅) ဂမၠိုၚ် ဟွံတိုန်စိုပ်လဝ်ဂှ်ကီု သီုကဵုပါလုပ်အကာဲအရာ မကၠောန်ဗဒှ် ကောံဓရီုကောန်ကရိတ် KNU နူကဵုအောန်လာၚ်တံကီုဂှ် နူကဵုသြၚ်လောန်တိုၚ်(မ်) ၜိုန်ရဆက်စၠောံသၟာန်သၟုက်လဝ် ကုညးမၞုံအခေါၚ်ဟီုဂး KNU ကီုလေဝ် ကလေၚ်သှ်ကဵုလဝ် ဟွံမွဲဏီတုဲ လ္ပာ် KNU ဗဟဵုတံလေဝ် ပြဟ်ဟ်ဏံ လလောၚ်ပ္တိတ်လဝ်ပရိုၚ် ဗွဲမလုပ်သၞောဝ်ဟွံမွဲဏီရ။
စပ်ကဵုအကာဲအရာ ညးစၞးဒပ်မဟာ (၅) တံ ဟွံတိုန်စိုပ် ကောံဓရီုကောန်ကရိတ် KNU ဂှ်တုဲ ဒဒှ်ရဟီုဟွံဂွံဂှ် ညးမၞုံအခေါၚ်ဟီုဂး ဒပ်မဟာ (၅) မွဲတၠ ဟီုဂးလဝ်ရ။
ကောံဓရီုကောန်ကရိတ် KNU မရနုက်ကဵု (၁၇) ဝါဂှ် ဟိုတ်နူအကာဲအရာပရေၚ်ပၞာန် ကေုာံ ယဲကပ်ကဝ်ဝေဒ်တံဂှ်တုဲ ဒးပဆုဲလဝ် ဂၠိုၚ်ၚ်ကဵုဝါတုဲ (၄) သၞာံမွဲဝါ ၜိုန်ရဒးကၠောန် ကောံဓရီုဂှ်ကီုလေဝ် ဟိုတ်နူအကာဲအရာတံဏံတုဲ ဒးထပ်ပပဵုပ္တိုန်လဝ်အာယုက် (၂) သၞာံရ။
ဆ္ဂး နကဵုနဲကဲလဵုဒှ်ဒှ် ဟွံဒေါအ်ဟွံဂွံ ဒးကၠောန်အာ ကောံဓရီုဂှ်ရောၚ် ညးမၞုံအခေါၚ်ဟီုဂး KNU ပဒိုဝ်သဝ်တဝ်နဳ ဟီုဂးတုဲ ဂွံမွဲသတ္တာဟဂှ် ကၠောန်ဗဒှ်ဒၟံၚ် နူကဵုအောန်လာၚ်ရ။
ကောံဓရီုကောန်ကရိတ် ဗော်သွးကောန်ဂကူကရေၚ် KNU မရနုက်ကဵု (၁၆) ဝါဂှ် ပ္ဍဲသၞာံ ၂၀၁၇ ဂိတုမာတ်ချ်တုဲကၠုၚ်တေံဂှ် ကၠောန်ဗဒှ်လဝ် အလန်လက္ကရဴအိုတ်ရ။
ပရိုၚ်−သြၚ်လောန်တိုၚ်(မ်)
ဗီုရုပ် – (KNU HQ)