တၚ်ဆက်စၠောံသၟာန်သွဟ်လဝ်ကဵု ညးအုပ်ကာနာနာဂကောံညးဗြဴ – WLB (ကၟိန်ဍုၚ်ဗၟာ)။
ကံၚ်ဇြဳပၞာန်ဂှ် သွက်ဂွံဗတိုက်သရိုဟ်ညးချဳဒရာၚ်ဒဳမဝ်ကရေဇြဳကေုာံအခေါၚ်အရာမၞိဟ်တအ်နူကဵုအောန်လာၚ်မွဲကဆံၚ် ကၠောန်သ္ပဒၟံၚ်ပရေၚ်ဘပဠ ပ္ကီုပရာပ်တုဲ သုၚ်စောဲဒၟံၚ် Social Media နဒဒှ်လွဟ်လက်နက်ရဂှ် ညးစၞးတၟေၚ်ဆေၚ်ရာကဵုအခေါၚ်အရာမၞိဟ်ကုလသမဂ္ဂဂမၠိုၚ် ဟီုသ္ဂးလဝ်ပ္ဍဲဂိတုမာတ်ချ် တုဲကၠုၚ် စၟတ်တ္ၚဲ (၁၃)တေံရ။
သွက်ဂွံပလာပ်ပထုဲညးချဳဒရာၚ်ဒဳမဝ်ကရေဇြဳကေုာံအခေါၚ်အရာမၞိဟ်၊ သွက်ဂွံဆဝ်ပ္ၚုဟ်ပရေၚ်ပ္ကီုပရာပ်တအ်ဂှ် ညးထံက်ဂလာန်ကဵုဒပ်ပၞာန်တအ် သုၚ်စောဲကၠုၚ် Social Media တုဲ ဗွဲတၟေၚ်မ္ဂး ပ္တဝ်လဝ်ကဵုညးဗြဴဂမၠိုၚ်တုဲ သ္ပကၠုၚ်ဒၟံၚ်အန္တရာယ်ဇၞော်ကဵုဇြဟတ်ရဂှ် ဓမံက်လဝ်ပ္ဍဲတၚ်လလောၚ်တြးဂှ်ရ။
ဟိုတ်ဂှ်ရ ညးနွံပၟိက်ကဵုဒပ်ပၞာန်တအ် သုၚ်စောဲ Social Mediaတုဲ စပ်ကဵုပရေၚ်ပရောဘပဠကၠုၚ်၊ အခက်ခုဲစပ်ကဵုညးချဳဒရာၚ်အခေါၚ်အရာမၞိဟ်တအ်ဒးဆေၚ်ဒၟံၚ်မုက်တုဲ ဆက်စၠောံသၟာန်လဝ်ကဵုညးအုပ်ကာနာနာ ဂကောံညးဗြဴ- WLB (ကၟိန်ဍုၚ်ဗၟာ) နာန်မိုအ်မိုအ်ရ။
-ကိုပ်ကၠာအိုတ်ဏံ ညးဗြဴချဳဒရာၚ်ဒၟံၚ် ပရေၚ်အခေါၚ်အရာမၞိဟ်၊ ပရေၚ်ဒဳမဝ်ကရေဇြဳ ပရေၚ်ဍုၚ်ကွာန်တအ်ဂှ် ဗီုပြၚ်လဵုဒးဒုၚ်ဘပဠဒၟံၚ်ပ္ဍဲကဵု social media နွံဒၟံၚ်ရော။ ဟီုထ္ၜးကဵုညိ။
ယွံ၊ အခိၚ်လၟုဟ်တှ်ေ ညးလ္ပာ်ဒပ်ပၞာန်ပ္ကီုပရာပ်တအ်ဟီုဏောၚ်လေဝ်ဏး။ ပူဂဵုသၟဝ်တဲကံၚ်ဇြဳပၞာန်ပ္ကီုပရာပ်တအ်ဂှ် အခိၚ်လၟုဟ်ဏံ သုၚ်စောဲ social media တုဲ ပရေၚ်ကဆော်ကချဳ ညံၚ်ပဋိပက္ခဂွံက္တဵုဒှ် အကြာဇကုကဵုဇကုကီု တုဲပၠန်လစွံစိုတ်တအ်တၞဟ်ခြာတုဲ အကြာဇကုကဵုဇကု ညံၚ်ပရေၚ်ပ္ကီုပရာပ်ဂွံဒှ်ကၠုၚ်ကီု ပရေၚ်ချူတြးကဆော်ကချဳဖ္ဍဟ်ဖ္ဍာဲ ပ္ၚုဟ်က္တဵုဒၟံၚ်တအ်ဂှ် ပိုဲဂွံညာတ်ကေတ်ဒၟံၚ်ရ၊ ယဝ်ရညးဗြဴတအ်ဏောၚ်တှ်ေ စွံလဝ်ပွန်ကဵုမၞိဟ်ဗြဴတုဲ ပရေၚ်ဗတိုက် ပ္ဍဲကဵုအောန်လာၚ်တအ်ဂှ် ဂွံညာတ်ကေတ်ဒၟံၚ်ဗီုပြၚ်စုၚ်ရ။ ဗွဲတၟေၚ်တှ်ေ ပ္တဝ်လဝ်ကဵုညးဗြဴတအ်ဏံဗီုပြၚ်လဵု၊ ဗတိုက်ဒၟံၚ်လပါ်လဵုရောတှ်ေ ပရေၚ်ဗတိုက်ဒၟံၚ်ဆေၚ်စပ်ကဵုပရေၚ်ပူဂဵု ပိုဲဂွံညာတ်ကေတ်ဒၟဴၚ်ရ။ စပ်ကဵုပရေၚ်ပူဂဵုညးဗြဴတအ်တုဲ ပွဓမံက်ပ္တိုန်ကီု၊ ဗတိုက်ကီု၊ က္တဵုဗဒှ်ကဵုပရေၚ်ပ္ကီုပရာပ်ကီု အရာတအ်ဏံဂှ်လေဝ် ကၠောန်ဒၟံၚ်ဗွဲမဂၠိုၚ်ဂှ် ပိုဲဂွံညာတ်ကေတ်ရ။ တုဲပၠန် အရာဇီုကပိုက်ဒးကဵု ပရေၚ်ဆေၚ်စပ်ကဵုလိၚ်ညးဗြဴတအ် ပ္ဍဲအောန်လာၚ်ဂှ် ကၠောန်ဒၟံၚ်သၠဲသၠဲလးလးဂှ် ပိုဲဂွံညာတ်ကေတ်ရ။ ညးဗြဴတအ်တှ်ေ ကၠောန်သ္ပပရေၚ်ဗတိုက် ဆေၚ်ကဵုပရေၚ်ပူဂဵု ကၠောန်ဒၟံၚ်ရ။ ပ္ဍဲလတူပရေၚ်ဂယျိုၚ်လမျီုညးတအ်လေဝ် ဗတိုက်ပလီုဒၟံၚ်ဂှ်လေဝ် ဂွံညာတ်ကေတ်ဒၟံၚ်ရ။ ပရေၚ်ဘပဠ ဂစိုတ်ထောံဏောၚ် ဗီုဏံလေဝ်။ ကၠောန်သ္ပဒၟံၚ် သၠဲသၠဲလးလးဗီုဏံ ဂွံညာတ်ကေတ်ဒၟံၚ်ရ။
-ဟိုတ်နူဒးဒုၚ်ဘပဠကၠုၚ်ဗီုဏံတုဲ ပ္ဍဲလတူချဳဒရာၚ်ပရေၚ်ဍုၚ်ကွာန်၊ ပရေၚ်ဒဳမဝ်ကရေဇြဳ သီုပရေၚ်အခေါၚ်အရာမၞိဟ် ပ္ဍဲအောန်လာၚ် ဗီုပြၚ်လဵု ဇီုကပိုက်ဒးကၠုၚ်မာန်ရော။
အခိၚ်ဒးဒုၚ်ဘပဠကၠုၚ်ဗီုပြၚ်ဏံဂှ် နကဵုညးချဳဒရာၚ်ကတိုၚ်ကၟဟ် အခေါၚ်အရာမၞိဟ်တအ်လေဝ် ညးနွံပၟိက်ဒဳမဝ်ကရေဇြဳတအ် ညးက္ဍိုက်က္ဍိုပ်ပရေၚ်ဍုၚ်ကွာန်တအ် ဗီုပြၚ်လဵုဒးဇီုကပိုက်ကၠုၚ်မာန်ရောတှ်ေ ပ္ဍဲကဵုပိုဲဂှ် လးလးပရေၚ်ဂီုကၠီုဟၟဲပုဟ်။ ပရေၚ်ဘပဠဍေံတအ်ဂှ် ဒးဖေက်ဒၟံၚ်ဏောၚ်ဏး။ ပရေၚ်ဂီုကၠီု ဟၟဲရပုဟ်။ ပရေၚ်ဂီုကၠီု သွာၚ်စိုတ်ဓာတ်လေဝ်ဟၟဲ၊ ပရေၚ်ဂီုကၠီုပရေၚ်ဆေၚ်ကဵုရုပ်ဝတ္ထုလေဝ် အကာအရာဟၟဲ ပ္ဍဲပိုဲ ဒးဆဵုဂဗဒၟံၚ် ဗွဲမဂၠိုၚ်ရ။ ပိုဲဂှ် သီုကဵုစိုတ်ဒှ်ဓဝိၚ် စိုတ်စံၚ်တူတအ်ရလေဝ်။ ထေဲဏောၚ်လေဝ် ဒးဒှ်ဒဒိုက်စိုတ်ဗွဲမလောန်ရ။ ဒှ်ဒၟံၚ်ဗီုပြၚ်ဏံရ။ တုဲပၠန်မွဲဂှ် ပရေၚ်ဗတိုက်က္ဍိုက်ဓရိုက် နကဵုဒကဴပရေၚ်ပူဂဵုကဵုဒှ် သီုကဵုရန်တၟံနွံနွံ ပရေၚ်ဗတိုက်ကၠုၚ် ပူဂဵု၊ ပရေၚ်ဘပဠ ကၠောန်ဗဒှ် အန္တရာဲဂၠိုၚ်တိုန်ကၠုၚ်ဂှ် နကဵုပိုဲညးချဳဒရာၚ်ကတိုၚ်ကၟဟ် အခေါၚ်အရာမၞိဟ် မၞိဟ်ဗြဴတအ်ဂှ် ဒှ်ကၠုၚ်ဗီုပြၚ်လဵုရောဟီုတှ်ေ နကဵုညးဗြဴတအ်ဂှ် တၚ်ပတှ်ေညးတအ်၊ ကသပ်ညာဏ်ညးတအ်၊ တၚ်ဒုၚ်ဂိုၚ်ကေတ်ညးတအ်၊ ပရေၚ်သ္ၚဳဂၠိပ်ညးတအ် သွက်ဂွံဓမံက်ထ္ၜး ပ္ဍဲကဵုအောန်လာၚ်ဂှ် ရောံဓညကၠုၚ်ရ။ ဖေက်ဂၟံက်ကၠုၚ် ဇေတ်တ်တေံယဝ်ရညးတအ်ဆက်ကၠောန်အာမ္ဂး အခေါၚ်အရာပံက်ဟီုဂး ဗၠးဗၠးၜးၜး၊ အခေါၚ်အရာကေတ်တၚ်ဂၞၚ်ဗၠးဗၠးၜးတအ် အခေါၚ်အရာတအ်ဏံဂှ် အခိၚ်ပိုဲသုၚ်စောဲ နူအောန်လာၚ်ဂှ် ညံၚ်ညးသုၚ်စောဲတအ် ဟွံဂွံဂံၚ်သုၚ်စောဲဂှ် ကၠောန်သ္ပကၠုၚ်ဗီုဏံရ။ သွက်ညးဗြဴတအ်ဂှ် ဒှ်ပရေၚ်ဘပဠဇၞော်ဇၞော်ရ။ ပိုဲတအ်ဂှ် အဓိကတှ်ေ ပရေၚ်ဂီုကၠီုဆေၚ် ကဵုရုပ်ဝတ္ထု၊ ပရေၚ်ဂီုကၠီု ဆေၚ်ကဵုစိုတ်ဓာတ်တအ်ဂှ် ပါဲနူဇီုကပိုက်ဒးဒၟံၚ်ဇၞော်ကဵုဇြဟတ် မွဲလပါ်ပၠန်လေဝ် ဇီုကပိုက်ဒးဒၟံၚ် အခေါၚ်အရာဟီုဂးဗၠးဗၠးၜးၜး ပကောံကေဝ်တၚ်ဂၞၚ်ပရိုၚ်ဗွဲမဂၠိုၚ်ရ။
-အလန်လကြဴအိုတ်ဏံ ကမၠောန်တအ်ဏံဂှ် ကံၚ်ဇြဳပၞာန်ရန်လဝ်ဗီုလဵုတုဲ ကၠောန်ဒၟံၚ်ဏောၚ် ညာတ်ကေတ်ရော၊ သ္ၚဳဂၠိပ်ပါ်ပါဲကဵုညိ။
ကမၠောန်ဏံဂှ်တှ်ေ လ္ပာ်ကံၚ်ဇြဳပၞာန်ဂှ် သုၚ်စောဲဒၟံၚ်နဒဒှ်နဲဗျူဟာဍေံတအ်တုဲ ဗတိုက်ဒၟံၚ်ရဂှ် အဲညာတ်ကေတ်ရ။ အဓိကဂှ္တှ်ေ ယဝ်ရပိုဲကလေၚ်ကျောဝ်ရံၚ်အာသၞာံဂၠိၚ်သ္ၚောဲဒပ်ပၞာန်ပ္ကီုပရာပ်တအ်ဏောၚ်တှ်ေ ဒှ်ဗျူဟာဍေံတအ်ရ။ ဍေံဂှ်တှ်ေ ညံၚ်ပဋိပက္ခအကြာဇကုကဵုဇကုဂွံဒှ် ဍေံကဆော်ကချဳဏောၚ်၊ ဖန်ဗဒှ်ဏောၚ်၊ ညံၚ်ပရေၚ်ထေၚ်ဗၠေတ်ညးသ္ကအ်ဂွံဒှ်ကၠုၚ် ဖ္ဍဟ်ဖ္ဍာဲဏောၚ်၊ ဖန်ဗ္ဒဏောၚ်။ ဗတိုက်နကဵုဗီုပြၚ်နာနာဏောၚ် ပ္ကီုပရာပ်ဏောၚ်၊ အရာတအ်ဏံဂှ် ဒှ်ဗျူဟာဍေံပေၚ်ၚ် ဍေံသုၚ်စောဲကၠုၚ်ဒၟံၚ်ရ။ ဗျူဟာပၞာန်လေဝ် အတိုၚ်ဗျူဟာပၞာန် ကၠောန်သ္ပဒၟံၚ်ရ။ အခိၚ်ဒပ်ပၞာန်ပ္ကီုပရာပ်ကၠောန်သ္ပကၠုၚ်ဗီုဏံဂှ် ညံၚ်ပိုဲဟွံဂွံလုပ်အာပွန်ဍေံ ပၟိက်ဇၞော်ဒၟံၚ်ရ။
ပ္ဍဲပးဒၞက်ဍေံပိုဲလုပ်စိုပ်အာဏောၚ်တှ်ေ အတိုၚ်ဍေံဖျေံစွံလဝ်ယဝ်ရပိုဲစိုပ်အာဏောၚ်တှ်ေ ပိုဲရဂိဏောၚ်။ ဍေံဂှ်မိပ်မံၚ်တွဵုရ။ ဍေံဂှ် ဒှ်ညးဖန်ဗဒှ် ကဆော်ကချဳ ဖ္ဍဟ်ဖ္ဍာဲပြသၞာတုဲ ပဋိပက္ခဇေတ်တ်ဒှ်ကၠုၚ်ရ။ ပြသၞာတအ်ဒှ်ကၠုၚ်တှ်ေ ဍေံရံၚ်ဗဵုဒၟံၚ်ဒကဴတုဲ မိပ်မံၚ်ဏောၚ်။ ဒပ်ပၞာန်ပ္ကီုပရာပ်ဂှ် ညံၚ်ဂွံဆက်ကၠောန်ပ္ကီုပရာပ်ဂှ် ဍေံကၠောန်ဗဒှ်ဏောၚ်။ တုဲတှ်ေ ညံၚ်ပဋိပက္ခအကြာဇကုကဵုဇကုဂွံဒှ်ကၠုၚ် အကြာဇကုကဵုဇကုဂွံထေၚ်ဗၠေတ်ကၠုၚ် အကြာဇကုကဵုဇကုပရေၚ်ဗတိုက်က္ဍိုက်ဓရိုက်ညၚ်ဂွံဗၠေတ်ဗၠေၚ်ကၠုၚ်ညးသ္ကအ်ဂှ် ဖန်ဗဒှ်ဒၟံၚ်ရ။ အကြာဇကုကဵုဇကုဂှ် အရာဏံဒှ်ဒၟံၚ်ရ။ ပရေၚ်ဗတိုက်ဒှ်ဒၟံၚ်ရဟီုတှ်ေ ဍေံဂှ်ၜိုဟ်ဟ်သြိုဟ်ဟ်ရ။ ဒှ်မၞိဟ်ဂွံလဝ်သာသာရ။ ကမၠောန်သွက်ဍေံဒးကၠောန်နွံဂှ် ဆက်ကၠောန်အာဏော။ တအ်ဏံဂှ် ဒှ်အရာညိဓဝ်ဒုၚ်တဲဟွံမာန်ရ။ ပိုဲတအ်သီုညးဖအိုတ်ဂှ် ညံၚ်ဟွံပါလုပ်အာပ္ဍဲဂွန်ဍေံစဳဇန်လဝ်ဂှ် ပၟိက်ဇၞော်ဒၟံၚ်ဏောၚ်ဂှ် အဲညာတ်ကေတ်ရ။