ယေန်မာပေန် – မာတ်ချ်(၁၉)
AVSC Medical Team ကဝ်မတဳက္ဍိုက်က္ဍိုပ်ဗကပ်ဗဗေၚ်ကွာန်ပံၚ်ကောံ ယေန်မာပေန် သာလေန်ဂျဳ၊ ရးဒေသသေတ်ဂါၚ်ဂှ် ရံၚ်စံၚ်ရေၚ်တၠုၚ်ကဵုလဝ် ပရေၚ်ထတ်ယိုတ် ပ္ဍဲဘာဗ္တောန်လိက် (၄) ဘာ ပံက်လဝ်နလၟေၚ်စၞောန်ပ္ညုၚ်ဂၠံၚ်တရဴ ဌာနဝန်ဇၞော်ပရေၚ်ပညာ အလဵုအသဳ NUG မၞုံပ္ဍဲသ္ကုတ်ပလိုတ် ယေန်မာပေန်ရဂှ် ဂွံတီကေတ်လဝ်ရ။
ကၠောန်ဗဒှ်လဝ်ပရေၚ်ဟီုတွံ ကဵုပညာ ဆေၚ်စပ်ကဵုပရေၚ်ထတ်ယိုတ် ပ္ဍဲဘာ (၄) ဘာတုဲဂှ် ဖျုၚ်ကဵုလဝ်ဂဥုဲမြုန် ကုကောန်ၚာ် အဝယ်တန်မူလတအ်ကီု ပရအ်ကဵုလဝ်ဂဥုဲသၠုၚ်ပ္တိုန်ဇြဟတ်ဓာတ်ပသဲ(သံဓာတ်အားတိုးဆေး) ကုကောန်ၚာ်သၟတ် စက္တဵုဒှ်ဝုတ် တန်ဒေါဝ် ကေုာံတန်သၠုၚ်တအ်ရဂှ် ဂွံတီကေတ်ရ။
သ္အာၚ်နူဏံပၠန် ကောန်ၚာ်သၟတ်မၞုံဒၟံၚ် ပ္ဍဲဘာတအ်ဂှ်လေဝ် ကဵုလဝ်ပရေၚ်မၚ်မွဲရံၚ်စံၚ် ပရေၚ်ထတ်ယိုတ် နွံပၟိက်တအ်တုဲ ယဝ်ရမိက်ဂွံထံက်ပၚ်ကဵုဒါန် AVSC Medical Team မ္ဂး သွက်ဂွံဆက်စၠောံကဵုဒါန် ကဝ်မတဳဗကပ်ဗပေၚ်ကွာန်ပံၚ်ကောံဂှ်လေဝ် ကဵုလဝ်သမ္တီရ။
ပရိုၚ်-သြၚ်လောန်တိုၚ်(မ်)
ဗီုရုပ် – CJ