“ဃောအာကၠုၚ်တရဴ ဒှ်သၠေဟ်ပၟာတုဲ ဃောဗဒေါံတာဒၞာစၟဳစၟတ် ဟိုတ်နူပ္ဍိုက်နၚ်လဝ်ကောန်ကမၠောန်ဟွံလုပ်သၞောဝ်ဂှ်ရ
ပရေၚ်ရပ်စပ်ကေတ်ရေဝ်၊ မၞိဟ်စအကြာလ္ၚဵုဂှ်လေဝ် သွက်ဂွံပလံၚ်ဗစိုပ်ကဵု ဒၞာဲဟီုကၠုၚ်လဝ် နူတမ်မူလတေံဂှ် သွက်ဍေံတအ်
ညးမၞိဟ်စအကြာတအ် အန္တရာယ်နွံဒၟံၚ်ဂးတုဲ ကဵုကောန်ကမၠောန်တအ် မၚ်ဒၟံၚ် ပ္ဍဲဒၞာဲဏံ ပ္ဍဲဂြိုပ်မွဲမွဲဒၞာဲတုဲ ကၠဟ်စွံလဝ်လေဝ်
နွံရ”
သၟာန်ကမၠောန်ဆုဲပြံၚ် ကောန်ကၟိန်ဍုၚ်ဗၟာတအ်ဂှ် ကြဴနူဒပ်ပၞာန်သီအဝဵုတုဲ ဟိုတ်နူကမၠောန်အောန်ကြဳကၠုၚ်ကီု၊
ဟိုတ်နူပရေၚ်ဍုၚ်ကွာန်၊ ပရေၚ်ပၞာန် ဟွံညိၚ်ဝတ်တုဲ သွက်ဂွံက္လိဂွံ အခေါၚ်အရာကမၠောန်တုဲ ပရေၚ်တတ်ကၠောံ
ပယျဵုဒၞက်သေံဟွံလုပ်ကဵုသၞောဝ် လုပ်စိုပ်ကၠုၚ်ဒၟံၚ် အရိုဟ်ဒဒှ်တ္ၚဲရ။
လၟုဟ်ဏံမ္ဂး သၟာကမၠောန်ဆုဲပြံၚ် ကောန်ကၟိန်ဍုၚ်ဗၟာ လုပ်စိုပ်ကၠုၚ်ဟွံလုပ်ကဵုသၞောဝ်တအ်ဂှ် ဒးဒုၚ်ကၠဟ်စွံလဝ်ကဵု
ညးစအကြာသၟာကူသာန်မၞိဟ်တအ် ပ္ဍဲကဵုဂြိုပ်မွဲမွဲဒၞာဲကီု ပရေၚ်ဒးဒုၚ်ရပ်ဒၟံၚ် ခြာဟွံလအ်ဟွံလအ်ကီု ဒးဆက်ဆေၚ်ဒၟံၚ်မုက်ရ။
ဟိုတ်ဂှ်ရ အခက်ခုဲကောန်ကမၠောန်ကၟိန်ဍုၚ်ဗၟာ တတ်ကၠောံပယျဵုဟွံလုပ်သၞောဝ်တုဲ လုပ်စိုပ်ကၠုၚ်ဒၟံၚ်တအ် ဒးဆေၚ်ဒၟံၚ်မုက်ကဵု
တၚ်ခက်ခုဲ၊ ပရေၚ်က္လိဂွံကမၠောန်ကၟိတ် ပ္ဍဲဍုၚ်သေံကီု၊ ပရေၚ်ဒးဒုၚ်ကၠဟ်စွံလဝ် ပ္ဍဲဂြိုပ်တအ်ကီု စပ်ကဵုကိစ္စတအ်ဏံတုဲ
ဆက်စၠောံသၟာန်သွဟ်လဝ်ကဵု ဥူအောၚ်ကျဝ် ဥက္ကဋ္ဌဇာနှိက်အခေါၚ်အရာသၟာကမၠောန်ဆုဲပြံၚ် MWRN ရ။
-ကိုပ်ကၠာအိုတ်ဏံ အကာဲအရာသၟာကမၠောန်ဆုဲပြံၚ်ကောန်ကၟိန်ဍုၚ်ဗၟာ လုပ်ကၠုၚ်ဍုၚ်သေံ နူကဵုဂၠံၚ်ပယျဵုု ဟွံလုပ်သၞောဝ်တအ်
ဒးဒုၚ်ရပ်စပ်ဒၟံၚ် ဗီုပြၚ်လဵု ဆက်နွံဒၟံၚ်ရော ဟီုထ္ၜးကဵုညိ။
ပ္ဍဲဂိတုဂျာန္နဝါရဳ၊ ဖေဖဝ်ဝါရဳလေဝ် ဂကောံလုပ်ကၠုၚ် နူပယျဵုဟွံလုပ်သၞောဝ် နွံဒၟံၚ်ဖိုဟ်ဏီရ။ မုဒှ်ရောတှ်ေ ပ္ဍဲကဵုဍုၚ်လေဝ်
ကမၠောန်ကၟိတ်ဟၟဲပုဟ်လေဝ်၊ ဟၟဲတှ်ေ သွက်ညးတအ်ဂွံကၠောန်ကမၠောန်ကၟိတ်ဂှ် ဟိုတ်နူဟိုတ်တၞဟ်လေဝ် နွံဒၟံၚ်ရလေဝ်၊
ဒၟာနူဍုၚ်ကွာန်ဟွံညိၚ်ဝတ်တုဲ ပိုဲတအ်တတ်ကၠောံပယျဵုဒၞက် အဖဝ်သၟာကူသာန် ညးအကြာတအ်တုဲ
ပရေၚ်တတ်ကၠောံပယျဵုဒၞက် လုပ်ကၠုၚ်ဂၠံၚ်ပယျဵု ဟွံလုပ်ကဵုသၞောဝ်တအ်ဂှ် နွံဒၟံၚ်စဵုကဵုလၟုဟ်ဏံဖိုဟ်ဏီရ။
တုဲပၠန် ပရေၚ်ဒးဒုၚ်ရပ်ကေတ်အရေဝ်လေဝ် ဂွံဆဵုဒၟံၚ်ပ္ဍဲပရိုၚ်သေံ မွဲခနမွဲခနရ။ လ္ၚဵုဂှ် ကၠုၚ်ကၠောန်ကမၠောန်
ပ္ဍဲဍုၚ်သေံဏောၚ်ဂးတုဲ ကၠတ်လုပ်ကၠုၚ်နွံကီု လ္ၚဵုဂှ်တှ်ေ နူကဵုသေံမွဲကဆံၚ် သွက်ဂွံကၠောံအာ ကၟိန်ဍုၚ်မလေဝ်ဂှ်
ပရေၚ်ဒးဒုၚ်ရပ် ပ္ဍဲသြၚ်သေံလေဝ် နွံမံၚ်ဟီုဂှ်လေဝ် ပိုဲဂွံမိၚ်ဒၟံၚ်ရ။ ဣဏံဂှ် သွက်ပိုဲ ဂဂွံစရၚ်အၚ်ဗ္ဒၚ်တအ်ဏံဂှ် ဟွံလောဲသွာရ။
ပ္ဍဲဍုၚ်သေံဂှ် ဟိုတ်နူပယျဵုဆက်စပ်ဒၟံၚ် ဒဵုကဵု ၜိုတ်၂၀၀၀ ကဳလောမဳတာဂှ်ရ ဇၟာပ်ပ်ဒၞာဲ ဟိုတ်နူညးစအကြာတအ်
ကော်ပၠုပ်ဒၟံၚ်ကောန်ကမၠောန်တအ်ဂှ်ရ ၜိုတ်ဂလိုၚ် လဵုလုပ်စိုပ်ကၠုၚ်ဒၟံၚ် ဍုၚ်သေံရောဂှ် ၜိုန်ရပိုဲဟီုချိုတ်တ်ပၠိုတ်တ်ဟွံမာန်လေဝ်
အဲထေၚ်ကေတ်တှ်ေ၊ နူကၠာတေံ ဂကောံပံၚ်ကောံသ္ၚဳဂၠိပ်လဝ်ဂှ် ယဝ်ပံၚ်သရောပ်ထောံတှ်ေ မွဲမွဲဂိတုၜိုတ် ပန်လ္ၚီဂှ် လုပ်ဒၟံၚ်ရဂှ်
ပိုဲသ္ၚဳဂၠိပ်လဝ်နွံရ။
-ပ္ဍဲလပါ်သ္ကုတ်သၠုၚ်ကျာသေံ သၟာကမၠောန်ဆုဲကောန်ကၟိန်ဍုၚ်ဗၟာ ဒးဒုၚ်ကၠဟ်လဝ်ဂှ် ဂွံမိၚ်လဝ်နွံရ။ အကာဲအရာဏံလေဝ်
ဟီုထ္ၜးကဵုညိ။
ဃောအာကၠုၚ်ဒၟံၚ်တရဴ ဒှ်သၠေဟ်ပၟာတုဲ ဃောဗဒေါံတာဒၞာစၟဳစၟတ် ဟိုတ်နူပ္ဍိုက်နၚ်လဝ် ကောန်ကမၠောန်ဟွံလုပ်သၞောဝ်ဂှ်ရ
ပရေၚ်ရပ်စပ်ကေတ်ရေဝ်၊ မၞိဟ်စအကြာလ္ၚဵုဂှ်လေဝ် သွက်ဂွံပလံၚ်ဗစိုပ်ကဵု ဒၞာဲဟီုကၠုၚ်နူတမ်မူလတေံဂှ် သွက်ဍေံတအ်
ညးမၞိဟ်စအကြာတအ် အန္တရာယ်နွံဒၟံၚ်ဂးတုဲ ကဵုကောန်ကမၠောန်တအ် မၚ်ဒၟံၚ်ပ္ဍဲဒၞာဲဏံ ပ္ဍဲဂြိုပ်မွဲမွဲဒၞာဲတုဲ ကၠဟ်စွံလဝ်တအ်လေဝ်
နွံရ။ ကောန်ဍုၚ်ဍုၚ်သေံတအ် ဂွံပရိုၚ်တုဲ ကဵုပရိုၚ်ကဵုဂကောံပိုၚ်ပြဳအဝဵုသေံတအ်ဂှ်ရ ဒးဒုၚ်ကၠဟ်စွံလဝ်တုဲ ရပ်ဂွံမှ
ညးစအကြာဂှ် ရပ်ဟွံဂွံတုဲ ရပ်ဂွံလဝ် သၟာကမၠောန်သၟးဂှ်လေဝ် ပိုဲဂွံမိၚ်ဒၟံၚ်ရ။
-အကာဲအရာသၟာကမၠောန် MOU တအ် ဒးဒုၚ်ဖံက်ပ္ကဝ်ဒၟံၚ် အခေါၚ်အရာကမၠောန် ဗီုပြၚ်လဵု ဆက်မိၚ်ဒၟံၚ် နွံရော။ မွဲအံၚ်ဂှ်
ဟွံဂွံကမၠောန်၊ ဟွံဂွံသြန်ဂိတု မပ္တံဗီုဏံ ပြဿနာကောံစုၚ် နွံဒၟံၚ်ရလေဝ်ဏး လၟုဟ်ဏံရော ဗီုပြၚ်လဵု ဆက်မိၚ်ဒၟံၚ်ရော။
ဍာံဍာံတေံဂှ် တအ်ဏံ ဒးအောန်စိုတ်ကွေံကွေံဏောၚ်။ ၜါကၟိန်ဍုၚ် ထ္ပက်စၟတ်တဲ တၚ်တုပ်စိုတ် MOU တုဲမှ
သၟာကမၠောန်ကော်ကေတ်လဝ် အတိုၚ်သၞောဝ်မွဲမွဲတၠ စိုပ်ကၠုၚ်ဍုၚ်သေံဆေၚ်စပ်တအ်ဗက်ဂှ် ဒးဂွံကမၠောန်ဏောၚ်
အခိၚ်စိုပ်ကၠုၚ်အဏံမှ ကမၠောန်ဟၟဲတုဲ ဒးဂ္ဇအ်မၚ်ဒၟံၚ်ဟီုဂှ် အေဂျေန်ဗၟာ ကဵုအေဂျေန်သေံတအ်ဂှ်
သွက်ဂွံပလံၚ်ကောန်ကမၠောန်ဓဝ် ဂစာန်ဒၟံၚ် အခိၚ်စိုပ်လ္ပာ်ဏံ မုကမၠောန်လေဝ် ဍေံတအ်ကဵုဟွံမာန်တုဲ ဂ္ဇံမၚ်ဒၟံၚ်အတိုၚ်ဏံ
မုဗက်ဂၠာဲကဵုဒၟံၚ်မုရောဂှ် ဒှ်အကာဲအရာပရေံလောန်အာရ။
ဗီုတအ်ဏံဂှ် ပိုဲဂွံမိၚ်ကေတ်ဒၟံၚ်ရ။ အဓိကဂှ်တှ်ေ မွဲဒမြိပ်ဟီုကၠုၚ်လဝ်ဏံဂှ် ဍုၚ်သေံဏံကဵုဒှ်၊ ဍုၚ်ဇိုၚ်ဝုတ်ဒိုဟ် မလေဝ်ကဵုဒှ်၊
သွက်အခေါၚ်ကမၠောန် ကောန်ဍုၚ်ပိုဲ အခိၚ်စိုပ်အာဂှ် ယဝ်ရစိုပ်အာကဵုသၞောတ် MOU လုပ်သၞောဝ်တှ်ေ သွက်ဂွံတိတ်တရဴဂှ်
ဒးဂီုကၠီုဖျေံစိုတ်ဏောၚ်။ ဂွံဒုၚ်စသိုၚ်အခေါၚ်အရာပေၚ်ၚ်ဏောၚ်သၞောတ်တအ်ဏံဂှ် စွံအဓိကတုဲ သွက်ဂွံညးသ္ကအ်ဂှ်
ဟီုဒၟံၚ်တွဵုရ။ ပ္ဍဲအကာဲအရာလၟုဟ်ဂှ် ၜိုန်ရကၠုၚ်ကဵု သၞောတ်လုပ်သၞောဝ်ကီုလေဝ် ဟွံဂွံကမၠောန်ပုဟ်ဟီုဂှ် ဒှ်ကၠုၚ်ဒၟံၚ်ရတှ်ေ
အလဵုဇကု ကလေၚ်ဂၠိုက်ဂၠာဲ ရာဇာဝၚ်အေဂျေန် ပလံၚ်ဏာဇကုဂှ်တုဲမှ ဒးဖျေံသ္ဂုတ်သွာတ် ကောန်ကမၠောန်ပိုဲဏောၚ်ဂှ်
မိက်ဂွံဟီုကဵုဏာကသပ်ရ။
-အခိၚ်လၟုဟ်ဏံ နကဵု MWRN ပရေၚ်ကဵုလညာတ် လ္တူသၟာကမၠောန်တအ် ဗီုပြၚ်လဵုကၠောန်ဒၟံၚ်ရော ဟီုထ္ၜးကဵုညိ။
နူစပိုဲဒက်လဝ်ဂကောံဂှ် သၟာကမၠောန်ရုၚ်စက်၊ ရုၚ်ကမၠောန်တအ်သီုဖအိုတ်ဂှ် ညံၚ်ဂွံက္လိဂွံ အခေါၚ်အရာသၟာကမၠောန်
အလဵုအသဳသေံစၟတ်လဝ် ဍိုက်က်ပေၚ်ၚ်ဂှ် တတ်ကၠောံလုပ်ကၠုၚ်ဍာန် ဟွံလုပ်သၞောဝ်တအ်ဂှ် ဒဒှ်အန္တရာယ်နွံကီု တအ်ဏံလေဝ်
ကဵုလဝ်လညာတ်နွံရ။ အခေါၚ်အရာသၟာကမၠောန်တအ်ဂှ် အကြာသၟာကမၠောန်ပိုဲကဵု တၠကမၠောန်တအ်ဂှ် လုပ်စိုပ်အာပ္ဍဲတိဍာ်တုဲ
ကၠောန်ဗဒှ်ကဵုလဝ် ပေါဲကဵုလညာတ်နွံရ။ တုဲပၠန်အခိၚ်ညးတအ်ဆဵုဂဗကၠုၚ်ကဵု အခက်ခုဲတအ်တှ်ေ ဆက်စၠောံကၠုၚ်ကဵုပိုဲဂှ်
အလဵုပိုဲအာဆဵုဂဗကဵု အလဵုအသဳသေံတုဲ ရေၚ်တၠုၚ်ကဵု သွက်ဂွံက္လိဂွံအခေါၚ်အရာပေၚ်ၚ်ရ။ ကိစ္စသၟာကမၠောန်တအ်
ဒှ်ဒၟံၚ်မ္ၚးသၞောဝ်သီုဖအိုတ်ဂှ် ၜိုတ်သ္ပမာန် ဘိုၚ်ရီုဗၚ်ကဵုဒၟံၚ် သီုစိုတ်သီုစရိုတ်ရ။
-အလန်လကြဴအိုတ်ဏံ စပ်ကဵုပရေၚ်သၟာကမၠောန်ဆုဲပြံၚ်တုဲ မုမိက်ဂွံထပ်ဟီုဗပေၚ်နွံရော။ ဟီုထ္ၜးကဵုညိ။
နကဵုပိုဲအလန်လကြဴအိုတ်ဏံ သွက်သၟာကမၠောန် နူဍုၚ်ဗၟာ ချပ်ဒၟံၚ်သွက်ဂွံလုပ်ကၠုၚ်ဍုၚ်သေံတအ်ဂှ်
ပရေၚ်လုပ်ကၠုၚ်ကၠုၚ်ဂၠံၚ်ပယျဵုတအ်ဂှ် ဟွံမိက်ကဵုသ္ပရ။ မုဒှ်ရောတှ်ေ စရိတ်လေဝ် အိုတ်ဂၠိုၚ်။ ၜါဠက်ဘာ်ပိဠက်
သြန်ၜါတ်သေံဟီုဂှ် တော်ကဵုသြန်ဗၟာတှ်ေ ဂၠိုၚ်လောန်ဒၟံၚ်ဂှ်ရ သွက်ဘဝဇကုလေဝ် ပရေၚ်ဂီုကၠီုဟၟဲ တုဲပၠန် ပ္ဍဲဍုၚ်သေံလေဝ်
စိုပ်ကၠုၚ်ယျတှ်ေ စၟတ်တဲ ပ္ဍဲကမၠောန်အလဵုအသဳသေံ ပ္တိတ်ကဵုတအ်ဂှ်လေဝ် လၟုဟ်ဏံ ဟွံဂွံကၠောန်ကဵုဂှ်ရ လုပ်စိုပ်ကၠုၚ်တုဲလေဝ်
ပ္ဍဲဇကု မုလိက်တၞးသက်သဳသာဓက ဟၟဲပုဟ်တှ်ေ ဂုဏ်နူဒးမံၚ်ဒၟံၚ် နကဵုဘဝဒးဖေက်ဂှ်ရ အန္တရာယ်ဇၞော်ကွေံကွေံဏောၚ်။
ဟိုတ်ဂှ်ရ ညံၚ်ဂွံဒှ် ပရေၚ်အာကၠုၚ်တရဴ ဂီုကၠီုဖျေံစိုတ်ဂှ် ဆက်စၠောံကဵုအေဂျေန်လုပ်သၞောဝ် ပ္ဍဲဍုၚ်ဗၟာခိုၚ်ၚ် ပတှ်ေစဂွံတအ်တုဲမှ
ပရေၚ်ကၠုၚ်ဂၠာဲကမၠောန်ဂှ် ပိုဲမိက်ဂွံကဵုဇြဟတ်ရ။
sanlontai