ဗော်ညးဗြဴ(မန်) မဒှ်ဗော်ပရေၚ်ဍုၚ်ကွာန် ကောန်ဍုၚ်အရၚ်မန်ဂှ် ပ္ဍဲဂိတုမာတ်ချ် စၟတ်တ္ၚဲ (၂၄)တုဲကၠုၚ်တေံ ပတိုန်လဝ်စရၚ်စၟတ်သမ္တီဗော် ပ္ဍဲကဝ်မယှေန်ပေါဲရုဲမာဲကၟိန်ဍုၚ်ရ။ ပ္ဍဲအရာပ္တိုန်စၟတ်သမ္တီဂှ် ပ္တိုန်လဝ်စရၚ်နဒဒှ်ဗော်စန္ဒက် အလုံမွဲကၟိန်ဍုၚ်ရ၊ ဟိုတ်ဂှ်ရ နကဵုဗော်ညးဗြဴ(မန်) စပ်ကဵုအကာဲအရာ ဖျေံကၠုၚ်သ္ဂုတ်သွာတ် သွက်ဂွံပ္တိုန်စၟတ်သမ္တီဗော်၊ ပရေၚ်စန္ဒက်ကောန်ဗော်၊ အကာဲအရာချပ်ဇန် လဝ်စပ်ကဵုပေါဲရုဲမာဲ ကၠုၚ်စိုပ်ဂတဏံတုဲ ဆက်စၠောံသၟာန်သွဟ်လဝ်ကဵု ဥက္ကဋ္ဌဗော်ညးဗြဴ(မန်) မိတာန်ယှေန်ရ။
-ကိုပ်ကၠာအိုတ်ဏံ နကဵုဗော်ညးဗြဴ(မန်) စပ်ကဵုအကာဲအရာ ဂွံဖျေံကၠုၚ်သ္ဂုတ်သွာတ် သွက်ဂွံပ္တိုန်စရၚ်စၟတ်သမ္တီဗ်ောတုဲ ဟီုထ္ၜးကဵုညိ။
ဗော်ပိုဲဂှ် လ္တူနူပရေၚ်ဍုၚ်ကွာန် သွက်ပိုဲဂွံစိုပ်အာ ဒေသကောန်ဂကူမန် နွံဒၟံၚ်တအ်ဂှ်ရ။ တၚ်ရန်တၟန်ဂှ်တှ်ေ ညံၚ်ဂွံစိုပ်ဇရေၚ်ကောန်ဂကူပိုဲဂှ် ပိုဲအာ ဒဵုစိုပ်ဏောၚ်။ ကဵုညးတအ်ဂှ် ခိုဟ်တုပ် ပရေံတုပ်ရလေဝ်ဏး။ ကောန်ဂကူဇကုတုပ်ပ် အာစိုပ်ဒဒိုက်လေဝ်တုပ်ပ် ဒှ်တသိုက်လေဝ် တုပ်ပ်ရလေဝ်။ နကဵုတၚ်ရန်တၟံ မိပ်မြဟ်လေဝ်တုပ်ပ်ဂးတုဲ ပ္ဍဲဒၞာဲကောန်ဂကူဇကုနွံဒၟံၚ်ဂှ် ညံၚ်ပိုဲဂွံစိုပ်ဂှ် အာဏောၚ်။ ဆေၚ်မုက်ကရောံညးတအ် မွဲစွံဏောလေဝ်။ ဆေၚ်မုက်ဘဝဏောၚ်။ တတ်ကၠောံဏောၚ် နကဵုတၚ်ရန်တၟံဏံရ။ သှ်ေနူဂှ်လေဝ် မုပိုဲဟွံဂွံစုတ်လဝ်ရ၊ ယွံ။
-ဗော်စန္ဒက်အလုံကၟိန်ဍုၚ်ဟီုဂှ် ကောန်ဗော်ဒးနွံ (၁)ကိုတ်ကဵု ဒးပံက်စွံလဝ်ရုၚ် ပ္ဍဲပွိုၚ်ဍုၚ် ၁၆၅ ပွိုၚ်ဍုၚ်ဏောၚ်ဟီုဂှ်တှ်ေ အခက်ခုဲဗီုလဵုနွံရော။
ပ္ဍဲသ္ကုတ်ကမၠောန်တှ်ေ အခက်ခုဲနွံရ။ ဆ္ဂးဂှ် မန်တအ် ကောံတုဲတှ်ေ အခက်ခုဲဏံ တတ်ကၠောံအာမာန်ဏောၚ် အဲညာတ်ကေတ်ရ။ ပိုဲတအ်နူကၠာတေံဂှ်။ ကၠာနူသၞောဝ်သ္ဇိုၚ်ဒက်ပ္တန် ဟွံတိတ်ကၠုၚ်ဏီ ပ္ဍဲဒၞာဲပိုဲဂွံလဝ်တုဲတုဲဂှ်ရ ပံက်စွံအာဏောၚ်။ ဒၞာဲပိုဲပံက်စွံလဝ်ရုၚ်ဂှ်တှ်ေ ရးဨရာဝတဳ၊ ရးဗဂေါ၊ ရးလဂုၚ်၊ ကွာန်မန် ပ္ဍဲတွဵုရးကရေၚ်၊ တွဵုရးမန် ၊ ရးဒေသဇၞော်တၞၚ်သဳတအ်နွံရ။ တအ်ဏံရ။ ပ္ဍဲဒၞာဲပိုဲအာလဝ်တုဲတုဲတအ်ဂှ်ရ ဆက်အာပၠန်ဏောၚ်။ ဒၞာဲတၞဟ်တအ်ဂှ်တှ်ေ ဟွံအာပုဟ်လေဝ်။ ရုၚ်ဂှ်တှ်ေ ၂၆၅၊ အာၜိုတ်ဂလိုၚ်ဏံဏောၚ်၊ ယွံ။
-သွက်ပေါဲရုဲမာဲကၠုၚ်စိုပ်ဂတဏံ နကဵုဗော်ညးဗြဴ(မန်) မုချပ်ဇန်လဝ်နွံကီုရော။
ပြဟ်ဟ်ဏံတှ်ေ သွက်ဗော်ပိုဲဂွံဒတူလာၚ်ဂွံဂှ် ဒၞာဲမန်ပိုဲနွံဒၟံၚ် ညံၚ်ပိုဲဂွံအာ ဒဵုစိုပ်မာန် ဒးဗပေၚ်ဇြဟတ်မၞိဟ် မွဲကိုတ်ဏောၚ်။ တုဲပၠန်ရုၚ်ဂှ် ဒးဗပေၚ် ၁၆၄ ဒၞာဲဏောၚ်။ ဗပေၚ်ဇြဟတ်မၞိဟ်မွဲကိုတ်ဏောၚ် ဆၜိုတ်ဏံရ ချပ်လဝ်။ သှ်ေနူဂှ် ဗီုလဵုဂွံဟီုရောတှ်ေ တုဲတဴကဵုအကာဲအရာတုဲ ရံၚ်ဗဗိုန်တုဲ လှ်ေအာပၠန်ရဏောၚ်။
-ပရေၚ်ဗော်ညးဗြဴ(မန်) ပံၚ်စွံရုၚ်တအ်ရော ရေၚ်တၠုၚ်ကၠုၚ်လဝ် စိုပ်ဒၟံၚ်ကဆံၚ်လဵုရရော။
ပိုဲကၠောန်လဝ်ဆၜိုတ် ရးဒေသဇၞော်သၟးရ။ ရးဒေသမွဲရးတှ်ေ ကၠောန်လဝ်မွဲဒၞာဲရ။ ဥပမာဍေံ-ရးဨရာဝတဳတှ်ေ ဖာသီ။ ရးဗဂေါတှ်ေ ဗဂေါ။ ဗဂေါ ပ္ဍဲစၚ်နာဍဳရ။ ဗီုဏံရလေဝ်။ ပ္ဍဲတွဵုရးမန်တှ်ေ မတ်မလီုရ။ ပ္ဍဲတၞၚ်သဳလေဝ် ဍာ်ဗု။ ဗီုဏံပိုဲကၠောန်လဝ် မွဲဒၞာဲရ။ မွဲဒၞာဲတှ်ေ ဂွံအာအလုံမွဲရးဏောၚ်ဟီုတှ်ေလေဝ်။ ပိုဲဂှ် နဒဒှ်ဟေန်ချာဲဘေတ်ဂျေတ်တုဲ ကဵုဖျုန်ကဵုကမၠောန်ရ ညံၚ်ဂွံကၠောန်ဂၠိုၚ်ၚ်မာန်။ ရုၚ်ဂှ်တှ်ေ ဟွံဒှ်ပံက်ကွေံကွေံပုဟ်။ လၟုဟ်ဂှ် ဒးပံက်အာသီုဖအိုတ်ဏောၚ်တှ်ေ ဒးကၠောန်အာဗီုဏံရ။
-သွက်ဇြဟတ်ကောန်ဗော်ဂွံပေၚ် ၁ ကိုတ် ပ္ဍဲအရာစန္ဒက် အခက်ခုဲဗီုပြၚ်လဵု နွံဒၟံၚ်ရော။ တုဲပၠန် ဒေသလဵု သ္ပအဓိကတုဲ စန္ဒက်ဒၟံၚ်နွံရော။
မန်ပိုဲတအ်လေဝ်။ အာပ္ဍဲမန်ပိုဲတုဲ ညးတအ်ကၠုၚ်ကဵုလဝ်နွံရ။ မၞိဟ်ညးတအ်ရ ညးတအ်ကၠုၚ်ကဵုလဝ်။ ပိုဲဟွံဒးစှ်ေစန္ဒက်မွဲသာ် ညးတအ်ဂှ် ဒှ်မံၚ်မွဲဖျုန်ကဵုပိုဲရ။ အရာဏံဂှ် ဒှ်တၚ်တၟေၚ်မွဲရ။ မန်တအ်ဂှ် စိုတ်ဓာတ်ညးတအ် မိက်ဂွံဇြဟတ် ကဵုဖျုန်ကဵု မန်ဇကုဇကုဇေတ်တ်ရ။ ဗီုဘဝညးတအ်နွံပၟိက် ညးတအ်ဗက်ဂၠာဲဒၟံၚ် မန်ကၠောန်ကဵုညးတအ်မာန်ဂှ်ရ။ ပိုဲလေဝ် အတိုၚ်ပၟိက်ဆန္ဒညးတအ် ၜိုတ်သ္ပမာန် ဖ္ဍိုက်ဗပေၚ်ကဵုမာန်ဏောၚ် ပတှ်ေကေတ်လဝ်ရ။ တုဲပၠန် ညံၚ်ညးတအ် ဂွံဒှ်မွဲဖျုန်ကဵုပိုဲဂှ် ပ္တိတ်ဒၟံၚ်ဇြဟတ်ရ။ ပိုဲစိုပ်မွဲဒၞာဲဗက်ဂှ် ညးတအ်ကောံကၠုၚ်တုဲ ကၠုၚ်ကဵုညးသ္ကအ်ရ။
သွက်ပိုဲဂွံဒးအာတ်ဟၟဲပုဟ်။ ကၠုၚ်ကဵုညးသ္ကအ်ရ။ ဒှ်ဒၟံၚ်အကာဲအရာဏံရ။ ဒှ်ဒၟံၚ်မွဲဖျုန်ကဵုပိုဲရ။ ယွံဗီုဏံဂှ် ဂၠိုၚ်ရ။
-လကြဴအိုတ်ဏံ စပ်ကဵုကိစ္စပ္တိုန်စရၚ်စၟတ်သမ္တီဗော်တုဲ မုမိက်ဂွံထပ်ဟီုဗပေၚ်နွံရော။
ဗော်ညးဗြဴပိုဲ သွက်ဂွံဆုတ်က္လေၚ်ဂှ်ဟၟဲပုဟ်။ သွက်ပိုဲ ဂွံဆက်အာဂတတေံရ နွံ။ ဍာံဍာံတေံဂှ် နူဒၞာဲပိုဲအာစိုပ်လဝ်တုဲတုဲဂှ် ယဝ်ရဒးဆုတ်ကလေၚ်တှ်ေ ညးဗြဴတအ်သုၚ်စောဲဟွံဂွံပုဟ်၊ ဆုတ်ကလေၚ်ဒၟံၚ် လ္ပာ်လကြဴဏောၚ် ရာဇာဝၚ်ဗီုဏံ ပိုဲဟွံဒုၚ်ပုဟ်၊ ညးဗြဴပိုဲဂှ် ဆက်အာဂတတေံဏောၚ်။ လစွံစိုတ်ဟွံဆုတ်ကလေၚ်ပုဟ်ဂှ် မိက်ဂွံဟီုထ္ၜးကဵု ညးဍုၚ်ကွာန်တအ်ရ။