လန်ဒန်၊ ဂျူလာၚ် ၁
ညးဂွံလဝ်အခေါၚ်ကၠုၚ်စ္ၜုဲစ္ၜော်ဗ္ဒဗ္ဒာဲ ဍုၚ်ဗြိတိၚ်တံ ကြဴနူသြန်လုပ်ညးတံဂွံကၠုၚ်တုဲ သွက်ဒၞာဲဝါဲ မံၚ်စံၚ်လဝ်တံကီု ကဵုလဝ်ပရေၚ်အထံက်ပၚ်တံကီုဂှ် ဒးကလေၚ်လေဲကဵုသြန် ၁၀၀၀၀ သတာလၚ်ပေါၚ်ရောၚ် အလဵုအသဳ လလောၚ်တြးလဝ်ရ။
အတိုၚ်သၞောဝ်ဥပဒေ ဆေၚ်စပ်ကဵု ပရေၚ်ဆုဲပြံၚ်မံၚ်စံၚ်စ္ၜုဲစ္ၜော်တံ သွက်ဒးပတိုန်ထ္ၜးအာကဵု စၠတ်ထဝ်မ္ဂး ညးသြန်လုပ် ၜိုတ်သၠောတ်ရုံရုံဂပ်ဂပ်နွံမံၚ်တံ အပ္ဍဲအပိုၚ်အခြာအခိၚ်မွဲဂှ် ဒးကလေၚ်လေဲဗပေၚ်ကဵု သြန်တံရောၚ် သ္ဂးရ။
သၞောဝ်ဥပဒေဂှ် ဆေၚ်စပ်အာကဵု ညးဂစာန်မံၚ်ပရေၚ်စ္ၜုဲစ္ၜော်ဗ္ဒဗ္ဒာဲ သွက်ဂွံဂွံအခေါၚ်ကၠောန်ကမၠောန် အပ္ဍဲဗြိတိၚ်တံရောၚ်။
စရိတ်ၚုဟ်မးတံဏံဂှ် ကၠာဟွံဂွံအခေါၚ်မံၚ်တန်တဴအာလၟိုန် ပ္ဍဲဗြိတိၚ်ဏီဂှ် အတိုၚ်လၟိဟ်သြန်စၟတ်ပိုၚ်ခြာလဝ်ဏံ ဒးကၠုၚ်လေဲပအပ်ကဵု အလဵုအသဳရောၚ်။
နကဵုဗြိတိၚ် ထံက်အာဂလာန် လတူပရေၚ်အာတ်မိက်စ္ၜုဲစ္ၜော်ဗ္ဒဗ္ဒာဲကီုလေဝ် ဒးနွံကဵုပရေၚ်ဒုၚ်တာလျိုၚ်ကီုရောၚ်ဂှ် ပရေၚ်အပြံၚ်သၠာဲသၞောဝ်ဥပဒေဏံ ထမံက်ထ္ၜးမံၚ်ရောၚ် ဝန်ဇၞော်ဌာနပရေၚ်ကေၚ်ကာအပ္ဍဲဍုၚ် ရှာဗာနာ မာမောတ် ဟီုရ၊ ။
သြန်ကၠုၚ်ပအပ်တံဏံဂှ် ဒှ်ပရေၚ်ဗ္စာရဏာ သွက်စေတနာကောန်ဍုၚ်ဗြိတိၚ်တံတုဲ ဒှ်အရာပရေၚ်ရီုဗၚ်မွဲကီုရောၚ် ညးဟီုရ။
ညးဆုဲပြံၚ်မံၚ်စံၚ်တံ အခိၚ်ဂွံကၠုၚ်သြန်ဂိတုမ္ဂး အရၚ်သွက်ၚုဟ်လိၚ်ဒၞာဲဝါဲ ညးတံမံၚ်စံၚ်လဝ်တံဂှ် ဒးကလေၚ်လေဲစုတ်ရောၚ်တုဲ ၜိုတ်အပြောံမ္ဂး နွံမံၚ်ၜိုတ် ၁၀၀၀၀ ပံၚ်ရ။
ကၠာဟွံဂွံသြန်ထံက်ပၚ်လၟေၚ်ဂိတုဏီဂှ် ညးတံဒးကလေၚ်လေဲစုတ် လၟိဟ်သြန်မူစိရောဂှ် နူဌာနဝန်ဇၞော်ပရေၚ်ကေၚ်ကာအပ္ဍဲဍုၚ် ဟွံဟီုလဴကဵုလဝ်ပုဟ်။
ညးဒးဒုၚ်တးပါဲလဝ် အခေါၚ်ပရေၚ်စ္ၜုဲစ္ၜော်ဗ္ဒဗ္ဒာဲတံဂှ်လေဝ် ယဝ်ရကိတ်ညဳကဵု လၟိဟ်သြန်အလဵုအသဳစၟတ်ပိုၚ်ခြာလဝ် သွက်ညးတံမ္ဂး ဒးကလေၚ်လေဲကဵုသြန်ရောၚ် သ္ဂးရ။
သၞာံတုဲကၠုၚ်တေံ သွက်ညးအာတ်မိက်ပရေၚ်စ္ၜုဲစ္ၜော်ဗ္ဒဗ္ဒာဲတံဂှ် သြန်အကံက်ခေါန်ညးဍုၚ်ကွာန်တံ ၄ ဗဳလဳယာန်သတာလၚ်ပံၚ် ဒးသုၚ်စောဲလဝ်ရောၚ် နူဌာနဝန်ဇၞော်ပရေၚ်ကေၚ်ကာအပ္ဍဲဍုၚ် ဗြိတိၚ် ဟီုလဝ်ရ။
Ref:BBC