နေပျဳဒဝ် – မာတ်ချ်(၃၀)
ရုပ်သီဏာ ဗော်ပရေၚ်ဍုၚ်ကွာန် (၄၀)ဗော် ဟွံပတိုန်စရၚ်စၟတ်သမ္တီ ဇရေၚ်ကံၚ်ဇြဳပၞာန်တုဲ ပါဲပလီုလဝ် နူဒဒှ်ဗော်ပရေၚ်ဍုၚ်ကွာန်ရဂှ် ကဝ်မယှေန်ပေါဲရုဲမာဲ သၟဝ်တဲကံၚ်ဇြဳပၞာန် လလောၚ်တြးလဝ်ရ။
အတိုၚ်သၞောဝ်ဥပဒေ ပ္တိုန်စၟတ်သမ္တီဗော်ပရေၚ်ဍုၚ်ကွာန် ၝောံပိုဒ် -၂၅ ဂှ်မ္ဂး ပ္ဍဲပွိုၚ် (၆၀)တ္ၚဲ ဗော်ပရေၚ်ဍုၚ်ကွာန် ဟွံကၠုၚ်ပ္တိုန်စရၚ်စၟတ်သမ္တီဗော်တအ်ဂှ် ဒးလီုလာ်ခရိုဟ်စှ်ေ နူဒဒှ်ဗော်ပရေၚ်ဍုၚ်ကွာန် အလဵုလဵုရောၚ်ဂှ် ပျးဌာန်လဝ်ရ။
ပၞောဝ်ကဵုဗော်ကံၚ်ဇြဳပၞာန်ရိုဟ်ပလီုရုပ်သီလဝ်တအ်ဂှ် ဗော်ပရေၚ်ဍုၚ်ကွာန် ဗော်ဒဳမဝ်ကရေဇြဳကောန်ဂကူ၊ ဗော်ဒဳမဝ်ကရေဇြဳကောန်ဍုၚ်အရၚ်သေံ၊ ဗော်ကောန်ဂကူတအာၚ်(ပလံၚ်)၊ ဗော်ဒဳမဝ်ကရေဇြဳရခေၚ်၊ ဗော်ဒဳမဝ်ကရေဇြဳကောန်ဂကူချေၚ်၊ ဗော်ဖောအ်ဗြေဝ်တဴတက်ကောန်ဂကူလာဟူ၊ ဗော်ကောန်ဂကူကယျာန်၊ ဗော်ဒဳမဝ်ကရေတ်တေတ်ဗွိုၚ်မၞိဟ်တၟိ ကေုာံ ဗော်ကောန်ဂကူကရေၚ်တအ် ပါလုပ်ဒၟံၚ်ရ။
အတိုၚ်သၞောဝ်ဥပဒေပ္တိုန်စရၚ်စၟတ်သမ္တီဗော်ပရေၚ်ဍုၚ်ကွာန် ကံၚ်ဇြဳပၞာန် ပျးဌာန်လဝ်မ္ဂး ဂိတုမာတ်ချ် စၟတ်တ္ၚဲ(၂၈)ဏံ ဒှ်တ္ၚဲစၟတ်သမ္တီလဝ် သွက်ဂွံအာတ်မိက်အခေါၚ်ဒက်ပ္တန်ဗော်ပရေၚ်ဍုၚ်ကွာန် တ္ၚဲလကြဴအိုတ်ရ။
မ္ၚးနူဂှ်ပၠန် နဗော်ပေရၚ်ဍုၚ်ကွာန် မိက်ဂွံတန်တဴအာ နဒဒှ်ဗော်ပရေၚ်ဍုၚ်ကွာန်တအ်ဂှ် အတိုၚ်သၞောဝ်ဥပဒေပ္တိုန်စၟတ်သမ္တီု ၝောံပိုဒ် – ၃ မ္ဂး ဆက်ပ္တိုန်စရၚ်စၟတ်သမ္တီဗော် မာန်ဒၟံၚ်ရဂှ် ကဝ်မယှေန်ပေါဲရုဲမာဲကံၚ်ဇြဳပၞာန် ဟီုသ္ဂးလဝ်ရ။
ပရိုၚ် – သြၚ်လောန်တိုၚ်(မ်)
ဗီုရုပ် – MDN