ထာန်တလာန် – မာချ်(၃၁)
ကွာန်ခွာဖိုဝ် ပွိုၚ်ဍုၚ်ထာန်တလာန် တွဵုရးချေၚ်ဂှ် ဟိုတ်နူဒပ်ကံၚ်ဇြဳပၞာန် ကၠုၚ်ဂြာတ်ထောံဖျေံလဝ်ဗုမ် နကဵုက္ၜၚ်ကျာဂှ်ရ သီုကောန်ၚာ်သၟတ်ၜါတၠ ကောန်အရာၜိုတ်(၈)တၠ ဒးချိုတ်လဝ်တုဲ မၞိဟ်ဂွံလဝ်ဝပ်တအ်လေဝ် နွံဒၟံၚ်ရဂှ် ဂကောံပၠန်ဂတး ပ္ဍဲဗလးမုက်တိဂမၠိုၚ် ဟီုကဵု ဌာန်ပရိုၚ်သြၚ်လောန်တိုၚ်(မ်)ရ။
တ္ၚဲဏံ အခိၚ်နူဂယး ၜိုတ်ဗွိုၚ် (၁၀)နာဍဳဂှ် ကံၚ်ဇြဳပၞာန် ကၠုၚ်ပန်ပှ်ောလဝ် နက္ၜၚ်ကျာဂျေတ်ဖိုက်တာ (၂)ဖ္ဍိုက် ဒတုံစှ်ေလဝ် ပ္ဍဲလ္တူသ္ၚိကောန်အရာပ်တပ်ပ်တုဲဂှ် (၈)တၠ ဒးချိုတ်အာမွဲလွာဲဂှ်တုဲ ညးဂွံလဝ်ဝပ်တအ်လေဝ် နွံကၠုၚ်ရ။
ပ္ဍဲဍုၚ်ထာန်တလာန် အကြာဏံမွဲၜါတ္ၚဲ ပေါဲဗတိုက်က္တဵုဒှ်လဝ်ဟၟဲတုဲ ကံၚ်ဇြဳပၞာန် ပ္တဝ်လဝ်ကဵုကောန်အရာပ် ညးဍုၚ်ကွာန်တုဲ ဗတိုက်လဝ်ရဂှ် ကောန်သ္ဂံၚ်ပၠန်ဂတးမွဲတၠ ဟီုသ္ဂးလဝ်ရ။
စပ်ကဵုအကာဲအရာဗလးမုက်တိဂှ် ဟွံဂွံတီကေတ်ချိုတ်တ်ပၠိုတ်တ်ဏီတုဲ ဒှ်ဒၟံၚ်အကာဲအရာ ၜိုတ်ရီုဗၚ်ဟံၚ်ပြာ်ဒၟံၚ် ညးဒးလဝ်ဝပ်ဟေၚ်ရဂှ် ညးဟီုသ္ဂးလဝ်ရ။
ဒပ်ကံၚ်ဇြဳပၞာန်ဂှ် ကၠောန်သ္ပကၠုၚ်ဒၟံၚ် ပရေၚ်ထ္ပက်ကရောၚ်ပၞာန် ကေုာံပရေၚ်ဗတိုက်ကၠုၚ် နကဵုက္ၜၚ်ကျာ ပ္ဍဲဒေသကောန်ဍုၚ်အရၚ် ကေုာံဒေသဇြဟတ်ပၠန်ဂတးတဴဒၟံၚ်တအ်ဂှ်တုဲ ပ္တဝ်ကၠုၚ်ကဵုညးဍုၚ်ကွာန်တအ် ဗတိုက်ပန်ပှ်ောဒၟံၚ်ရ။
ပြဟ်ဟ်ဏံမ္ဂး ပ္ဍဲဍုၚ်ဟာခါ ကေုာံဍုၚ်ဖလာမ် တွဵုရးချေၚ်တအ်ဂှ် ဒပ်ကံၚ်ဇြဳပၞာန်ကဵု ဒပ်စဵုဒၞာချေၚ်တအ် ပေါဲဗတိုက်က္တဵုဒှ်ဒၟံၚ်တုဲ ပ္ဍဲပေါဲဗတိုက် လ္ပာ်ကံၚ်ဇြဳပၞာန် ဒးဂိဒၟံၚ်ရဂှ် ဂွံတီကေတ် အတိုၚ်တၚ်လလောၚ်တြး ဒပ်ပရေၚ်စဵုဒၞာတအ်ရ။
ကြဴနူဒပ်ပၞာန်သီအဝဵုကၟိန်ဍုၚ်ဗၟာတုဲဂှ် ဂဗုတ်ပြိုက်ဂစိုတ်လဝ် မၞိဟ်ဗွဝ်ဗွဝ် လတူနူ(၅)တၠ နွံကၠုၚ်ဒၟံၚ် (၆၀)ဂဗုတ်ပြၚ်တုဲ ဟိုတ်နူပရေၚ်ပရောတအ်ဂှ်တုဲ ကောန်အရာပ် (၇၀၀)ပြၚ် ဒးဆောံလေၚ်လဝ် လမျီုရဂှ် ဌာနဝန်ဇၞော်အခေါၚ်အရာမၞိဟ် ဟီုသ္ဂးလဝ်ရ။
ပရိုၚ်-သြၚ်လောန်တိုၚ်(မ်)
ဗီုရုပ်-Chin Human Rights Organization(ဗီုရုပ်ကံၚ်ဇြဳပၞာန်စံင်ပလီုလဝ်ဍုၚ်ထာန်တလာန်)