ရေဝ်၊ ဨပရဴ (၁၁)
လ္တူဂၠံၚ်ဇၞော် မတ်မလီု−ရေဝ် ဗ္ဒါဲကွာန်(လိမ္မော်ခြံ) ပ္ဍဲတွဵုရးဍုၚ်မန်၊ ပွိုၚ်ဍုၚ်ရေဝ် မလလောၚ်တြးလဝ်
ပရေၚ်အုပ်ဓုပ်ပၞာန်ဂှ် ပ္ဍဲဂိတုဨပရဴ (၁၀) တေံ ကွဳစက်သ္ၚိမွဲဖ္ဍိုက် ဒးဒုၚ်ပန်ပှော်တုဲ
ညးဍုၚ်ကွာန်ကောန်အရာပ် (၂) တၠ ကလိဂွံလဝ်ဝပ်ဂှ် ညးဒေသတံ ဟီုကဵု
ဌာန်ပရိုၚ်သြၚ်လောန်တိုၚ်(မ်) ရ။
ပ္ဍဲကဵုတ္ၚဲဂှ် ၜိုတ်အခိၚ်နူဂယး (၁၁) နာဍဳ ကွဳစက် Vigo စှ်ေကၠုၚ်လ္ပာ်ရေဝ် ကၠုၚ်နူကဵုကျာ်ပိမွဲဖ္ဍိုက်ဂှ်ဝွံ
ပ္ဍဲကဵုစိုပ်ကုန်(လိမ္မော်ခြံ)ဂှ် ဒးဒုၚ်ပန်ပှော်လဝ်ရ။
ဟိုတ်နူဒးဒုၚ်ပန်လဝ်ကဵုသေနာတ်ဂှ်ရ ဥူဖေတာန် ဒၟံၚ်ပွိုၚ်ဍုၚ်ရေဝ် မဍိုက်ဗက်ကၠုၚ်လ္တူကွဳစက်ဂှ်
ကလိဂွံအာဝပ် ပ္ဍဲသ္ကဲဂှ် မွဲလ္စုတ်၊ ဒဝ်မျမန်ဂှ် ကလိဂွံဝပ် တေက်ဒးအာဂဒအ်ဗြာတ် မွဲလ္စုတ်ရ။
ညးဒေသ (၂) တၠ မကလိဂွံလဝ်ဝပ် (၂) တၠဂှ် ဂကောံရီုဗၚ်ဟံၚ်ပြာ်ပရေၚ်မၞိဟ်တံ ပလံၚ်ဗစိုပ်ကဵုလဝ်
ရုၚ်ဂဥုဲညးဍုၚ်ကွာန်ပွိုၚ်ဍုၚ်ရေဝ်ဂှ် ဂွံတီကေတ်ရ။
အတိုၚ်ဂလာန်ညးဒေသတံဂှ်မ္ဂး ညးဒေသ (၂) တၠ ပ္ဍဲကဵုဒးဒုၚ်ပန်ကဵု သေနာတ်ဂှ်ဝွံ ဒှ်ဒၟံၚ်ဒၞါဲဒပ်ကံၚ်ဇြဳပၞာန်
မၚ်တောပ်ဗ္တိုက်ဒၟံၚ်မွဲရောၚ်ဂှ်လေဝ် သ္ဂးရ။
တုဲကၠုၚ် ပ္ဍဲဂိတုဨပရဴ (၁) တေံဂှ်လေဝ် ဟိုတ်နူဒပ်ကၚ်ကံၚ်ဇြဳပၞာန် မၚ်တောပ်ဗ္တိုက်ဒၟံၚ်တံ
ပန်ပှော်စုတ်လဝ် နကဵုသေနာတ် ကုကွဳစက်သ္ၚိ နူရေဝ် မတိတ်ကၠုၚ်လ္ပာ်ဇြပ်ဗု ပ္ဍဲအကြာကွာန်ဗေလမိုၚ် ကဵု
ကွာန်အေကမ္ဘာတံဂှ်တုဲ သမ္ဘာတၠသ္ၚိဒၟံၚ်ဍုၚ်လၟိုၚ် (၂) တၠ ကလိဂွံအာလဝ်ဝပ်ရ။
ပ္ဍဲပွိုၚ်ဍုၚ်ရေဝ် မလလောၚ်တြးလဝ် ပရေၚ်အုပ်ဓုပ်ပၞာန်ဂှ် မွဲဏှမွဲဏှ ဟိုတ်နူဒပ်ကံၚ်ဇြဳပၞာန်
ပန်ပှော်ကဵုသေနာတ်တံတုဲ ကောန်အရာပ် ဟွံအောန်နူကဵု (၅) တၠ ချိုတ်လဝ်တုဲ (၁၀) တၠ
ကလိဂွံလဝ်ဝပ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−Linn Nay