တယိတ်ချံၚ်၊ ဨပရဴ (၂၆)
ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန် ပ္ဍဲပွိုၚ်ဍုၚ်တယိတ်ချံၚ်၊ ရးဒေသဇၞော်တၞၚ်သဳတံဂှ်ဝွံ ဂေတ်ကွာန် ဗ
က်ရပ်ဒက်ဒၟံၚ်ညးဒေသတံတုဲ ကၠောန်သ္ပဍဵုဍိုက်ပျဲပျာံၜုက်တက်ဒၟံၚ်ရောၚ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
ဒပ်ကံၚ်ဇြဳပၞာန် မထ္ပက်ကၠုၚ်ကရောၚ်ပၞာန်ဂှ်ဝွံ စနူဂိတုဨပရဴ (၂၃) တုဲ ဗက်ရပ်ဒက်ဒၟံၚ် ညးဒေသ နူကဵုကွာန်ဝါယျေတ်၊ ယၚေဝ် ပွိုၚ်ဍုၚ်တယိတ်ချံၚ် သီုကဵုကွာန်ပွဳပွူဗ္ဒါဲဗ္ဒါဲတံဂှ်ရ။
ပ္ဍဲဂိတုဨပရဴ စၟတ်တ္ၚဲ (၂၃) ကေုာံ စၟတ်တ္ၚဲ (၂၄) တံဂှ် ဒပ်ကံၚ်ဇြဳပၞာန်ဝွံ ကြဴနူရပ်ဒက် ညးဒေသ (၁၀၀) ပြၚ် နူကဵုကွာန်ယၚေဝ် ကေုာံ ကွာန်ဝါယျေတ်တံတုဲဂှ် ကၠောန်သ္ပၜုၚ်တက်စၟဳစၟတ်လဝ်တုဲ ကလေၚ်ဗလးကဵုလဝ်ရ။
ပ္ဍဲဂိတုဨပရဴ (၂၅) ဂှ်လေဝ် ဒပ်ကံၚ်ဇြဳပၞာန်ဝွံ ကၠေၚ်ဒက် ညးဒေသ နူကဵုကွာန်ကဇြိ ကေုာံ ကွာန်ပုၚ်တဝ် (၅) တၠတုဲ ရပ်ဒက်ဏာလဝ်ရောၚ် ညးဒေသမွဲတၠ ဟီုရ။
မၞိဟ်တြုံဒေသ ဒပ်ကံၚ်ဇြဳပၞာန်တံ မရပ်ဒက်ဏာ (၅) တၠဂှ်ဝွံ ဒှ်ကောန်အရာပ်သာမည ဒှ်ညးကၠောန်ၜိုတ်စသုၚ် မဂဗမကၠောန်တံတုဲ ဒပ်ကံၚ်ဇြဳပၞာန်ဂှ် ဆက်စပ်ဒၟံၚ်ကဵု ပရေၚ်မာၚ်ဗ္တိုဟ်ထ္ကး အကြာကွာန်ပုၚ်တဝ် ကေုာံ ကွာန်ကဇြိဂှ်ရောၚ်ဂးတုဲ ရပ်ဒက်ဏာလဝ်ရ။
ဟိုတ်နူဒပ်ကံၚ်ဇြဳပၞာန် ကၠေၚ်ဒက်ရပ်ဏာ မၞိဟ်တြုံဒေသ (၅) တၠဂှ်တုဲ ကောန်သ္ၚိကၟိန်ဂမၠိုၚ် ပွမဒှ်ဓဝိၚ်ဂွိၚ်ဂွါဲ သွက်အန္တရာယ်လမျီုညးတံ နွံဒၟံၚ်ဂှ် ဂွံတီကေတ်ရ။
ဒပ်ကံၚ်ဇြဳပၞာန် ဗက်ရပ်ဒက်ဒၟံၚ် ညးဍုၚ်ကွာန် နူကဵုကွာန်ဂမၠိုၚ် မၞုံအပ္ဍဲပွိုၚ်ဍုၚ်တယိတ်ချံၚ်တံ သာ်ဏံဂှ်ဝွံ ဒှ်ပြဝပၠောပ်ဓဝ်ဖေက်တံရောၚ်ဂှ် ညးဒေသတံ ပါ်ပါဲဒၟံၚ်အိုတ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−CJ