အမေရိကာန်ကဵု ကိုဝ်ရဳယျာသၠုၚ်ကျာတအ် ထ္ပက်စၟတ်တဲ တၚ်တုပ်စိုပ်ပရေၚ်ပံၚ်တောဲရေၚ်တၠုၚ် အာကာသ

ဝါယှေန်တာန် – ဨဗြဴ(၂၆)

နာသာအမေရိကာန်ကဵု အေဂျေန်ဇြဳသိပ္ပံ ကိုဝ်ရဳယျာသၠုၚ်ကျာတအ် သွက်ဂွံတာဒၞာကိုဝ်ရဳယျာသၟဝ်ကျာမာန် ညံၚ်ဂွံသၠဲတြးပ္တိတ် ပရေၚ်ဆက်စၠောံ ကေုာံ ပရေၚ်ဆက်ဆောံ ဆေၚ်ရာကဵုပရေၚ်ဂီုကၠီုဂှ် ထ္ပက်လဝ်စၟတ်တဲ လိက်ကသုက်တၚ်တုပ်စိုတ် ရန်တၟအ်သွက်ဂွံသၠုၚ်ပ္တိုန် ပရေၚ်ပံၚ်တောဲရေၚ်တၠုၚ် ပ္ဍဲဗလးအာကာသ ၜါကၟိန်ဍုၚ်ရဂှ် ညးတာလျိုၚ်သ္ၚိနန်ဗ္တာၚ်မွဲတၠ ဟီုသ္ဂးလဝ်ရ။

သမ္မတကိုဝ်ရဳယျာသၠုၚ်ကျာ ယွောန်ဇြုခ်ယိုဝ်ဂှ် သွက်ပေါဲသဳကၠဳပေၚ်သၞာံကဆံၚ်လ္တူ သၞာံမဟာမိတ် ပေၚ်(၇၀)သၞာံ ကြဴနူစပ္တမ်ကၠုၚ်လဝ်လၟေၚ်တရဴကၟိန်ဍုၚ်နာနာ ဝါယှေန်တာန် ပ္ဍဲသတ္တာဟဏံ အလန်ကိုပ်ကၠာအိုတ် ပ္ဍဲပွိုၚ်(၁၂)သၞာံဂှ် တၚ်တုပ်စိုတ်ဏံ မံက်တိတ်ကၠုၚ်လဝ်ရ။

သ္ဇိုၚ်သ္ကိုပ်ပရေၚ်အုပ်ဓုပ်နာသာ ပါမ်မေဝ်ရွိုၚ် ကေုာံ သ္ကိုပ်သ္ကဌာနသိပ္ပံအိုၚ်ဇြဳတဳ ကိုဝ်ရဳယျာသၠုၚ်ကျာ ဂျောန်ဟိုဝ်လဳတအ် ထ္ပက်အာစၟတ်တဲ တၚ်ပံၚ်တောဲလလောၚ်တြး တၚ်တုပ်စိုတ် ပရေၚ်ပံၚ်တောဲရေၚ်တၠုၚ် ဆေၚ်စပ်ကဵုသိပ္ပံ ပရေၚ်လ္ၚတ်ဂၠိုက်ဂၠာဲအာကာသ ပ္ဍဲအေဂျေန်အာကာသ အမေရိကာန် မၞုံပ္ဍဲမေရိလာန်ရောၚ်ဂှ် ဂွံတီကေတ်ရ။

တၚ်လလောၚ်တြးပံၚ်တောဲ ထ္ပက်စၟတ်တဲ ကိုပ်ကၠာနူတရဴဂအ်ဒေတ် သမ္မတယွောန်ကေုာံ ဒုသမ္မတအမေရိကာန်ဂှ် ပ္ဍဲသွာၚ်နာနာ မပ္တံကဵု ပရေၚ်ဆက်စၠောံအာကာသ၊ ပရေၚ်အာကၠုၚ်သ္ပသ္ဇိုၚ်ကဵုအာကာသ ကေုာံ သုတေသနဂၠးကဝ်ဂိတုတအ်ဒှ်တမ် သ္ပအာဒ္တန် တၚ်ရန်တၟံကၟိန်ဍုၚ် မွဲကရောံမွဲစွံ ခိုၚ်ၚ်ဗိုန်ဗိုန်ရဂှ် ညးတာလျိုၚ်သ္ၚိနန်ဗ္တာၚ် ဟီုသ္ဂးလဝ်ရ။

ကိုဝ်ရဳယျာသၠုၚ်ကျာဂှ် ပ္ဍဲသၞာံတုဲကၠုၚ်ဟွံလအ်ဏံ အခိၚ်ပ္ညဳဒၟံၚ် ညံၚ်ဂွံညောန်ကြပ်ကဵု ပရေၚ်ပ္တိတ်ဇြဟတ်အာကာသဂှ် သၠုၚ်ပ္တိုန်ဒၟံၚ် အကာသညးတအ် ကေုာံ ဍာ်ဒကေဝ်ဗလးပတိုန်ဂမၠိုၚ်တုဲ ပရေၚ်ချဳဒရာၚ်ပၞာန် ဆေၚ်ကဵုဂၠးကဝ်ဂမၠိုၚ် သၠုၚ်ဂၠိုၚ်တိုန်ကၠုၚ် ပ္ဍဲဂၠံၚ်ဗ္ဂေတ်ဂၠးကဝ်တုဲ ပရေၚ်လ္ၚတ်ဂၠိုက်ဂၠာဲအာကာသဂှ် က္တဵုဒှ်ကၠုၚ် သွက်ပရေၚ်ဆက်ဆောံကလုတ်တမာန် ဗွဲအဓိကရ။

သ္အာၚ်နူဂှ်ပၠန် ပ္ဍဲသၞာံ ၂၀၂၁ တုဲကၠုၚ်တေံဂှ် ထ္ပက်လဝ်စၟတ်တဲ သၞောတ်ဗ္ၜတ်ဆေၚ်ကဵုကမၠောန်ပြဝ မၞုံပ္ဍဲဗလးအကာသ ကေုာံ ဗလးမုက်ဂိတု မဒှ်လိက်ကသုက်တုပ်စိုတ် အမေရိကာန်က္ဍိုက်လဝ်က္ဍိုပ် ၜါကၟိန်ဍုၚ်ဂှ်တုဲ ဗလးပ္တိုန်ကဵုလဝ် လူနာအဝ်ဗေတ်တာ ပ္ဍဲလ္တူ Space X ဏီရ။

ကိုဝ်ရဳယျာသၠုၚ်ကျာဂှ် ဒပ်အာကာသညးတအ်ဂှ် ဒက်ပ္တန်ကၠုၚ် နဒဒှ်လစှ်ေဒပ်ကျာတုဲ ခၞံကၠုၚ်ဒပ် ပွမမၚ်ရံၚ်ကမ်လှောဝ်၊ ပွမထံက်ပရိုၚ် ကေုာံဗက်ဒၞာဲဇိုၚ် ပ္ဍဲကဵုဂိတု ဒဳဇြေမ်ဗာ တုဲကၠုၚ်ဏံရ။

Ref,CNA