လ္ဂုၚ်၊ ဨပရဴ (၃၀)
မၞိဟ်တြုံမွဲတၠ မလုပ်ဗ္တိုက်လဝ် ကမၠောန်ရေၚ်တၠုၚ် ပရေၚ်လှာဲဂတးသြန်လှုဲ မၞုံပ္ဍဲဂၠံၚ်( ရန်ကၚ်း)၊ အရာပ်(၄)၊ ပွိုၚ်ဍုၚ်(ရန်ကၚ်း) ၊ ဍုၚ်လ္ဂုၚ် နကဵုသေနာတ်ပ္တောံဂှ် ဒးဒုၚ်ရပ်လဝ် ပ္ဍဲကဵုဒၞါဲဂှ်ဂှ် ညးဒေသတံ ဟီုကဵု ဌာန်ပရိုၚ်သြၚ်လောန်တိုၚ်(မ်) ရ။
လၟေၚ်ဒဒှ်ဍာံဂှ် ပ္ဍဲဂိတုဨပရဴ (၂၉) အခိၚ်လ္ဒေါဝ်တ္ၚဲ ပွဳပွူ (၁) နာဍဳဂှ် မၞိဟ်တြုံမွဲတၠဝွံ ရပ်လဝ် သေနာတ်ပ္တောံမွဲဇကိုအ်ကဵု ၜုန်မွဲတၞုၚ်တုဲ အခိၚ်မထံက်ဒၟံၚ်ၜုန် အာတ်ဒၟံၚ်လှုဲ ကုညးမဒှ်မာန်နေဂျာဂှ် ဒၟါနူမာန်နေဂျာဂှ် ဍဵုဒးကောန်ဍေၚ်ကဵုတြီကာတၟေၚ်ဂှ်ရ မၞိဟ်နူပွဳပွူဂှ်ဂမၠိုၚ် စိုပ်ကၠုၚ်တုဲ ဒးဒုၚ်ရပ်ဒက်လဝ်ရ။
စပ်ကဵုပရေၚ်ဗ္တိုက်ဏံတုဲ မၞိဟ်ကလိဂွံဝပ်ဇီုကပိုက်ဂှ် ဟွံမွဲလဝ်တုဲ မၞိဟ်မကလိလောန်လဝ်ဒုဟ်တံဂှ်လေဝ် ရပ်ဂွံလဝ်လွာဲဂှ်ရောၚ်ဂှ် ညးမစုက်လုက်ကဵု ဂကောံဒပ်ဗၠာဲသၟိၚ်ရးလ္ဂုၚ်မွဲတၠ ဟီုရ။
အခိၚ်လၟုဟ်ဂှ် ကုညးမပ္တိတ်လဝ်ဇြဟတ် သွက်ဂွံပၠံၚ်ၜးဗ္တိုက် မၞုံယၟုသဳယဳမာၚ် ဒၟံၚ်ပွိုၚ်ဍုၚ်ဥက္ကလာပသၟဝ်ကျာဂှ် ရပ်ဂွံလဝ် သီုသေနာတ်ပ္တောံ၊ သီုၜုန်မွဲတၞုၚ်ဂှ် ဂွံတီကေတ်ရ။
စပ်ကဵုအကာဲအရာ သဳယဳမာၚ် ဒးဒုၚ်ရပ်ဒက်လဝ် ပြဟ်ဟ်ဏံဂှ်တုဲ နူကဵုသြၚ်လောန်တိုၚ်(မ်) ၜိုန်ရသၟာန်သၟုက်လဝ် ဂကောံဒပ်ဗၠာဲသၟိၚ်လ္ဂုၚ်တံကီုလေဝ် ကယျာန်ပါဲလဝ် သွက်ဂွံသှ်ကဵုတံဂှ်ရ။
ပရိုၚ်−သြၚ်လောန်တိုၚ်(မ်)
ဗီုဓာတ်−Thamararziwa (Facebook)
sanlontai