နေပျဳဒဝ် – မေ(၁)
ဝန်ဇၞော်ပရေၚ်ဍုၚ်သ္အာၚ်ကြုက် မာဿတာချေန်ကာန်ဂှ် ဂိတုမေ စၟတ်တ္ၚဲ(၂) တ္ၚဲဏံ ကၠုၚ်စိုပ်နေပျဳဒဝ်ရောၚ်ဒှ်တုဲ မ္ၚးနူက္ဍိုပ်သ္ကိုပ်ပၞာန်သီအဝဵု ဂအုပ်သ္ကိုပ်ဗိုလ်ဇၞော် မေန်အံၚ်လှာၚ်တုဲ ဆဵုဂဗအာကဵု တၠအဝဵုပၞာန်တြေံ ဥူတာန်ယှိုဲရောၚ်ဂှ် ဓမံက်ထ္ၜးလဝ် ပ္ဍဲမဳဒဳယာတြးဝါဒရ။
ဂိတုမေ စၟတ်တ္ၚဲ(၁)တုဲကၠုၚ်တေံ မာဿတာချေၚ်ကာန် ဆဵုဂဗကဵု ညးစၞးတၟေၚ် ညးအုပ်ကာနာနာကုလသမဂ္ဂ ဆေၚ်ရာကဵု ကၟိန်ဍုၚ်ဗၟာ မာဿနိုဝ်လေန်ဟေဇြာ ပ္ဍဲဗေကျေန်တုဲ ပ္ဍဲပေါဲဆဵုဂဗဂှ် ဟိုတ်နူပရေၚ်အပ္ဍဲဍုၚ် ပြသၞာကၟိန်ဍုၚ်ဗၟာ ယှုက်ထုဲတုဲ သွက်ဂွံသောၚ်ကလးပြဟ်ဟ်မာန် ဒှ်ဟွံလောဲရဂှ် ဟီုသ္ဂးလဝ်ရ။
သ္အာၚ်နူဂှ်ပၠန် သွက်ဂွံသ္ပရှ်ေသှ်ေဒ္ဂေတ်ဗက် အခေါၚ်အဝဵုကၟိန်ဍုၚ်ဗၟာဂှ်လေဝ် ဟီုကဵုလဝ်သတိ ကုတွဳဗွိုၚ်ကၟိန်ဍုၚ်နာနာတုဲ တၚ်လစွံစိုတ်တၞဟ်ခြာဂမၠိုၚ် ပံၚ်ဗ္စပ်ရေၚ်သ္ကအ်တုဲ နူကဵုသဳကၠဳပရေၚ်ဍုၚ်ကွာန်မွဲကဆံၚ် သွက်ဂွံပြံၚ်စၠောံအာ ဒဒှ်ပရေၚ်ဍုၚ်ကွာန်ကီု ပ္ဍဲကဵုဗွိုၚ် သၞောဝ်သ္ဇိုၚ်ဒက်ပ္တန်ဂှ် သွက်ဂွံထံက်အာဂလာန် ကုဗော်ပရေၚ်ဍုၚ်ကွာန်ဂှ်လေဝ် ဟီုသ္ဂးလဝ်ရဂှ် ဂွံတီကေတ်ရ။
ပရိုၚ်-သြၚ်လောန်တိုၚ်(မ်)
ဗီုရုပ် – Getty Images
ဗီုရုပ်- ဃောသ္ကိုပ်စၞောန်ပ္ညုၚ်ပရေၚ်ဆက်ဆောံဍုၚ်နာနာ ဗော်ကောန်မျူနေတ်ကြုက် ဆဵုဂဗလဝ်ကဵု တၠအဝဵုပၞာန်တြေံ ဥူတာန်ယှိုဲ ဂိတုဨဗြဴ စၟတ်တ္ၚဲ ၁၆ တုဲကၠုၚ်တေံ ။
sanlontai