သထံက်ဟုမ်၊ မေ (၁၇)
နကဵုသမဂ္ဂဥရဝ်ပ (EU) ဖျေံစၟတ်လဝ် စေဝ်ပၞောန်စပ်ကဵုခရေပ်တိုဝ် ပ္ဍဲတ္ၚဲအၚာတေံ အလန်ကိုပ် ကၠာအိုတ်တုဲ ကဵုလဝ်ဇြဟတ်ဂရိုဟ် ကုကၟိန်ဍုၚ်ဂမၠိုၚ် သွက်ဂွံဗက်ကၠောန် ဗွဲမကိတ်ညဳကဵုအခိၚ်အခါ ညံၚ်ရဴဗျိတိၚ် ကေုာံ အမေရိကာန်တံဂှ်ရ။
ကောံဓရီု ဝန်ဇၞော်ပရေၚ်ဘဏ္ဍာ EU ဂှ် သ္ပဒတန်လဝ် သီုကဵုစေဝ်ပၞောန် ဟွံတုပ်ကဵု ပါလဳမာန်ဥရဝ်ပ မသ္ပဒတန်လဝ် အပ္ဍဲဂိတုဨပရဴတေံဂှ်ရ။
ကြဴနူ FTX မဆေၚ်စပ်ကဵု ပရေၚ်လှာဲဂတး crypto တံ သရိုဟ်အာတုဲ ပွမထိၚ်ပ္ညဳ Crypto ဂှ်ဝွံ သာတုဲပၟိက်ဇၞော်ကၠုၚ်ဒၟံၚ်ရ။
“အတိုၚ်ပရူပရာ မက္တဵုဒှ်လဝ် ခြာဟွံလအ်တံဂှ်မ္ဂး သွက်ဂွံစဵုဒၞါ ကောန်ဍုၚ်ဥရဝ်ပ မဓလိုက်လဝ် တမ်ရိုဟ် ပ္ဍဲခရေပ်တိုဝ်တံ ခိုဟ်ဟ်ဂှ်ကီု၊ သွက်ပွပကီုပရာပ် စပ်ကဵုပရေၚ်ဘဏ္ဍာတံဂှ်ကီု ကေုာံ သွက်ပြဝသ္ပသြန်ဟွံလုပ်သၞောဝ် ညံၚ်ဂွံဒှ်သြန်လုပ်သၞောဝ်တံဂှ်တုဲ သွက်ဂွံဖျေံစၟတ်စေဝ်ပၞောန် သ္ဂောံတာဒၞါ နူကဵုပွမရပ်စပ်ခရေပ်တိုဝ်ဟွံဒးကဵုဒၞါဲတံဂှ် နွံပၟိက်ဒၟံၚ်တုဲ သ္ပဒတန်လဝ်မဒှ်ရ” သာ်ဝွံ ဝန်ဇၞော်ပရေၚ်ဘဏ္ဍာသွဳဒေန် ဟီုဂးလဝ်ရ။
ကမ္ပဏဳ Crypto တံဂှ်လေဝ် မၞုံဒၟံၚ်ပၟိက် ကုအရာမချိုတ်ပၠိုတ် နကဵုစေဝ်ပၞောန်တံဂှ်တုဲ တၞဟ်နသ္ဂောံချူခၞံ စေဝ်ပၞောန်အဳယူတံဂှ် သွက်ဂွံကဵုဇြဟတ်ဂရိုဟ် ကုဍုၚ်ဂမၠိုၚ်ဂှ်ကီု၊ သွက်ဂွံကၠောန် ပွၜက်ကၠောံဍုၚ်တံဂှ်တုဲ ညံၚ်ဂွံဖျေံစၟတ်သၞောဝ်အစာံ စပ်ကဵုအလုံဂၠးတိဂှ် ကဵုဒၟံၚ်ဇြဟတ်ဂရိုဟ် လ္တူညးစၞောန်ပျးသၞောဝ်တံရောၚ် ဂွံတီကေတ်ရ။
မွဲလ္ပာ်ပၠန်ဂှ်လေဝ် ကၟိန်ဍုၚ်အမေရိကာန်ဝွံ အခိၚ်မဖျေံစၟတ် တၚ်သ္ဂုတ်သွာတ် သွက်စေဝ်ပၞောန် သၞောဝ်တၟိဂှ် သွက်ဂွံကၠောန်ၜိုတ် ပ္ဍဲပရေၚ်ကေတ်ဒုဟ် ပ္ဍဲသွာၚ်ခရေပ်တိုဝ်တံဂှ် ရပ်စပ်စကာဒၟံၚ် သၞောဝ်မတန်တဴဒၟံၚ်တုဲတုဲတံသၟးရ။
ဟေသတာ မဒှ်ကမ္မယှေန်နာ နူကဵု CFTC မွဲတၠဂှ် သၟိၚ်တၠအဝဵုအမေရိကာန် နူကဵုတွဵုရး ကေုာံ ဖေဝ်ဒရာတံဂှ်ဝွံ ပ္တိတ်ဒၟံၚ်ဇြဟတ်ဂ္စါန်ဒၟံၚ် သွက်ဂွံထ္မံက်ပ္တိတ် သာ်လဵုဂွံကောပ်ကာဲအာ နူကဵုအခန်ကဏ္ဍ ခရေပ်တိုဝ်ဂှ်ရောဟီုဂှ် ပ္ဍဲသတ္တာဟတုဲကၠုၚ်တေံ ဟီုဂးလဝ်ရ။
Ref: Reuters
sanlontai