ထံက်ပၚ်ကဵုဒါန် ကပေါတ်စသုၚ်သ္ဇိုၚ် သွက်ညးဍုၚ်ကွာန် ဒးဘဲဒဏ်လဗိုတ်ကျာ ပ္ဍဲရးသေတ်ဂါၚ်

ယေန်မာပေန် – မေ (၂၀)

ရးဒေသသေတ်ဂါၚ်၊ ပွိုၚ်ဍုၚ်ယေန်မာပေန်ဂှ် ဟိုတ်နူလဗိုတ်ကျာတုဲ ညးဍုၚ်ကွာန် နူကွာန်ဒးဒုၚ် လဝ်ဘဲဍာ်(၂)ကွာန်တအ်ဂှ် ဂကောံအညာပေတ်တိုၚ်ထောၚ်လေဝ်မျာ (အညာပစ်တိုင်း ထောင်လေးများ) ထံက်ပၚ်ကဵုလဝ်ဒါန် ကပေါတ်စသုၚ်သ္ဇိုၚ်ရ။

ထံက်ပၚ်ကဵုလဝ်ဒါန် ကွာန် (၂)ကွာန် ပ္ဍဲပွိုၚ်ဍုၚ်ယေန်မာပေန် လၟိဟ်သ္ၚိ (၆၁၀)တုဲ အခိၚ်လၟုဟ်ဏံ သွက်သၟာဒဒိုက်တအ် ဒှ်ဒၟံၚ်အခက်ခုဲ သွက်ဂွံစသုၚ်ရဂှ် ဂွံတီကေတ်ရ။

ပရေၚ်ထံက်ပၚ်ကဵုဒါန်ဏံ ဂကောံအညာပေတ်တိုၚ်ထောၚ်လေဝ်မျာ Western Chindwin Association(WCA) ကေုာံ Beyond The Chindwin Organization (BCO)တအ် ပံၚ်တောဲ ကဵုလဝ်ဒါန်ရ။

ဗီုရုပ် – ဂကောံအညာပေတ်တိုၚ်ထောၚ်လေဝ်မျာ